معجزتي أنا "كاملة"

الفصل الرابع

في الكويت في نفس المكان الذي تركها به حسن وعلى الكنبة اخذت توبا تفكر في حياتها وهل ستسطيع ان تكمل بهذه الطريقه مع حسن.... وتذكرت كلامها مع ميرنا 

 ميرنا : يا بنتي جوزك لسه خام وانتم لسه في بداية علاقتكم شويه والامور هتهدا بينكم 

اخذت توبا تتذكر هذا الحوار وتفكر به ووصلت الي ان تحاول بقدر المستطاع ان تتفهم حسن وتحاول ان تحبه , وتبني اسره معه حتي انها قررت ان توقف الحبوب التي كانت تأخذها 

كان حسن قد طلب أجازه لمدة اسبوع ليظل مع توبا فترة الي ان تعتاد على حياتها الجديده في الكويت 

على السفره 

توبا : حسن انت خلاص اجازتك هتخلص بكره ومنزلتش معاك غير مره وروحنا فيه نزور صاحبك ادهم 

حسن : ده لولا ادهم ومراته اتحايلوا عليا نروحلهم مكنتش هنزل من البيت خالص .... وغمز لها بعينه  مشبعتش منك لسه 

توبا : يا حسن مهو حياتنا مش هتبقى كلها سرير وبس , تعالى طيب ننزل شويه حتى اجيب طلبات نقصاني في البيت ونرجع ويبقى الليل قدامك طويل 

حسن : ليل ايه يا توتو انا لازم انام بدري انا بصحى من الفجر

توبا : يا حسن لسه بدري ما تخفش مش هنتأخر 

حسن يترك الطعام :خلاص يا توبا قومي البسي , مهو الواحد مش هيخلص من زنك ده 

قامت بالفعل توبا تستعد سريعا وذهبت مع  حسن لاحد المولات التجاريه لشراء طلبات للبيت 

توبا : حسن انا خلصت اللي عايزاه ماتيجي نعد في اي كافيه

حسن : كافيه ايه يا بنتي انتي فكرانا في مصر . الحاجات دي هنا غاليه اوووي , وكفايه يعني الطلبات الكتير اللي ملهاش لازمه اللي خلتيني اجبها  

توبا : تعالى انت بس انا عزماك , في كافيه هنا حلو صاحبتي كانت قالتلي عليه

حسن : طيب بس ما تتعوديش اوي على كده

توبا : اني اعزمك يعني 

حسن : لا الكافيهات يعني , وبعدين مافيش حاجه اسمها تعزميني وانا اعزمك , المفروض ان فلوسنا واحد 

توبا بقلق من كلامه : اااه طبعا فلوسنا واحد 9 

في الكافيه 

توبا : حسن هو انا لو قولتلك عايزه اشتغل هتسبني ادور على شغل 

حسن : بصي انا مابحبش الست اللي بتشتغل اتربيت كده , وبعدين يا ستي انتي مش محتاجه الفلوس في حاجه 

توبا : هو انا بشتغل علشان الفلوس بس , انا بحب الشغل وبعدين متقلقش مش هآثر في البيت في حاجه , وبعدينن اهو مرتبي هيسد معاك شويه في المصاريف , اصل زي مأنت شايف انا بشتري حاجات كتير ممكن تكون بالنسبه لك مالهاش لازمه بس تلزمني انا 

حسن : لو على الفلوس والمصاريف اعتقد يعني انا والدك مكفيكي وحاططلك في البنك المبلغ اللي يعيشك هنا كويس 

توبا : هو انت عرفت منين حاجه زي دي , وبعدين الفلوس دي بابي سيبهالي لو احتجت حاجه جنب وظيفتي , لكن انا مبصرفش منهم حاجه الحمد لله احنا اتربينا ان احنا نشتغل ونصرف على نفسنا قبل ما نحتاج لبابي في حاجه 

حسن : يا سيتي ا عتبري الفلوس دي مرتبك لكن شغل لا , انا اتجوزت علشان عايز ست تدلعني وتاخد بالها مني وميبقاش عندها غيري , واصلا كلها كم شهرو ولي العهد يشرف وتتلبخي بيه 

توبا : ولي عهد ايه دلوقتي داحنا مابقلناش غير شهر متجوزين , وبعدين ايه دخل ده بشغلي , مأنا مامتي خلفتني انا واخواتي وكانت بتشتغل وبتشتغل  لحد دلوقتي 

حسن : بقولك ايه يا توتو ده اخر كلام عندي شغل مافيش فلوسك ومعاكي يا ستي كفي بيها نفسك واصرفيها على شمبوهاتك وهدومك وحاجاتك الغريبه دي ... واهو نشيل من ال9 شهور شهرين يبقى كمان 7 شهور ابني هيكون وصل 

عادوا للمزل وتوبا طول الطريق تفكر في كلام حسن وازاي اتغير عن اول ما أتقدملها لانه في الاول كان بيقول انه فخور بشغلها في البنك , وطريقة تفكيره نفسها ابتدت تخوفها 

وفي المنزل و مثل كل يوم يأخذها حسن بمنتهى القسوه والألم , وقبل ان يغط في نومه 

حسن : توتو عايزك تصحيني الساعه 4 الفجر وتكوني محضرالي الفطار , وحاجات كده تصبيره في البريك   

قامت توبا من جانبه وذهبت لـتاخد شاور واخذت تبكي على ما يحدث , وانتهت من الاستحمام وذهبت تصلي وتدعو الله ان يهدي حسن ويهدي حياتهم 

ثم ذهبت للمطبخ تعد له الطعام , وبعد ان انتهت جلست تقرأ القرآن حتى اتى موعد استيقاظ حسن فاعدت له الفطار وودعته للشغل وذهبت لتنا م

استيقظت توبا على صوت احد في المنزل.......

ياترى مين اللي في البيت 

ده اللي هنعرفه البارت الجاي .