بعد شهر
تغيرت لولي كثيرا خلال هذه الفتره فبدأت تستجيب مع شيرين الاخصائية النفسيه , وبدأت تتعامل مع الاطفال الاخريين وتطلب من توبا ان تصحبها للنادي , واصبحت اقل تاثرا بتنمر الاطفال عليها
وفي هذه الفتره ايضا اصبح شريف صديقا للعائله وايضا لأصدقاء توبا , اما مراد فيحاول كثيرا للتحدث مع توبا لمعرفة اخبارها ولكنها تصده كل مره , وحاول كثيرا مع أحمد ان يخبره عن ما حدث معها عبر السنوات الفائتة ولكن أحمد رفض
في منزل توبا وكان مدعو عندهم شريف او شري كما تطلق عليه لولي , وايضا كريم ومها التي بدأت تظهر عليها علامة الحمل قليلا
علاء : منورنا يا شريف يا ابني , انت مش عارف لولي بتبقى فرحانه ازاي وانت معانا
شريف : والله وانا اكتر يا عمي انا بقيت حاسس اني وسط عيلتي , ولولي كمان بقيت حاجه كبيره في حياتي
كريم يعقد حاجبيه ل لولي : اه يا عم دانا حتى ابتدت اغير , دي مابقتش بتسأل في كييم خالص
لولي : شري حاجه تانيه يا كيييم , بعدين خلاث كييم هيبقى عنده بيبي وينثى لولي
كريم : اخص عليكي يا لولي انتي فاكره كيييم يقدر يحب حد زي لولي , وبعدين مش انتي اللي هتاخدي البيبي من مها تربيه
مها : اه طبعا يا لولي مش اتفقنا انك اللي هتسعديني فيه
نسرين : امال فين خطبتك د/شرين مش كانت تيجي تتغدا معانا , داحنا حتى مش عارفين نشكرها على اللي بتعمله مع لولي
شريف : هي بتعتذر عندها مذكره كتير علشان بتحضر الرساله بتاعتها
نسرين بتهكم : بس غريبه انا مش شايفاك لابس دبله , انت من الرجاله اللي مابتحبش تلبسها ولا ايه
توبا تنظر بغضب لوالدتها
شريف بإحراج : لا مهو انا و شرين مش مخطوبين , يعني ده كان اتفاق بين والدتي وخالتي واحنا لسه مأخدناش قرار
علاء ليقطع الكلام : ربنا يعملكم اللي فيه الخير د/شرين بنت حلال وكفايه وقتها مع لولي , يلا نروح نعد في الجنينه لحد مالشتات يعملولنا القهوه
وبعد ان يخرجوا للحديقه ومعهم لولي
توبا : في ايه يا مامي ايه الاسئلة اللي بتساليها دي لشريف
نسرين : ايه يابنتي مش نبقى عارفين ظروفه وحياته
توبا : واحنا مالنا بحياته , هو احنا هنسبه
أنت تقرأ
معجزتي أنا "كاملة"
Romantikالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم
