معجزتي أنا "كاملة"

الفصل الرابع عشر

في الصباح استيقظت توبا بعد حلمها الغريب بجدتها .... وقررت ان تذهب للطبيب بدون معرفة اهلها 

في العياده 

د/مجدي : بصي يا توتا انتي زي بنتي وانا مش عايز اخبي عليكي الجنين حالته كويسه محتاج بس اتأكد من كم حاجه كده فهنعمل شوية تحاليل 

توبا : يا انكل انا ... بصراحه جايه لحضرتك علشان انا مش عايزه البيبي ده ولازم اخلص منه 

مجدي بأنفعال : يعني ايه تخلصي منه , وانتي جيالي و فكره اني هوفقك على الهبل اللي في دماغك ده , لا طبعا اتفضلي شوفيلك اي دكتور من اللي معندهمش ضمير يعملك كده 

توبا : يا انكل حضرتك ماتعرفش الظروف اللي حصلتلي واللي انا فيه , وممكن ابوه يطلب ياخده مني في اي وقت 

مجدي : من غير ما اعرف او ادخل في تفاصيل حالتك ما تسمحش بحاجه زي دي غير كده ده جنين في الشهر الرابع وخلاص فيه روح ومافيش حاجه تخليني اخد اجراء بالشكل ده ,,,, روحس يا بنتي ارجعي بيتك واستغفري ربنا على الكلام ده , بس قبل ما ترجعي اعمليلي شوية التحاليل اللي طلبتها منك واشوفك لما النتيجه تظهر 

توبا تخرج توبا وهي حزينه وتفكر ماذا تفعل , تجد مسجد بجانبها فتدخل لتصلي وبعد ان انهت صلاتها جلست تدعي ربها وتبكي حتى ان نامت دون ان تشعر وتكرر معها نفس الحلم , استيقظت وهي خائفه مما كانت تنوي فعله وقررت ان تذهب لتجري الفحوصات التي كتبها لها الطبيب 

عادت توبا للمنزل فوجدت والديهافي غاية القلق عليها 

نسرين : كنتي فين يا توتا خضتينا عليكي 

توبا : سوري يا مامي بس كنت حابه انزل اتمشى شويه مع نفسي 

علاء: طيب يا حبيبتي كنتي تقوليلنا مش نصحى منلاقكيش , وكمان مش معاكي موبيل 

توبا : اااه عايزه افتكر اشتري واحد التاني هناك حسن كان اخده مني 

نسرين : خلاص يا حبيبتي انسي كل حاجه هناك , بابي بليل يحبلك موبيل احسن من الاولاني كمان 

علاء : انا عنيا لتوتا حبيبتي هو انا عندي غيرها , على فكره المحامي بتاعنا رافعلك قضية طلاق خلاص وقدمنا بلاغ في الزفت ده وكلها يومين ويكون مترحل من هناك 

توبا بفزع : بابي اوعى يكون حد عرف كلامي امبارح , بابي حسن هيفضحني 

علاء : توتا حبيبتي عمر ما حد هيقدر يمسك ولا يعمل فيكي حاجه وانا عايش 

وبعد يومين ظهرت نتيجه التحاليل وذهبت توبا تستلمها ثم ذهبت للطبيب 

مجدي : بصي يا توبا انا كنت شاكك في كم حاجه كده والتحاليل اللي انا طلبتها منك اكدتهالي... الجنين بنسبة كبيره هيبقى مصاب بمتلازمه داون , لسه مصممه على موقفك وعايزه تنزليه