معجزتي أنا "كاملة"

الفصل الثاني عشر

بعد مكالمة دكنور شريف مع علاء والد توبا قرر ان يذهب لمدير المستشفى ليبلغه ما حدث 

د/محمود : بص يا شريف انت اتصرفت غلط , كان مفروض تعمل محضر تثبت في حالة البنت ومتخرجهاش مع جوزها 

د/ شريف : بصراحه انا مكنتش مصدقها ... لما قالتلي عايزه تجهض الجنين حاسيت ان في حاجه غلط في حكايتها ,  وكلامها مكانش مقنع بس لما شوفت جوزها واللي بتقول صاحبتها دي شكيت 

د/محمود : بس برده كنت تمنع خروجها بأي شكل 

د/شريف : هي شاورتلي ماتكلمش واسيبها تمشي , انا مش فاهم حاسس ان في حاجه غامضه في الحوار , انا لو في مكانها وهو بيعذبني ماكنتش هروح معاه تاني 

د/محمود : دلوقتي لما والده يوصل هنعرف ايه اللي حصل , بس انت لو شاهدت معاه هتعرض نفسك للمسائلة 

د/شريف : بصراحه مش مهم , المهم اني اقدر انقذ البنت دي 

في مصر 

علاء والد توبا يقوم بأتصالاته بمعارفه جميعا في مصر والكويت ليسهلوا عليه الاجرائات هناك ويقدر يرجع بتوبا من هناك , ونسرين في حالة قلق وبكاء على ابنتها وبجانبها ميرنا تخفف عنها 

ميرنا : كفايه يا طنط عياط بقى , خلاص انكل مسافر الصبح وان شاء الله يرجع بيها 

نسرين : عايزه اروح معاه مش قادره افضل هنا ومعرفش بنتي جرالها ايه 

علاء : يا نسرين مانا قولتلك ملاقتش غير مكان واحد في الطياره , وان شاء الله مش هطول وهرجع بيها , انا كلمت كمال صاحبي وسعادة السفير هناك كمان في انتظاري ما تقلاقيش , وانتي يا ميرنا خليكي هنا انهارده انتي واحمد لحد ما ارجع 

ميرناا : اكيد يا انكل مش هسيب طنط المهم حضرتك تروح وترجع ب توبا ونطمن عليها 

نسرين : اما انا نفسي اشوف الكلب ده واكله بسناني 

ميرنا : واسماء كمان , البنت دي اكيد عارفه بلاوي عنهم وساكته 

في الكويت 

توبا مازلت ضعيفه ومرهقه بعد ما حدث , وكل فتره تدخل لها سيري تحاول ان تطعمها ولكن ترفض 

سيري: وبعدين حسن توبا مش بتاكل وكده غالط عليها وعلى البيبي هنعمل ايه 

حسن : هاتي الاكل انتي هدخل ااكلها بالعافيه 

سيري: لا براحه بقى يا حسن احنا مش عايزين مشاكل تاني , كفايه امبارح عدا على خير 

حسن: تصدقي مش عارف ازاي دانا قولت الدكتور المصري ده هيبلغ عنا ولا هيعمل محضر بس استغربت انه سابنا نمشي عادي 

سيري: تفتكر قالتله حاجه 

حسن : لا معتقدش هي اكيد خافت من الفيديوهات اللي هددتها بيها , يلا هدخل اطفحها الاكل وارجع بقى تروقيني وتعمليلي مساج 

دخل حسن على توبا وهي اول ما شافته اتخضيت وقامت من سريرها تحاول ان تحمي نفسها منه 

توبا بخوف وحذر : ماتقربش مني بقى كفايه اللي حصل امبارح 

حسن : طيب خدي اطفحي الاكل ده وانا هاسيبك , اوعي تفتكري انك فارقه معايا انا اللي فارق معايا ابني اللي في بطنك 

توبا : ابنك ده انا هموته , مش عايزه اي حاجه جوايا منك انا بقيت بقرف كل ما افتكر اني هاجيب بيبي منك 

حسن وهو يمسكها من ذراعها ويلويه خلفها : ابقي وريني يا شاطره هتعملي ايه , وانا افضحك واخلي فيديوهاتك الشاذه دي على النت 

توبا ببكاء : سيبني ابعد عني يا حيوان , انا اللي شاذه يا مقرف انت والبتاعه اللي انت ماشي معاها 

حاولت ان تبعده عنها لكن حسن كان اسرع منها وربط يده في شعرها وجذبها منه للارض واخذ يضربها بكل قسوه وهي تصرخ 

وفجاءه فتحت سيري الباب 

سيري: حسن في حد بيخبط على الباب , خايفه يكون حد من الجيران سمع صوتها 

حسن : خليكي هنا معاها هشوف مين , وانتي تخرصي خالص ومسمعلكيش صوت 

وذهب ليفتح الباب ليتفاجأ 

علاء : بنتي فين يا ندل يا جبان 

حسن بقلق : اهلا اهلا يا عمي , مش كنت تقول علشان اجي استقبلك في المطار 

علاء : فين بنتي 

توبا بصريخ : باااابي 

دخل علاء وكان معه قوة من الشرطه يبحث عن توبا حتى وجدها في غرفتها ومعها سيري تحاول ان تكتم صوتها 

علاء : بنتي بنتي , عملت فيها ايه يا ندل يا جبان 

توبا : بابي الحمد لله انك جيت خدني من هنا , والفيديوهات 

علاء : فيديوهات ايه 

توبا : خدها منه يا بابي خدها منه هيفضحني 

ووفقدت وعيها 

نقلها علاء سريعا للمستشفى , والشرطه القت القبض على حسن وسيري 

وعندما فاقت حكت لوالدها كل ما حدث واخبرته عن الفيديوهات وطلبت منه ان يحرقها حتى لا تصل لأحد , ثم عادت مع والدها لمصر ....... 

نهاية البارت