في منزل علاء , اتصل به شريف واستأذنه ان يأتي لزيارة عاليا ومعه ابنة خالته وهي طبيبه نفسية مختصه بالحالات المشابهه لعاليا
علاء وهو جالس مع نسرين في الحديقه : والله د/شريف ده جدع اوي بيتصل علشان عايز يجيلنا ومعاه الدكتوره اللي قالنا عليها لعاليا
نسرين : اه والله مش عارفه ممكن نقدملك ايه على وقفته معانا دي , اذا كان زمان في الكويت ولا هنا ربنا يكرمه, بس اقولك ان حاسه ان حوار الدكتوره دي تلكيكه حاسه كده كأنه معجب بتوتا ده مابينزلش عينه من عليها
علاء : بلاش كلام فارغ وحاسبي بنتك تسمعك بتقولي كده انتي عارفه حوار الجواز ده بيعصبها
نسرين : طب هتشوف , وبعدين يعني عاجبك اعدتها كده في وسطنا ودايخه ببنتها
علاء : وانا روحت فين , واحمد وكريم مش بيسبوها دول بيعاملوها هي ولولي كأنها اختهم
نسرين : يا علاء الدنيا تلاهي وبكره هينشغله واحنا مش عايشينلها العمر كله , نفسي اطمن عليها مع راجل يحميها هي وبنتها ويصونهم ويعوضها عن اللي شافته
علاء : كل حاجه بوقتها متزنيش انتي بس وتقولي كلام يضايقها لحسن تقفش على الراجل .... وبعدين ركزتي مع شريف مركزتيش مع الواد مراد ده انا مش مرتحله
نسرين : ماهو ده اللي كان هيخطبها زمان , لما سمعت اسمه افتكرت , وبعدين سابها واتجوز البنت المجنونه بتاعة النادي دي
علاء : ايوه مأنا افتكرت , وعلشان كده مستغرب لهفته عليها والزيارات
نسرين : طيب اسكت علشان نزلت هي ولولي اهيه
لولي : جدوووو يالا تعالا نحضل حاجات الحفله بقى
علاء :عينيا ليكي بس بشرط , تتغدي الاول وتخلصي الاكل كله
لولي : طيب عايزه اكل فرخه كبيره وثوربة
نسرين : حالا هقوم اعملهالك
لولي : هاجي اتفرج عليكي
توبا :خليكي نانا هتخلصها علشان ما تتعبيش انتي
علاء : سبيها تروح يا توتا وهتعد جنب نانا في المطبخ على الكرسي بتاعها
ذهبت عاليا مع جدتها
توبا : شكلك كده عايزني في حاجه يا بابي
علاء : دكتور شريف كان قالنا على دكتوره لحالة عاليا , واتصل قال عايز يجي فعزمته على عيد ميلادها
أنت تقرأ
معجزتي أنا "كاملة"
Romanceالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم