في المنزل عادت توبا لتتفاجأ بوجود كريم ومها
توبا : ايه ده انتم جيتم على هنا , مش قولته هتعدوا عليا في النادي
كريم : مها تعبت وماقدرتش قولنا نيجي نستناكم هنا
توبا : مااالك يا مهاميهو الدكتور قالك ايه
مها بتعب : قالي مفاجاه مكنتش متخيلاها ومن وقتها وانا تعبت اكتر
لولي : مفأجا , عايز اعرفها بثرعه
مها : شوفي يا ست لولي هيبقى عندك بيبهات كتير تلعبي معاهم
توبا تصرخ من فرحتها : توأم بجد
كريم : شوفتي البلوه اللي انا فيها , مها فضلت محوشاهم علشان تجبهم كلهم مره واحده
توبا : اخص عليك متقولش كده دي احلى حاجه في الدنيا
لولي : يعني ايه توأم دي
مها : يعني عندي جوه في 2 بيبي مره واحده , انتي واحد وانا واحد
لولي بفرحه : هاااايه يعني في لعب كتير بيبي هلعب معاهم , بث المهم يكون بنت
نسرين : مبروووك يا حبيبتي الف مبروك الحمد لله ربنا عوض صبركم خير
كريم يمثل الغضب : كلكم بتبركولها وانا محدش افتكرني , ده حتى انا اللي عملهم
مها بكسوف : بس يا كريم ايه الكلام ده
كريم : الله مش إنتاجي ده
توبا : استنى لما نشوف الاول انتاجك ده هيطلع عامل ازاي , اوعي يا مها تتوحمي عليه وتجبلنا حاجه شبهوا هيطلعوا عيال رخمه اوي
لولي تتدخل : اه هيبقوا رخمين زي ايمن ومالك
كريم : مين ايمن ومالك دول يا لولي
لولي : دول الولاد الوحشين اللي بابهم مراد ده وحشين اوووي يا كييم حتى انهارده كانوا بيضربوا الاولاد في المرجيحه , وامي قالت اقول لمراد المره الجايه
كريم بغضب : توبا انتي قابلتي مراد تاني
توبا : يا ابني جاه بالصدفه النادي ولما لقاني لوحدي اعد معايا
مها : خلاص يا كريم بقى ما تكبرش الموضوع
كريم : يعني ايه انا مش قولتلك متتكلميش معاه , مش هايجي منه خير
أنت تقرأ
معجزتي أنا "كاملة"
Romanceالحدوته المره دي مختلفه يمكن فيها جزء حقيقي و جزء ياريت يبقى خيال .... هتكلم فيها عن العنف اللي بتتعرضله المرأه وبيتظلم فيه الاطفال , وكمان عن اطفال متلازمة داون وازاي الناس بتتعامل معاهم في المجتمع يارب تعجبكم
