معجزتي أنا "كاملة"

الفصل السابع والعشرون

في النادي 

وبعد أن استعادت توبا وعيها طلبت من شريف ان يوصلها للبيت , كل هذا و مراد يقف بعيدا يشاهد ما يحدث ويريد ان يكون بجانبها بدلا عن شريف وكريم 

وفي المنزل استأذنت توبا من والديها ان تصعد فورا لغرفتها ومعاها عاليا وتركت شريف مع والدها 

نسرين : ده اللي كنت عامله حسابه , الراجل ده عمره ما هيتغير ولا هيهتم ببنته اصلا 

علاء : المهم يا شريف يا ابني فهمت من لولي رأيها ايه 

شريف : انا ملحقتش اتكلم معاها بس اكيد شرين كونت رأي عن اللي شافته من تصرفات عاليا , بس اعتقد ان عاليا مش هتبقى عايزه تشوفه تاني وبالذات بعد ما حاست ان حاجه زي دي تعبت مامتها 

علاء : يارب با ابني , انا اصلا مش عايز يبقى لينا اي علاقه بالراجل ده تاني 

شريف بأحراج وهو يقف : طيب استأذنكم يا عمي هرجع انا على العياده وبكره ان شاء الله افهم من شرين وابلغكم 

نسرين :تشتأذن فين بس دانا خلاص جهزت الغدا 

شريف : الف شكر يا طنط بس لازم امشي علشان ورايا شغل كتير 

علاء : خلاص يا نيسو سيبيه يمشي كفايه تعبه معانا اليوم كله , اكيد عطلناه

شريف : لا والله ابدا يا عمي انا حتى اخد اجازه الصبخ مخصوص علشان اكون مع توبا يعني معاها هي ولولي 

نسرين : ربنا يكرمك يا ابني والله ده لولا واقفتك معانا زمان مكناش عرفنا نعدي كل ده 

وفي المساء وبعد عدة محاولات اتصال من مراد اخيرا ردت توبا 

مراد : توتا انتي فين كل ده قاقتيني عليكي 

توبا : مافيش يا مراد رجعت اخدت لولي في حضني ونمنا , مكنتش قادره اتكلم في اي حاجه , حتى سبت د/ شريف مع بابي وطلعت 

مراد : يادي شريف اللي في كل مكان ده , حتى الصبح هو اللي معاكي وانا واقف من بعيد اتفرج 

توبا : تاني هتقوولي شريف يا ابني قولتلك الراجل جمايله كتير عليا انا وبنتي واصلا لولي متعلقه بيه جدا

مراد : مهما كان ايه اللي يجيبوا معاكم الصبح 

توبا : كتر خيره مكانش عايز يسيب عاليا في الموقف ده لوحدها 

مراد : عاليا ولا مامة عاليا , انا مش مرتاح لوجود الراجل ده في حياتك كده