معجزتي أنا "كاملة"

الفصل السادس عشر

بعد مرور اربع سنين 

كانت توبا خلال تلك السنين قد استقالت من البنك لكي تتفرغ لرعاية عاليا او (لولي) في البداية كان المجهود شاق على توبا في حالة لولي كانت تحتاج رعاية خاصه واهتمام كبير ولكن بوجود والديها بجانبها وايضا صديقتها المقربه , وكريم صديقها الذي بدا يتعامل مع لولي على انه خالها ولولي ايضا كان تحبه كثيرا هو و زوجته مها التي لم ترزق بأطفال حتى الآن 

انقطعت الصله مع حسن تماما بعد زيارة المستشفى , وحتى بعد وفاة والده حاولت توبا ان تذهب لتقدم واجب العزاء وكانت معها لولي , لكنهم رفضوا استقبالها واهانوها كثيرا امام المعزين , ولذلك قرر والدها ان يقطع هذه الصلة تماما معهم حتى مبالغ النفقه المقرره ل لولي قرر بالاتفاق مع توبا على ان تتنازل عنها , واغلق الحوار تمام , حتى حسن في الاربع السنين الماضيه لم يحاول ولا مره ان يسأل على ابنته

ومن سنه افتتحت توبا حضانه لذوي الاحتياجات الخاصه لتساعد الاطفال المصابن بحالات مشبه لحالة عاليا , وايضا تساعد اهاليهم لعدم وجود اماكن كتير لمثل هذه الحالات 

في الحضانه 

تجيب توبا على هاتف الذي طل يدق لوقت طويل : مهاميهوووو عامله ايه يا قمر فينك كده 

مها : موجوده يا بنتي بس كنت مشغوله شويه , بقولك انتي فاضيه ولا اعدي عليكي 

توبا : ولو مش فاضيه افضالك يا جميل , هو انا عندي كم مهاميهو , بس قوليلي مالك شكلك متخانقه مع سي كريم 

مها : استني يا بنتي لما اجيلك انتي دايما متسرعه كده , انا في الطريق ليكي اصلا 

توبا تضحك : لااااا ده شكل الحوار كبير بقى , طيب يلا مستنياكي متتأخريش لولي لو خلصت الحصه بتاعتها ولاقيتك هنا مش هتسيبنا نتكلم انتي عارفه هي بتحبك ازاي 

مها : لولي دي حياتي والله , طيب يلا انا داخله عليكي اهو 

_________________________________________

توبا في مكتبها تدخل مها 

مها وهي تضمها جامد : وحشتيني يا توتا , بقالنا كتير ما اتقبلناش , الحضانه واخده كل وقتك 

توبا : والله يا بنتي بروح منها يا دوب اتغدا انا ولولي ونجري على التمارين , وبنروح بليل مش شايفين قدمنا 

مها : وهي عامله ايه مش بتسأل علينا 

توبا : لا والله دي دايما تقولي حايزه اثوف خالو وماهميهو , يلا اعملوا حسابكم بقى عيد ميلادها هعمله الاسبوع الجاي في النادي