فهد صحا بموية بااااردة في وشو قام مخلوع وهو مطير عيونو : في شنو ؟؟؟
محمد : مش قلت ليك بقومك للصلاة ... يلا قوم .
فهد: ضب انا عشان تكب فيني موية 😠
محمد : ابيت تصحى اها اعمل ليك شنو 😌.
فهد وهو بغطي وشو بالبطانية : الاذان لسا ما اذن وبعدين انا يادوب نمت .
عمر : يا ولد قوم بلا يا يا دوب نمت معاك قوم الصلاة .
فهد بي صوت نعساااان 😪: خلاص بس 5 دقايق .
عمر ومحمد عاينو لي بعض وبسرعة عمر جرا منو المخدة ومحمد كب ليهو موية تاني في وشو .
فهد قعد في السرير وهو بصرخ بي عصبية : ياااااخ وقفو ما تكبو فيني الزفت دا 😠.
مسح الموية من وشو وفجأة لقا ابوهو قدامو .
حيدر بي نهره : قوم يا ولللد الصلاة
فهد وقف بي سرعة : طيب .
بعد ما ابوه طلع محمد وعمر دوروها ليهو ومحمد كان بيحاكي في شكلو وهو بقوم بي سرعة من السرير .
بعد دقايق جهز وطلعو كلهم الجامع بيبعد قرابة الاربعة دقايق بالرجلين من البيت ..... وصلو الجامع وصلو وبعد ما خلصو فهد قام لكن محمد قعدو .
فهد : افاااا في شنو تاني .
محمد : لا لسا الدرس الديني .
فهد : درس ديني شنو عايز انوم .
محمد : ماالي ومالك لكن الدرس الديني دا اهم شي عند ابوي فلو قمت حيزعل منك.
فهد قعد بي احباط 😂 وبدا الدرس الديني وخلص بعد ساعة ... فهد طوالي طلع وهو نازل المدرجات طقش ليهو راجل .
الراجل : براحة يا ولد ما شايف قدامك ؟
فهد : اسف يا عمي ما شفتك .
الراجل: ما مشكلة لكن انت اسمك منو .(عجبو شكلو)
فهد : فهد .... فهد حيدر .
الراجل : ماشاااااء الله انت ولد حيدر عبد العزيز .
فهد : اي .
حيدر وحسن جو طالعين والاتنين في وقت واحد : اوووو مامون حسين .
والراجل طوالي قبل عليهم ومشا سلم عليهم ... عمو مامون كلامو كتيييييير ماسكهم ساعة ويتكلم وينضم ويرغي وطبعا فهد خلاص عايز يغمى عليهو من الزهج كان راكب في صندوق عربية من العربات الجمب الجامع لحدي ما الله فكا كربتو وعمو مامون مشا بعد ما ودعهم .
لمن وصلو البيت كلهم طلعو فوق الا فهد الكان بيتكلم في التلفون بعد ما خلص وهو داخل لقا نسمة طالعة على الشغل .
نسمة بي ابتسامة : صباح الخير 😊
فهد : صباح النور .
نسمة : جاي من الصلاة ولا شنو ؟
فهد : اي
نسمة : حرما
فهد : جمعا 😊.
وبعديها نسمة طلعت .
فهد فتح الباب وبرضو لقا نوران طالعة .
فهد وقف ثواني قبل ما يقول ليها : كيفك ؟
نوران : الحمد لله .
فهد : نوران انا .... قاطعتو وهي مبتسمة : عارفة 😊 ماكان قصدك .... اصلا انت ما عندك ذنب بس انا بكره السرعة العالية .
معقولة يكون في انسان طيب وقلبو نضيف كدا ؟؟؟
نوران : تعال دايرة اعرفك على فسدق .
فهد : فسدق ؟؟؟ نوران : اي كلبي الصغنن .
مشا معاها على طول الحديقة وهي بتتكلم ليهو عن فسدق وحكاياتو .... فهد بعد ما وصلو بقا مبحلق في فسدق دا ما فسدق دا شريخان كلب بوليسي قدر النمر وباين الشراسة في وشو .
فهد وهو بيبلع ريقو : متأكدة انو دا فسدق ... احتمال تكوني غلطتي في العنوان .
نوران : 😂 دقيقة اعرفكم ببعض فسدق اعرفك دا فهد ... فهد دا فسدق .
فهد وهو بيأشر بيدو ✋️: اتشرفنا يا فسدق .
بعد ما خلصت الجولة التعريفية فهد طلع للشباب فوق قعدو كلهم في اوضة محمد .
تلفون فهد ضرب .... رما التلفون بي عدم اهتمام .
عمر : منو ؟
فهد : رقم غريب .
عمر : رد احتمال حاجة طارئ .
فهد وهو عاضي على شفتو السفلى : الو
الطرف تاني وبي صوت انثوي جذاب : الوو
فهد : منو معاي ؟
الطرف التاني : معقولة ما عرفتني .
فهد ببرود : لا والله ما حصل لي الشرف .
الطرف التاني : انا ترتيل .
فهد : ترتيل منو ؟
ترتيل : اجي يا فهد ترتيل بت عمك .
فهد : ااااا ترتيل ..... ايوه ..... ترتيل اسف بس ما عرفت صوتك يادوب صاحي من النوم ومدروخ وكدا .
ترتيل : يلا خلعتني .
فهد : معليش.
ترتيل وهي فرحانة عشان قال ليها معليش : ما مشكلة ...اولا اسفة على اني اتصلت بدري ....ثانيا كنت عايزة اسألك تطلع معاي المول الليلة ؟
فهد : اولا ما مشكلة ثانيا مول شنو ؟
ترتيل : عفراء
فهد : طيب اشوف الشباب لو ما عندنا شي الليلة بكلمك.
ترتيل : لو وافقتو رسل لي رسالة في الواتساب دا رقمي احفظو .
فهد : تمام .
ترتيل : يلا بباي .
فهد : باي .
محمد : مالا ترتيل ضاربة من الصباح ؟
فهد : قالت عايزه تطلع المول .
محمد بحماس : فكرة والله ... اصلا كنت عايز اوديكم .
فهد : طيب خليني ارسل ليها اننا موافقين .
عمر : خلاص نكلم الباقيين اضرب لي كرم وكلم البنات .
وفجأة نوران فتحت الباب : انا سمعت كل القلتوهو ممكن اكلم جود وفراس يجو معانا ؟
عمر وهو ميت من الضحك :😂 نوران انا بحبك ياخ .
محمد وهو برضو بيضحك : 😂😂 اعزمي العايزة تعزميو ماف مشكلة .
فهد كان مبتسم وبعاين ليها (عسووووولة ) .
محمد كلم البنات اما نوران عملت مكالمة جماعية مع فراس وجود .
نوران : شباب كيفكم .
جود : تمام الحمد لله .
فراس : كويسين .
نوران : الليلة ماشين المول مع اولاد اعمامي دايراكم تجو .
جود : معليش يا جماعة انا امي ما بتخليني.
