صباح اليوم التالي:
علي طلع وهو شايل كيس الزبالة لمن قرب من البرميل بتاع الزبالة سمع : هشششششش هش هش بس بس بس.
نزل براحة عشان يستكشف وفجأة لقا نفسو ميت من الضحك لقا البت بتاعت حسوني ملصقة ضهرها على الحيطة بخوف وماسكة الكيس وفي كديستين 🐱🐈 محاصرنها .
اول ماشافت علي قالت ليهو : صباح الخيييير يا استاذ علي ممكن لو سمحت تساعدني☺ .
علي وهو بيرمي الكيس في الزبالة :هسه بالله عليك المحتاج مساعدة منو؟ 😒
البت : عارفة انو لقائنا ما كان جميل ..لكن برضو صفات السودانيين اولاد انو يساعدو بناتهم صح 😸.
علي وهو بيتكل في درابزين السلم : اممممم يعني باختصار عايزاني ازح القطط (باللهجة المصرية )
البت : اومال 😠
علي : اهااااا رجعنا تاني للحركات 😒.. وعمل فيها نفسو حيمشي .
البت : استنا استنا.. اسفة انا اسفة بس بليز زح الكديسة من هنا 😢.
علي : اسمك منو ؟
البت : ميار
علي : لمار ؟
البنت : لا ميار ميار
علي : منار ؟
ميار : اسمي مياااااار ..ميم ياء الف الف الف الف راء
علي : اهااا.... طيب يا ميار عشان ازح الكدايس الحلوة دي عندي شرط
ميار : قول 😣
علي: اعتزري على اي حاجة ازعجتيني فيها .
الكديسة قالت مياااو ... ميار قربت تبقى ضب وتطلع في الحيطة😂 ..
قالت ليهو بي سرعة : بعتزر..بعتزر من اعماق قلبي على اي حاجة عملتها ليك من اول يوم شفتك .
علي : حلو حلو ...
ختا صباعو في ذقنو نظام بيفكر: تاني شنو يا علييي تاني شنووو... ايوا بالله تاني الصوت العالي والكلام كتير خليهو يعني هسه انا عرفت نقطة ضعفك الكدايس... شكلك من الفئة البتخاف من الصراصير... لو قابلتك تاني واتجننتي لي حتلقي كديسة في وشك وصرصار في خشمك مفهوم 😠؟
ميار : مفهووووم 😢
علي بي رفق زح الكدايس ... ميار رمت كيس الزبالة في علي : صدقت نفسك 😛
وقامت جارية ... علي رما الوسخ في الزبالة وجرا وراها الاتنين فقدو عقولهم في اللحظة دي 😂😂😂.
وقفت جمب الباب وبقت بتعاين لي علي وبتدقدق في الباب بي سرعة ... علي حصلها وفي اللحظة ديك باب شقتهم اتفتح وطلع منها شاب اكبر من علي بي شوية .
ميار : شفت يا كولا الولد دا ساكيني 😢
كولا زحاها وطلع لي علي..عاين ليهو مسااااااااافة ومالساعة المسك ليك علي في حضن وهو بيقول بي فرحة : اوووووو علي ياخ
علي بي نفس الاسلوب : كوكو كولا مشتاقين والله
ميار نطرت عيونها وبقت بتعاين ليهم
كولا : كيف الاهل والاصحاب كلكم تمام ؟
علي : تماااام الحمد لله كلهم جو هنا عشان رمضان .
كولا: اتفضل عليك الله
علي : مرة تانية ان شاء الله .
كولا قبل على ميار : مالك مع الولد يا موما ؟
علي بي ورا كولا مدا ليها لسانو 😜😜😜.
فجأة جا حسوني يتاوق دا منو الفي الباب .
علي: حسووووني
كولا: بتعرفو ؟
علي وهو بعاين لي ميار : كيف ياخ دا عندي معاهو قصة .
طميار بلعت ريقها .... كولا شال حسوني : دا ولد اختي سحر .
علي : اهااا ماشاء الله ربنا يحفظه.
كولا: والمجنونة دي بت خالتي ميار الملقبة بي موما .
علي : اتشرفنا يااااا موما 😏.
كولا : بجيكم زيارة في شقتكم ان شاء الله
علي : شقتنا فاتحة في شقتكم طوالي.. وشرفنا في اي وقت... يلا مع السلامة .
كولا : مع السلامة .
علي رجع شقتهم قفل الباب وقف جمبو لي مسافة قبل ما يضحك بصوت عالي حير القاعدين في الصالة ودخل اوضتو وهو بيردد : موما يا موما .
ومضت ساعات اليوم روتينية... البنات خلصو طبيخهم وتجهيزيهم للفطور بي مساعدة رجالهم ...بسمة ورنا مراقبين العيال الصغار عشان ما يخربو حاجة... مع اقتراب وقت الاذان بدو يجهزو في الصفرة ويرصو في الاكل... الاذان اذن فطرو وصلو جماعة... فهد لقا في اختو بتغسل في العدة كان دورها .. ونوران بتفضي في بواقي الاكل...فهد حبا يساعد اختو ويغسل معاها... شال اول صحنين يرجعهم الدولاب وقعهم وكسرهم .
نوران : مقدرين جهودك ... بس اتفضل اطلع بره 😂😂😂.
في : شكرا يا فهودي بس خلاص انا اتعودت .
فهد طلع بره وقعد جمب كرم وقال ليهو : انت ما حابي تساعد في في الغسيل بتحنن ياخ بتغسل فيهم براها .
بسمة : عشان اختك يا فهود؟ احنا كل يوم بنغسلها برانا .
فهد: بنوتات حلوات زيكم ما مفروض يغسلو اي حاجة ... تقعدو زي الاميرات ... مفروض اخوانكم هم يغسلوها يجربو معاكم شوية .
كرم : اثرت فيني والله 😂.. خلاص بمشي اساعدها.
ودخل يساعدها ❤... شوية كدا سمعو صوت صحن تاني اتكسر 😂😂😂 وجا كرم مطرود .
علي : الحاجات دي بقدرو ليها هم براااهم ما تحاولو تعملو رومانسيين 😂.
ليث بي زعل : احنا ما مشينا البيراميدث .
علي بي ضحكة : الولد دا طالع لي زمان كنت بتكلم كدا .
عمر : حنمشي يا بابا بكرة ان شاء الله .
بسمة: نفسي امشي الاقصر يا جماعة .
باسل : وانا نفسي امشي شرم الشيخ .
عمر : بعد رمضان عندنا اسبوعين حنمشي اي مكان عايزنو بس رمضان دا خلوهو يعدي .
شوية كدا الرجال نزلو القهوة .
لمن جو طالعين الساعة كانت زي 11 بالليل فهد دخل اوضتو لقا نوران في البلكونة
نوران بي كره : لو سمحت زح مني .😒
فهد اتخلع: مالك 😳
نوران : ياخ اسكت اسككككت ماعايزة اسمع صوتك .
فهد بي نهرة : احنا هنهظر في شنو ؟
نوران : اوريك في شنو ؟ ها عايز تعرف في شنو انا بكككككرهك بكككككككرهك وبكره اليوم الاقيتك فيهو طلقني .. ومشت .
فهد مسكها من يدها بي غضب : فجأة بقيتي بتكرهيني وعايزة تطلقي ... طيب انطقي انا عملت شنو .
نوران بقت بتضربو بي قسوة في صدرو : فكني قلت ليك فكني .😠
بنتهم بكت لمن شافتهم كدا 😭
فهد : ان شاء الله مبسوطة كدا
نوران قعدت في الارض وهي بتبكي : انا بكرهك بكرهك
قامت بي سرعة وشالت مخدتو وبطانية رمتهم في وشو : ما تنوم معاي .
فهد مسك نفسو عشان بنتو البتبكي شات المخدة والبطانية من طريقو وشال بنتو وطلع .
كان مستغغغغرب نوران مالا ؟؟؟؟ اول مرة من ما عرسو تعمل ليهو كدا ... ياربي شافت منو حاجة ؟؟
ماف زول من اهلهم حسا بي حاجة ..... جا وقت طلعة السحور فهد دخل اوضتو .... اخد ليهو شور 🚿 وغير هدومو ... ختا من عطرو ... نوران جات وهي قافلة نخرتها : دي شنننو الريحة القرررررف دي ؟
فهد تجنبا للمشاكل طوالي طلع .
طلعو لي المطعم واتسحرو... الناس كلها لاحظت انو نوران ساكتة وهادئة ما زي كل يوم .
نسمة : نوران انتي كويسة ؟
نوران بي ابتسامة : اي
فهد كان شايل علياء في رجلينو وبيأكل فيها ... كان بعاين لي نوران ... بس نفسو يعرف هو عمل شنو .
رجعة بيوتهم صلو الصبح واي زول دخل غرفتو .
نوران بتحمر لي فهد ولو عليها تقوم تقتلو ... فهد شال حاجاتو وطلع الصالة ... نسمة جات طالعة : فهد ؟ لي نايم هنا ؟
فهد: ع علياء كانت بتبكي وازعجتني عشان كدا قلت احسن لي انوم هنا .
نسمة : اهااا ... اطفي ليك النور ؟
فهد: ممكن
فضل يتقلب و ويتقلب لحدي ما قدر ينوم ... اللصباح الجو كان بارد ومغيم وحلو فجهزو نفسهم عشان يمشو الاهرامات عشان يرتاحو ويريحو ليث .
اي فرد شال كاميرتو ومشو ... كل مجموعة اتفرقت .
نوران مشت عايزة تركب الجمل🐪 ...
فهد لحقها : انتي عايزة ترتكبي جريمة ؟؟؟
حامل في الشهور الاولة وعايزة تركبيهو ؟
نوران : ماليك دخل بي..خليك في حالك احسن😒
فهد : نوران كترتيها .
ام فهد سمعت الكلام : في شنو يا اولاد مالكم ؟؟
فهد : عايزة تركب الشي دا
بدور : اجي يا نوران ؟؟؟
انتي حامل يادوبك ما حينفع كدا .
نوران : يعني اي حاجة انا عايزاها لازم تنظرو لي فيها وتتفلسفو فيها ..ماطلبت رايكم .😠
فهد : نوران اتكلمي بي ادب 😤
نوران : الادب ما حتوريني ليهو انت يا دكتور 😒.
ومشت ..
فهد استغرب منها دي مالا ..اما امه اكتفت بي ابتسامة صغيرة ومشت .
فهد ركب الخيل ومركب علياء قدامو 🐴ومعاهو محمد
علي ركب جمل
والباقيين مشو مع المرشد السياحي .
فهد بعد ما خلص وجهتو نزل وهو شايل بنتو ومعاهو محمد..بقو ماشين ويتأملو كيف الانسان قدر يبني حاجة عجيبة زي دي .
نوران جاتهم .
نوران : فهد
فهد: خير ؟😒
نوران : انا انا نفسي في ليمون .
فهد نطط عيونو ومحمد ضحك عليها .
فهد : ليمون اجيبو ليك من وين هسه ؟
نوران كأنها طفلة : ما عارفة بس عايزة ليمون 😔
فهد : طيب اول ما نطلع حاجيب ليك كرتونة ليمون .
نوران جرت سريع وقعدت في الارض وبقت بترجع .
فهد كان شايل قزازة موية بتاعت علياء ... غسل ليها وشها واداها تغسل خشمها.
فهد فهم سبب جنون نوران المفاجئ ...
لانها في بدايات حملها بيبدا مزاجها يتغير .
فهد: انا حاسوقها وامشي البيت لمن تخلصوا الحقونا .
محمد : بجي معاكم
فهد : مرتك وبناتك ؟؟؟
محمد : ديل معاهم... مستحيل اخليكم براكم ونوران في الوضع دا ❤.
طلعو وفي الطريق اشترو ليها الليمون 😂.
ارتسمت السعادة في وشها وهي بتشم في الليمونة بعمق .
فهد : انا العارفو الوحم بيجي قبل الحمل ...
لكن بعد الحمل دا غريب .
محمد ضحك وهو بعاين لي نوران الما منتبها معاهم .
وصلو البيت فهد اداها صحن صغير دخلت اوضتها وبقت تقسم الليمونة وتقعد تمصها .
فهد كان واقف جمب الدولاب طلع قميصو وعايز يغير هدومو .
نوران : فهد لو ... لو الليمون خلص حتجيب لي تاني ؟
فهد : حاجيب ليك مزرعة ليمون لو عايزة .
نوران حضنتو من ورا : شكككرا ☺
ورجعت تمص في ليمونتها .
ديلك خلصو جولتهم و اتجهو لي الاسواق الفي الحسين .
بدو يتجولو ويجربو ويصورو ... علي سمع صوت بيناديهو لقاهو دا كولا ومعاهو موما .
سلم عليهم وبقا ماشي معاهم .
موما : احم انا ... انا اسفة لاني رميتك بالزبالة امبارح.
علي : الدنيا رمضان عشان كدا حاقبل عزرك .
موما: يلا نتعرف كانو اول مرة نشوف بعض
وقفت بي ادب كدا وقالت بي صوت هادئ : السلام عليكم ... كيفك تمام ؟ انا اسمي ميار .. عمري 20 سنة ... بقرا تصميم .
علي وهو بيضحك : عليك الله عمرك 20 سنة ؟؟؟
قولي 12...11 سنة ... ياخ حسوني دا اعقل منك .
موما : 😒 حاتجاهل القلتو لي ... يلا دورك عرف نفسك .
علي : علي حيدر ... 22 سنة... مذيع .
