نور العين

٨

#نور_العين
-٨-
صباح اليوم الاول :
الساعة 8 كلهم صحو من النومة الطويلة ديك طبعا هم نايمين من امبارح ... الشباب جهزو نفسهم وطلعو جولة استكشافية برجليهم .... احمد وكرم معاهم علي والتوأم ورنا .... محمد وعمر معاهم تهليل ونوران ( تهليل دي عمرها 25 عسوووولة شديد طبعا عارفين انها ام التوأم نوع المعرسات ومجنونات ديلك كلهم بحبوها )
اما فهد قبضوه ترتيل ومرام ومعاهم في ونسمة .
كرم وهو بدقق في النظر : عاينو عاينو دي دبابات صح .
احمد : اي
كرم : ارحكاكم نأجر وحدات نركبهم ( ان شاء الله تكونو بتعرفو الدبابات... ما الدبابات الحربية 😸)
*كرم مغامر ودايما بحب يجرب اي شي .
احمد : طيب نكلم الباقيين .
كرم: البنات حيقولو ما عايزين عشان كدا احسن ننادي محمد وعمر وفهد .
احمد : ههههاي نسيت نوران ما حتخلينا نركب الا ناجر ليها واحد .
كرم : اصلا نوران ما محسوبة مع البنات 😂
احمد : طيب خلاص انا بمشي لي فهد وانت امشي لي محمد وعمر
كرم : يلا
كرم مشا ليهم وقال بي سرعة : انحنا حنأجر دبابات عايزين؟
عمر : اكيد دا سؤالك ؟
نوران : وانا معاكم . كرم : اكيييد انتي معانا .
نمشي لي احمد .
احمد : شنو يا جماعة قبضتو في فهد فكو لينا شوية .
ترتيل : بتغير يا مودي .
مرام : خلينا نفكر وبعدين بنرد عليك.
فهد بيضحك على كلام البنات وهو مكتف يدينو .
احمد : شوف حنأجر دبابات تجي معانا ؟
فهد : طبعا .
احمد للبنات: في واحدة فيكم عايزة ؟؟؟
مرام: انا غايتو ماعايزة .
في : انا بخاف من الدبابات دي يقوم يتقلب بي 😓
نسمة : مستحيل اركب دباب في يوم .
ترتيل : انا عايزة .
ترتيل كانت قاشرة لابسة بنطلون جينز ازرق فاااااااتح ومكفكفة اطرافو تحت ... معاو بلوزة يدينها ثلاث ارباع بيضة مخططة بالعرض بالاسود شعرها عاملاهو كعكة ومطلعة قصة بي قدام عاملا روج احمر داااااااكن ولابسة نضارة شمسية ولا بسة زمام وجزمة رياضية سوداء .
دة كلو عشان فهود ...هو برضو كان قاشر لكن ما عشان يلفت نظر زول اصلا هو كدا انيق .... لابس تيشيرت ابيض فيهو عبارات بالانجليزي وجكت رمادي فاتح وبنطلون جينز اسود ونضارة شمسية ... وكل ما يبتسم وتقويمو يظهر ترتيل بتقرب تطير .
مرام : انتي متأكدة انك عايزة ؟
ترتيل : اي
في الوقت داك جو باقي الشلة .
كرم : اها المعانا منو ؟
احمد : فهد وترتيل معانا .
كرم : ترتيل انتي متأكدة ؟
ترتيل : مش نوران لاعبة انا برضو لاعبة .
احمد : نوران مسترجلة اكتر مننا بتقدر عليهو لكن انتي لو اتخدشتي حتبكي وتلمي الدنيا .
كلهم ضحكو على الجملة دي .
مرام : خلاص وقت هي عايزة سيبوها براحتها .
كرم : طيب اوريكم اللعبة حتكون كيف ... بعد ما نأجر الدبابات ... حنقيف هنا في الخط دا ... تهليل هي الحكم حتعد من 1 لي 3 انحنا حنتحرك كلنا وحنوصل لحدي الصخرة وحنجي راجعين تاني نشوف البيوصل اول منو .... حلو ؟
كلهم : حلو .
بعد ماجابو الدبابات .... كرم ادا مرام الكاميرا عشان تصورهم .... وقفو كلهم في خط مستقيم
... تهليل وقفت على يمينهم وبصوت عاااالي : مستعدين ؟ يلا واحد اتنين وقبل ما تقول 3 نوران اتحركت 😂.... كلهم قعدو يكوركو يا نوران ارجعي ياخ ... يانوران كدا ما عدل .... لكن هي ولا كأنها سامعاهم .
فهد طوالي اتحرك وراها والباقيين لمن شافو فهد اتحركو .... الا ترتيل ما عرفت تحرك الدباب ...
جاتها في جارية : اضغطي الدواسة التحتك يا ترتيل بسرعة ... ترتيل يادوب اتحركت وكانت ماشا بي بطئ ... وبي هناك نوران طايرة طير وصلت الصخرة وراجعة ووراها فهد والباقيين .... ترتيل عايزة تزيد السرعة وهنا الدباب طار فووووق وخبط بيها الارض وهي صرخت بصوت عالي(اه يا فرحتي 🎉) .... البنات جوها جاريين والاولاد رجعو ليها اما عمتك نوران ولا كأنو حصل شي وصلت لحدي النهاية وبعد ما حست انو في شي غريب جاتهم راجعة (  😂دايما في الحالة دي) .
ترتيل وهي بتبكي : اه رجلي (بتشبيع الجيم) بتوجعني شديد اه 😭.
احمد : انا حذرتك يا ترتيل .
كانت بتبكي بي حرقة ووشها احمر .
قالت بي غضب وكراهية : كلو بي سببك انتي يا نوران ... كلو بي سببك انتي .
احمد : هي ذنبها شنو يا ترتيل .
نوران : انا ...
وهنا ترتيل قاطعتها : اخرسي ما عايزة اسمع صوتك اسكتي مني ... وكانت بتشهق من شدة البكاء .
علي : هو انتي سواقة ما بتعرفي تسوقي ... وتجي تعمليها في الناس ... دا ما بي سبب نوران دا بي سبب خفتك الزايدة 😠... ما دايما اي شي تعمليهو فيها .
فهد : علي .
علي فهم من نبرت صوتو هو قاصد شنو وسكت .
احمد حاول يقومها وهي لسا بتبكي فهد مسح ليها دموعها💔 وكلهم مشو معاها عشان يدخلوها .
فضلو برا علي ونوران .
علي وهو بعاين لي نوران وصوتو كأنو حيبكي : معليش يا نوران .
نوران وهي مبتسمة : معليش على شنو ؟
علي : عشان الزفتة الحيوانة دي .
نوران : لا يا علي ... هي اصلا كدا يعني قلبها ابيض بس عندها تصرفات كدا لمن بتزعل 😊
علي : انتي طيبة يا نوران .
نوران : ناخد لفه بالدبابات😉 .
علي : طيب ارح .