#نور_العين
-١٢-
نوران وهي بتعاين لي عمر ومحمد : شوفو شوفو قال ليكم اكتر ناس ممكن يبقو ارهابيين طلاب هندسة 😂.
محمد : عيبيهم لي طلاب هندسة ... لو ما احنا البلد دي كان قامت 😌 ( تحية لي طلاب هندسة )
نوران : اها وانت يا عمر ماعايز تدافع عن نفسك .
عمر : لسا انا مصدوم .
نوران : ما اعتقد واحد طيوب ومسكين زيك يا عمرابي يكون ارهابي ... انا بقصد ناس كدا 😏.
محمد : انا برضو الارهابي 😉.... نسيتي الكلب الحممتيهو في الغسالة ومات بي سببك .
نوران : طيب انت نسيت لمن كبيت القطرة في عين الكديسة وعمت بي سببك .
محمد : نسيتي لمن رميتي الهامستر من السطوح ومات بي سببك
نوران : وانت نسيت خروف الضحية الفكيتو عشان تلعب معاهو ورميتو في المسبح ومات بي سببك .
محمد : طيب انتي نسيتي لمن كبيتي الريحة في زهور امي عشان تطلع ريحة حلوة والزهور نشفت تعب شهور راح في سويعات😂
نوران : وانت نسيت لمن خليت المكوة فاتحة والهدوم اتحرقت .
بعد شوية نوران ومحمد سكتو لمن لاحظو انو كل الناس بتعاين ليهم .
نوران : سيحنا لي بعض يا صاحبي🙊.
نسمة : يعني البلاوي دي كلها عاملنها انتو واحنا كنا قايلين البيت مسكون .
بدور : انا ما قادرة اصدق .... المشكلة انكم كنتو صغار شديد كيف عملتو كدا .
محمد : احم انتو صدقتو ... دا احنا بنهظر 😸 .
نوران : اي 😸
حنين : 😂 انتو زيي انا وحليم لمن كنا صغار .
فهد : اي شكلو وراثة الجن دا .
منى : انت نسيت نفسك زمان كنت بتسوي شنو 😏؟
عمر : يلا افضحيهو .
منى : وانت زاتك ما كنت مقصر .
فهد وهو بعاين لي عمر: اووووبا 🙉
ترتيل : احكو لينا مواقف ليكم .
عمر وهو بيتعدل في قعدتو : لمن انا كنت في الصف ال12وعمري 18 سنة فهد كان في الصف ال9 وعمرو 16 انا كنت مزنوووووق في المدرسة وزهجان طبعا ممتحن للجامعة وزيتي دا طالع جاني قال لي عارفك زهجان تطلع معاي ؟
ياخ انا ما صدقت طوالي غيرت هدومي ... فهد قدر يحنك امي بي كلمتين وطلعنا على اساس نجي بعد ساعة ونص ... عمك وداني مطعم مع اصحابو الي كلهم اكبر منو .
منى : اي اصلو ماكان بصاحب الناس الفي عمرو ....كلهم اكبر منو 😂.
عمر : اها القعدة كلها جكس لبناني وسوري .... وانا مافاهم ليهم اي شي .... وبدحنسو ليك فيهو دحنسة ... حكى ليهم اني ممتحن وكدا شبكوني ليك ولك تؤبرني ... وربنا معك...1 واليوم بدنا ياك تفلها وكلام كدا غريب .... بعديها ودوني المول المهم لففوني ليك كدااااا و البنات ادوني ارقامهم بعديها رجعنا البيت الساعة كانت 12 ونص واحنا طلعنا من 5 😂.... واحلى شي اننا قافلين تلفوناتنا عشان ما يزعجونا .... اول ما دخلنا لقينا ليك امي وابوي في الباب .
فهد : ابوي اول ماشافنا قال لينا انتو جيتو ؟... قلت ليهو لا مشينا .... وقبضونا ليكم ادونا حلات علقة لليلة ما انساها ... حرمونا من المرقة شهر 😂.
منى : لكن انتو جننتونا طلعو الساعة 5 قلت ليهم تجو راجعين بعد ساعة ... لحدي هنا ومتفقين .... مرت ساعة ماجو قلت ما مشكلة اولاد وزهجانين .... اخليهم شوية وهم جروها 7 ساعات وكمان قافلين التلفونات انا قلت هسه بضربو لي ناس المرور يدوني خبرهم .
