نور العين

١٣

#نور_العين
-١٣-
فهد مشى لقا محمد واقف جمب العربية وفراس راكب ورا  .
محمد : حتسوق انت ؟
فهد : اي .
محمد نزل عشان يستعجل عمر ...وكرم واحمد لسا ماركبو كانو فهد وفراس بس ... فهد راكب ومنتبه مع تلفونو... فجأة فراس تلفونو ضرب .
فراس: نوران يا قلبي .
وهنا فهد رفع عينو من التلفون .... وبقا بعاين لي فراس بالمرايه .
فراس : اهاااا ... لا تمام بحاول اشوف الموضوع دا ... يلا باي .
وهنا الاولاد جو وركبو كلهم في العربية .... فهد اتحرك بي سرعة شديدة .
محمد : اقلبها بينا وارتاح .
كرم : على قول علي فهد متهور في السواقة .
وصلو محلهم .... كان زي الكافي لكن فيهو شيشه (❌)
الجو كان بارد كلهم طلبو مشروبات دافية ... وطلبو شيشة .... الا عمر ماشال معاهم 😂.
كرم : جرب يا عمر .
عمر : لا شكرا .
محمد وهو بيمد ليهو : شفطة واحدة بس ... ياخ انت عرسك قرب تاني ما حتلقى حاجة زي دي .
عمر بي تردد شال منها ... وما قدر قعد يكحكح فيهم .
كلهم ضحكو عليهو ... ومحمد ناولو قزازة موية .
طبعا فهد وفراس معلمين فيها يشفطو ويطلعو بالنخرة .
كرم : اتخيلو بس لو امهاتنا شافونا .
احمد : والله امي الا تفرتق المحل فوق راسنا 😂
عمر : اما العجيب لو امي هي الشافتكم ابسط شي ممكن تعملو تشيل الجمرة وتختها في يدينكم .
محمد : احنا كبرنا وهم ماعايزين يصدقو .
احمد : بالجد .... مرات بيحسسوني اننا قدر باسل .
عمر : هم بيخافو عليكم ..... الزمن الاحنا فيهو بقا صعب شديد ... ليهم حق .
كانو الاولاد بيتكلمو في عدة مواضيع ..... فهد راجع لي ورا في الكرسي وبعاين لي فراس الحارق دمو ... وبس مستني منو اقل غلطة عشان يقوم فيهو .
احمد : عن اذنكم عندي صحبي جاي يسلم علي تعال معاي ياعمر .
عمر :طيب يلا
كرم : اجي معاك ؟
احمد : تعال .
شوية كدا ... محمد تلفونو ضرب #درة ... شال التلفون وطلع ...
وهنا فضلو فهد وفراس براهم .
فهد بهدوء وهي بعاين للبخار الطالع من كباية الكوفي بتاعتو ☕ : بتحبها ؟
فراس وهو بينفخ في الدخان فوق : منو هي ؟
فهد : عارفني قاصد منو .
فراس : قاصد نوران ؟
فهد كانت ملامحو هادية لكن عيونو كانت فيها نظرة غضب و كراهية ....
استعدل في القعدة  كأنو بيتأهب للاجابة بتاعت فراس ....بس في اللحظة دي محمد جا
محمد : يلا يا شباب بعد دا نمشي ؟
فراس : يلا
فهد جرا نور في فراس و قام بي سرعة .
رجعو الشاليه ... وفهد اليوم كلو تاني ماشاف نوران .
الساعة 11 ونص بالليل .
البنات كانو كلهم قاعدين في اوضتهم وبيحكو قصص مخيفة وكدا .... بعد شوية يسمعو صوت الصفقة والجيتار والدق في التربيزة .
نسمة : اها بدو الازعاج .
تهليل : سيبوهم هسه بوقفو
لكن ما وقفو بالعكس حفلتهم دورت زيادة
مرام قامت على حيلها : لا كده كتروها .
وطلعت ليهم ... بعد شوية جاتهم جارية وهي بتضحك.😂: تعالو تعالو شوفو الاولاد بيعملو في شنو .
وجرو كلهم مرام فاتحة الباب فتحة صغيرة والبنات كلهم مرصوصات .
كلهم قاعدين بالبناطلين بس ... والبوكسرات ظاهرة 🙈😂💔..... وفهد رابط قميص في راسو .... وكانو بيغنو ... بعد شوية فتحو غنية زنق .... وبقو بيزنقو وعلي المصور بتاعهم يشيل ويصور فيهم ..... البنات ميتات من الضحك .
وطبعا كلو كوم ورقيصهم كوم .... ما طبيعيين ابدا ينططو ويتلولو .... ونوع الناس البيرقصو وبيعملو حركات بي وشهم ..... فهد فاتح خشمو ورافع حاجبو ويدنقر ويقوم ... يدنقر ويقوم .
بعد شوية منى جات طالعة من صوت الازعاج ... البنات اول ما شافوها وقفو ضحك وزحو ليها ...وهي فتحت الباب .... والاولاد لسا بيرقصو .
منى : دا شنو الازعاج دا 😳؟
محمد : دي بروفا لي عرس عمر ونسمة .
فهد جرا امو دخلها معاهم ودورو الرقيص تاني ... فهد ماسك يد امو وبلفلف فيها ... وامو تضحك وتدور معاهو 😂.
مرام : هسه لو ديل احنا كان شاكلونا .
ترتيل : لازم يشاكلونا ... دا كلامك .
تهليل : الرقيص جايينا اصبرو بس 😂.
فهد لاحظ للكرعين تحت الباب ومشا براحة على جهتو .... في الوقت دا البنات لفو على اوضتهم ودخلو ... كان فاضل نوران بس الكانت مديا باب الاولاد ضهرها وبتزنق (😂)...... ما قدرت تقاوم الموسيقى ... وطبعا هي الرقيص يسيبو ليها .
فهد فتح الباب وبس يشوف ليك فلانة بترقص .
بقا متكل على الباب وميت من الضحك عليها ... وهي لسا ترقص وترقص قدرتها .... ومع نهاية الغنية لفت ... لقد فهد واقف وبيضحك 😂.
فهد : 😂 رهييييييبة 👌
نوران نطرت عيونها 😳.... وبسرعة دخلت الاوضة .
الاولاد بعد ما خلصو حفلتهم نامو 😪
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اليوم التالي
الساعة 9 .
الجو جمييييييل.... والهواء برودتو معتدلة.... والسماء مليانة غيوم .... الشمس تظهر وتختفي بين السحب ...
وصوت الموج يهدي النفس .
افراد العائلة صحو الواحد تلو الاخر ... والليلة اول مرة فهد يصحا بدري معاهم .... كلهم كانو قاعدين الا نوران ونسمة وعمر ..... نسمة كانت في الحديقة القدامية بتتكلم في التلفون مع دكتورة بتوصف ليها في حالة واحد من المرضى .... 
كانت لابسة فستان زهري ومعاهو كيمونو ( جكت طويل ) ابيض فيهو زهور صغير بالزهري ... ومحجبة بالطرحة ..عمر كان برضو بيتكلم في التلفون فوق في البلكونة ... وبعد ما خلص لاحظ انها تحت ... وبقا منتبه معاها .... نسمة في اثناء كلامها  كانت منفعلة جرت الطرحة من شعرها ... وبقت بتخلل بي يدها في شعرها ... عمر بقا بس بعاين لي شعرها .... اسووووووود وطويل وناعم نازل ومموج بي نعومة لي تحت .....
عمر وهو مبتسم براهو : ماشاء الله  ❤.
وفجأة يجيهو صوت نوران العالي : عمرااابي
عمر اتخلع .... نوران : انت وين ياخ ... انت وين ... من امبارح مختفي وماظاهر ... الشوق ياخ الشوق  .
عمر : الله 😳.... انتي امبارح مش كنتي معاي 😂.
نوران : تاني ما تعمل لينا فيها مسكين .... شفناك امبارح وانت بترقص 😉
عمر : بس ما تكون نسمة معاكم .
نوران : نسمة اول واحدة شافتك ... واحتمال تتراجع عن قبول الزواج منك بعد الشافتو دا 😂.
عمر وهو بيضحك : الحمد لله اتفضحتا و ارتحتا .. كلو بي سبب محمد اخوك .
نوران : البيباري محمد ما بينفع 😂 الهندسة هتكت مخو 😂.... في حركة عجبتني حاخليك تعلمني ليها .
عمر : من عيوني 😉
نوران : يلا انزل عشان مستنينك الشماسة التحت .
عمر : طيب ثواني واكون معاكم .
نوران نزلت ... عمر رجع يشوف نسمة لقاها مافيشة ...صلح قميصو ... ونزل تحت .
كرم جاهم جاري من برا : شباب لقيت ليكم شي حلو شديد.
محمد : اها قول .
كرم : طلع في خيول ممكن يستأجروها .
عمر : الولد دا كل يوم طالع لينا بي شي جديد .
كرم : والله العظيم .... انا ما بهظر في خيول للتأجير ... انا ماشي غايتو العايز يجي معاي .
وكلهم قامو معاهم .....
البنات طلع كلهم .... نوران لبست سماعتها ومشت خلتهم .
بعد شوية الاولاد جو يتسابقو بالخيول كانت حلوة شديد ...
محمد ركب معاهو رنا وبسمة واحدة وراهو والتانية قدامو .... عمر بعد تحنيس حتن نسمة وافقت تركب ... بي شرط انو ما يركب معاها ... كانت راكبة بالجنبة وعمر ماسك الحصان وماشي بيهو ..... كرم خلا في تركب معاهو برضو كانت قاعدة بالجنبة و منزلة راسها وكرم راكب قدامها .... اما احمد اتخيلو ركب معاهو منو 😂😂😂#برتكااااانة .
الباقيين ماركبو مرام وترتيل خافو ... وتهليل حتركب في الدور التاني مع احمد 😂.... وعلي وباسل الدور التاني مع محمد .
نوران بعدت منهم ... كانت مركبة السماعات وخااته يدينها في نصها .... وبتصفر وماشا زي كأنها في الجيش .... لاحظت للضل الواراها ... اتلفتت .... كان فهد راكب في حصان لونو بني وعنده غره بيضاء ..... فهد كان لابس بنطلون اسود وقميص ابيض كان فيهو هيبة ...جسمو الرياضي والعضلات الظاهرة من قميصو ... رفعت راسو والهواء بيحرك في شعرو ... عيونو الجميلة الآثرة وعدساتو السوداء الجذابة ...ريحة عطر العود بتاعو العطرت المكان.
نوران طلعت السماعة : هي جبتوهم ؟
فهد : انتي شايفة شنو ؟ 😉
نوران سكتت .
فهد نزل ليها : عايزة لفا ؟
نوران : لا شكرا .
فهد : حتفوتي الفرصة 😉
نوران : امم يلا
فهد كان قايل نفسو حيساعدها في الركوب .... لكن خلعتو نطت براها وركبت 😂.... نوران كانت فاكراهو حيمسك الحصان ويمشي بيها .... لكن فهد نطا وراها 🙊
كان قريب منها ...سامعة صوت انفاسو ... وحاسه بي ضربات قلبو .
وبدا يمشي بالحصان جمب الموية .... نوران خجلت وسكتت .
فهد : نوران ؟
نوران : ام ( اي )
فهد بي ضحكة : مالك قطعتي الحركة ؟
نوران : عايزة اتأمل .
فهد : اهاا
سكت شوية بعديها قال : نوران ؟
نوران : خير ؟
فهد : انا بحببببك 💔
نوران وهي بتكح : انت عارف الحصان دا ما عربي اصيل .
فهد بي استغراب : لي ؟
نوران : ياخ ما سريع .
فهد وهو بيضحك : عايزاهو سريع ؟
نوران انتبهت لي نفسها : لا ... انا ما بحب السرعة .
فهد : ما ضروري تحبي السرعة ... حبيني انا .
نوران : بكككككره السرعة .
فهد : بتكرهيها ولا بتخافي منها .
نوران وهي بتلعب بي شعر الحصان : ب بخاف منها .
فهد : لازم تواجهي مخاوفك .... واجهيها واتغلبي عليها .
نوران : لكن انا ....
فهد قاطعها : بتثقي فيني .
نوران : يعني ( 😂)
فهد : يعني ؟ 😠
نوران : لا بهظر 😸
فهد : حاتحرك بي سرعة .... ونشوف يا انتي يا هي ... الليلة لازم السرعة دي تبقى عندك من الماضي .
نوران : بس انا
فهد بهدوء وهو بيمسك اللجام : انا معاك ... ما تخافي .
نوران هزت راسها بمعنى طيب .
فهد شد اللجام والحصان بي سرعة اتحرك ... نوران حست بي راسها لفا وبطنها طمت ... نزلت راسها .
فهد بصوت عالي : واجهي خوفك اتغلبي عليهو .
نوران رفعت راسها .... كان رزاز الموية بجي طاير في وشها .... والحصان جاري سرييييييييييع ..... يدين فهد كان محيطة بيها ..... لحظة لحظة راسها ما لفا .... بطنها ما وجعتها .... هي ما خايفة ... ما خايفة من السرعة ... الفوبيا زحت منها ..... هنا نوران صرخت بصوت عالي انا ما خاااااايفة 🎊🎉🎊🎉 .
قبلت على فهد : فهد انا ما خايفة 😁.
وهنا فهد رفع الحصان ...... الحصان رفع رجلينو الامامية فوق وصهل بي قوه .
بعديها وقف .

..
فهد: ها كيف شعورك كدا ؟
نوران وهي بتصفق : اعتقد انو السرعة بقت من الحاجات البحبها ❤.
فهد : سيبي السرعة .... انا بتحبيني ؟
نوران : انا حانزل بعد دا ... شكرا ليك .
فهد : لا
نوران : شنو الا .
فهد : ما حتنزلي .
نوران : فهد زح عايزة انزل .
فهد وهو بطق بي خشمو : نه
نوران بي ضحكة ذهول : قلت ليك عايزة انزل .
فهد وهو بيمسك اللجام قوي عشان يبقا محاصرة : شوفي لو عايزة تنزلي عندي شرط .
نوران بي غيظ : قبل ما اسمعو لا 😒
فهد : خلاص ما مشكلة اصلا انا الوضع عاجبني 😏.
نوران : حنفضل قاعدين كدا ؟
فهد : لا حاتحرك بالحصان وحاصرخ بي اعلى صوت اني بحبك ... لحدي ما اوصل الشاليه .... اصلا بحب الفضايح.
نوران : هه 😏.... ما حتقدر ... بطل حركات اطفال وزح خليني انزل ... عشان ما اديك بوكس 👊😠.
فهد مارد عليها واتحرك في الحصان ... وهم ماشين لقو اجانب .
فهد بي اعلى صوت :   listen to me ppl I'm in love with this cute girl
وطوالي هم قعدو يصفرو ويكوركو ليهم .
نوران : يا فهد ياخ لا ما تعمل كدا 😣.
فهد : وريتك عندي شرط 😏
نوران : ضروري يعني 😠
فهد : لو ما عايزة تنفذي ما مشكلة نكمل مشوارنا وبالمرة الناس هنا تعرف انو في مجنون بيحب مجنونة .
نوران : قول الزفت 😠
فهد قرب منها و قال ليها في اذنها : قولي انا بحب فهد ( خجلتوني ياخ دي شنو الجراءة دي 🙈)
نوران : ...........
فهد وهو بيكفكف في يدين القميص : يلا عشان انا مستني .
نوران وهي ضاغطة اسنانها : انا
فهد : اهاااا
نوران : بحب
فهد : ايوه
نوران : فهد .
فهد : وفهد بيعشقك يا قلبي  😋
نوران : نزلني
فهد وهو بيزح يدو: اتفضلي .... لكن المسافة طويلة للشاليه .
نوران : عارفة 😠... عايزة امشي براي في مانع .
فهد : لا .
ونطت محمد ولد في الارض وهي ندمانة على انها وافقت تركب معاهو .
فهد وهو بيغمز : الاقيك بعدين 😉 .
نوران مشت وما ردت عليهو .... بعد ما اتحرك رفعت راسها عاينت ليهو كانت بعيد راكب وجاري بي سرعة وشعرو بيطاير معاهو .
نوران : حبتك الشكلوتة ان شاء الله يا بعيد 😠.
عمر ونسمة رجعو وهم مبسوطين ... ماشاء الله الاتنين مهذبين وهادئين واتعرفو على حاجات كتيرة فيهم .... برتكانة جات عينها طالعة وهي بتقول : والله تاني ما تركبي مع ولد دا ... هي عايزة تموت انا ....احمد عمل ليها عمايل خوفها لمن كرهت الطلعة 😂💔.... كرم وفي برضو اتونسو مع بعض ... يعني بالاجمال كلهم استمتعو خصووووصا فهد  😊
( سبحان الله ... الحمد لله ... الله اكبر رجاء اقروها بصوت عالي 3 مرات وصلو على الرسول 😊)
نهاية الجزء الثالث عشر
#بتمنى يكون الجزء عجبكم 😊