نور العين

١٤

#نور_العين
-١٤-
مرا اسبوع والامور ماشا زي الحلاوة ...
فهد كل يوم يجي يتغزل بي نوران ويشاغل فيها ... ونوران تقيلة تقالة تغيظ .... وابت اصلو تقول ليهو بحبك من نفسها من دون ماهو يجبرها بي حركاتو 😂 .... وهو كل يوم بقول ليها بحبك ... في الدخلة والطلعة .
كل العائلة بدت تستف في هدومها عشان 3 ايام بس ويرجعو الخرطوم .
الليلة من دون الايام الجو كان بااااااااااارد ❄🌁... بالعصرية كدا طلعو مطعم وكانو ماشين بي رجليهم طبعا قائدهم تهليل .
فهد كان ماشي مع نوران بي ورا ( كان لابس برمودة بنية وتيشيرت ابيض وجكت لونو اسود فيهو طاقية بي ورا ... وكاب بني .. ونضارة رايبان ... اما نوران كانت لابسة تيشيرت يدينو كاملة وهي مكفكفاهو مكتوب فيهو في النص #FCB ❤... ولابسة بنطلون جينز ازرق. في اولاد اول ما شافو نوران بقو بصفرو ...فهد وقف وهو بحمر ليهم ... الاولاد فررر قامو جاريين ... فهد وهو بعاين لي نوران : انتي ما بتلبسي طرحة لي ؟ 😠
نوران وهي بتفكر : ما عندي .
فهد وهو بيطلع الجكت بتاعو : هاك البسي دا وختي طاقيتو في راسك .
ترتيل ماشا وراهم وعينا دي عايزة تطلع ... اتقنعت بالطرحة وجات جمب فهد نظام شوفني انا لابسة الطرحة .
ترتيل : فودي الرايبان حلوة .
فهد : حلوة عيونك 😉
ترتيل : ممكن البسها شوية .
فهد وهو بطلعها : شيليها عديل .
ترتيل : ثانكيووو
فهد : any time 😉
و بعديها ترتيل مشت بعد ما ادت نوران حدرة 😒 .
طبعا اي طلعة بيطلعوها فراس بجيهم ناطي وبستلم القعدة مع نوران .... وفهد بيتغلغل غلغلة شديدة .
فهد صاري وشو ويعاين ليهم ... و نوران ولا حتى بتعاين ليهو .
فهد بقا بيفكر نوران دايما بتتهرب منو ... ودايما بتعمل حركات عشان يبعد منها .... وما قالت ليهو ابدا بحبك من نفسها ... هو ما متعود على كدا اي حاجة يكون عايزة بياخدا بياخدا مهما كان ... ماف بنت بتقاومو ابدا ... يعني اتقل واحدة بتاخد معاهو بالكتيييير يومين عشان تبقى حبيبتو ... البنات ما بيقدرو يقاومو سحرو .... اسلوب كلامو ...شخصيتو القوية الحازمة.... وسامتو ... ذكاءه لي درجة انو بقولو ليهو FOX ... طولو المتناسق مع جسمو الرياضي .... كل حاجة فيهو بتجذب ... بس نوران كانت مختلفة ما معبراهو ولا شغالة بيهو الشغلة خصوصا من اليوم الاعترف ليها بي حبو فيها .... كل اليوم بتكون بتتلكم مع فراس .... لمن يطلعو بتقعد جمبو بس .... فراس عارفها اكتر منو .... خاف نوران تكون متعلقة بي فراس وما عايزة تجرحو ... لو الكلام دا طلع صح هو يعمل شنو ... ما حيكون عندو ايييي حق عشان يعاتبها او يزعل منها .
فهد وهو بيتكلم مع نفسو : بس انا ولد عمها ... انا اولى بيها من الحلبي دا .
منى : الليلة قلبي دا واجعني اللهم اجعله خير .
عمر : سلامة قلبك يا حياتي
فهد : يا ليتو فيني انا .
نوران : اريتكم اولاد الهنا
في : 😂 نوران وكلام الحبوبات .
____♡________♡__________♡
بعد القعدة الحلوة رجعو كلهم وفراسوه معاهم ... اي مجموعة قعدت براها ونوران لفت على كل مجموعة رخمت عليها وزهجتها ... وفي النهاية مشت قعدت براها في الرملة ..... كانت مربعة رجلينها وبترسم في الرملة ....فهد جاها : دي شنو حركات المشفسطين دي قاعدة براك .
نوران ضحكت : يعني الزول ما يخلو بي نفسو شوية .
فهد قعد جمبها وهو بيلبس الكاب بتاعو بي ورا : نوران بمقياس واحد من عشرة بتكرهيني قدر شنو ؟
نوران : 😳 انا ما بكرهك .
فهد : طيب بمقياس واحد من عشرة بتحبيني قدر شنو ؟
نوران : ....
فهد : شايفة ؟  ..نوران عايني انا بعترف اني بحبك شدييييد ..
بس انتي ما مشكلة قولي لي انك ما عندك لي شي .... ما تخليني معلق ساكت .... انا حاتقبل كلامك .... بس انتي اتكلمي قولي اي شي .
نوران : انا ما بحبك .... ما بكرهك ... بس ما بحبك الحب الانت عايزو داك .
فهد سكت لي مسافة : طيب لي ؟
نوران بي ابتسامة : صدقني دا لي مصلحتك .
فهد بانفعال : وين مصلحتي ... وريني وين المصلحة ؟؟؟
نوران : اي لي مصلحتك ... انت واحد زيك يستاهل ملكة جمال ... انا ماعايزة اظلمك معاي .... ماعايزة الناس تقول دا حبيب المسترجلة ...
سكتت لي مسافة ودموعا نزلت : انا لابسة قناع ... عاملة نفسي نوران المجنونة الما بتحس بي شي ... المابهمها شي .... بس والله انا بموت في اليوم الف مرة ... بتكسر الف مرة .... لمن الناس يشوفوني في الشارع بقولو دي متشبها ... دي شاذة..... دي ملعونة ... دي مأواها جهنم .
بتوجع لمن ام في المدرسة تقول لي بنتها الاشكال دي ما تصاحبيها دي متشبها بالرجال ... دي من الناس الملعونين ... دي اخوها حيدخل النار لانو ما عندو غيرة عليها خاليها كدا .... وهم ما عارفين اخوي تعبان معاي كيف ... دايما بتكلم لي عن الحجاب ... دايما بشتري لي الفساتين والطرح .... لمن اكون عيانة بغيب من الجامعة ... وبيقعد ويأكلني بيدو ... من دون ما يعرفو عنو اي شي بيلعنوه وبيشتموه... انت عارف الناس كانو بقولو هي السبب في انو امها تموت.....قتلت امها وقعدت
وفي ناس بقولو يا ريت لوكانت جابت ولد بدل البنات ... يا حليلها ماتت وخلفتها بنات ما عندها اولاد..... انا ....انا شفت ماما وهي بتتحرق قدامي وماكنت قادرة اعمل شي .... وهنا نوران دموعها نزلت بي غزارة وغطت وشها بيدينها ... فهد ضماها لي صدرو وحضنها بي قوه وهو بيطبطب على ضهرها بي حنان ... ماقال اي شي كان ساكت ... نوران تابعت من بين دموعها : بعد ما مرت السنين وقدرت اتعايش مع الوضع ... اكتشفت انو عشان هي كتبت عن واقع الحياة المأساوية العايشنها المواطنين وكشفت حاجات كتيرة من جرائم الحكومة وقذارتها .... قتلوها .... فكو حاجة في العربية ... وفي الطريق العربية اتقلبت بينا .... انا ربنا طلعني ... كنت مرمية بعيد منها ... كنت بصرخ ليها بي اعلى صوتي عشان تجي ترفعني وتبوس لي جرحتي وتقول لي معليش حتبقي كويسة ... لكن ما قامت ... ما جاتني 💔.
زحت منو وهي بتمسح دموعها كأنها طفلة ...  مكابرة يا نوران .... بتتعذبي كل يوم جوه نفسك لكن ما بتظهري.... صوتك العالي وراهو الف صرخة ... ضحكتك المرسومة دايما في وشك وراها الف دمعة .... نوران الشخصيتها قوية مكسورة من جوه .
فهد : انتي لي اديتي الناس فرصة فيك ؟ لي خليتي كلامهم يأثر فيك ؟ انتي ما ملعونه .... هم الملعونين ... هم المفروض يدخلو النار بي كلامهم ... وبعدين ما تقولي لي تستاهل ملكة جمال .... انا ماعايز ملكة جمال ... انا عايزك انتي بس .... انا .... انا ماعارف حصل لي شنو معاك ... صح في فرق في عمرنا بس ما بيدي ... حبيتك  .
اسمعيني يا نوران الناس مهما عملتي حيفضلو يتكلمو سواء كنتي كويسة او كعبة ... والبيهتم بي كلام الناس ما حيمشي خطوة واحدة لي قدام .... انا فهد القدامك دا ... الناس فتفتتني حته حته اي زول كان بيتكلم فيني ... كنت بسمع كلام عمرك ما سمعتي بيهو ... ولا حتفهميهو حتى... بس كان الكلام بيدخل بي هنا ويطلع بي هنا .... اي زول فينا يا نوران بمر في حياتو بمشاكل كتيرة وصعبة وبيظن خلاص انها النهاية ... لكن ما تنسي ان مع العسر يسر .... ربنا قال لينا كدا ... دايما مع كل ضلام في مكان للنور .... واي ليل في نهايتو بيجي الصباح ... واجهي الناس ... واجهي مخاوفك ... غيري نفسك للاحسن ما عشانهم ... لا عشانك انتي ... عشان محمد البيحبك وبيخاف عليك ... عشان نسمة ... عشان مرام ... عشان امك وابوك ... عشان التوأم ... تفتكري هسه لو امك كانت عايشة كانت حتكون مبسوطة منك ؟؟؟ .
التيشيرتات والقمصان عمرها ماكان فيها قوة ... وانتو البنات اقوى مننا احنا الاولاد .... الجينز والتيشيرت ما ليك ... ارجعي لي نفسك ارجعي لي نوران القديمة ... ارجعي للفساتين ... ارجعي للانوثة بتاعتك ... انا متأكد انك بتحبي هدوم البنات اكتر من الهدوم البتلبسيها بس ماعايزة تظهري ... ومن حيث امك الله يرحمها ويجعل مثواها الجنة ... بس الانتي بتعملي فيهو دا ما حيرجعها تاني ... امك محتاجة ليك في الدعوات وفي التصدق ... كفاية يانوران ارجعي زي ما كنتي .
نوران : ما حارجع ... لانو ماف فرق بيني وبين محمد ... ماف فرق بيني وبينك ... عاين لي نفسك وعاين لي حتلقانا نفس الشكل .
فهد نزل راسو وهو بيفكر : جيبي يدك .
نوران عاينت ليهو باستغراب
فهد : مدي يدك ثواني ما تخافي
مدت يدها ...فهد مسك يدها : عايني لي يدي ويدك في شبه ؟
يدو كانت سمراء وكبيرة وفيها عروق ... اما يدها كانت رقيقة مقارنة مع يدو وبيضاء .
فهد وقف ووقفها معاهو : شوفي طولك مقارنة مع طولي ... طولها كان مع كتفو مع انو الجزمة (اعزكم الله) الابساها كانت عالية .
فهد وهو بيمرر كفها في سكسوكتو : عندك زي دي في وشك ؟
جرا ضفيرتها وختاها ليها في كتفها : انا لو قعدت حياتي كلها اربي في شعري ما حيحصل طول شعرك دا .
ختا يدينها في خصرو ... ورجع ختاها ليها في خصرها : في مقارنة بين حجمنا في المنطقة دي ؟
نوران هزت راسها
فهد : طيب كيف بتقولي ماف فرق بينا ؟ هسه صوتي وصوتك في مقارنة بينهم ؟ .... وما انا براي لو قارنتي نفسك مع كل الاولاد ماف شبه بيناتكم ... احنا مختلفين في اي شي يا نوران ... ربنا خلقنا كدا عشان انتي #امرأة  وانا #راجل .... انتي رقيقة وانا خشن .... عشان كدا ما تحاولي تقولي انو في شبه بيناتنا ... دا حاجز انتي عاملاهو لي نفسك ... اخدي الامور بي بساطة ... واطلعي من المود دا .
نوران : ممكن اسألك سؤال ؟
فهد : ما تستأذني قولي طوالي .
نوران : هسه لو انا جبت مغنطيس ... حيتلصق في تقويمك دا ؟؟؟ (فجأة)
فهد عاين ليها بي ذهول وبعديها فجر الضحكة : 😳😂😳😂😳😂 والله انتي ما نصيحة ... عشان كدا انا بحببببببببك بحبك بحبك ياخ .
وحضنها عليهو شديد وباس ليها راسها : ارحميني وقولي انا كمان بحبك .
في عيون كانت مراقبة الموقف من البداية ... ترتيل كانت واقفة في البلكونة وشافت اي شي ... وعيونها اتملت بالدموع ... مسحت دموعها وهي بتبتسم بي خبث : فهد لي انا وبس يا نوران .... حادمرك ... وحاندمك اليوم الفكرتي تقربي فيهو منو .