احتضن الظلام مدينة الخرطوم في تلك الليلة الشتوية الباردة الا ببعض المحلات التي اجتمع بها الشباب ليسهرو فيها كما اعتادو .... في احد الاحياء الراقية وتحديدا في تلك الفيلا الشاهقة التي تدل بأن اهلها يعيشون في نعمة كبيرة كانت الساعة تشير الى الثانية فجرا .... علا صوت المنبه في احد الغرف لتستيقظ بعدها تلك السيدة نظرت حولها قبل ان توقظ زوجها الغارق في نوم عميق .
_حسن يا حسن قوم
استيقظ زوجها وكان هناك من سكب في وجهه كوب ماء بارد : في شنو مالك .
علت ضحكة الزوجة قبل ان تردف : اجي يا راجل انت نسيت انو اخوك الليلة جاي ولا شنو غايتو جنس شي ... طيارتهم قرررربت قوم بعدا .
حسن : هههههه والله يا بدور لو ما كنتي صحيتيني كان نسيتهم زاتو .
بدور: خلاص يلا قوم سريع جهز نفسك قبل ما الوقت يفوت
وقام حسن بي سرعة عشان يجهز نفسو .
باب الغرفة دقة ... ابتسمت بدور وهي بتقول : ادخل يا حمودي
محمد: 😂 يا امي انتي ماشايفة اني كبرت على حمودي دي ياخ انا عمر بقا 22 سنة وانتي لسا بتقول لي حمودي .
بدور : حتفضل حمودي ولو بقا عمرك 55 سنة 😊 .
محمد : طيب ما مشكلة حمودي حمودي اتلفت وهو بقول: وين ابوي لسا ما جهز ولا شنو .
جاهو صوت ابوهو وهو طالع من الحمام : انا اصلا جاهز
محمد : اذن يلا
حسن ساق عربيتو ومحمد ساق عربيتو عشان عربية واحدة ما حتكفيهم واتجهو الاتنين صوب مطار الخرطوم عشان يستقبلو ضيوفهم الحينورو السودان ( منور بي ناسو 😏)
وصلوا المطار وبعد عشرين دقيقة كدا جو ضيوفنا المنتظرنهم طالعين 🎉🎊🎉🎊
عائلة دكتور حيدر عبد العزيز .... دكتور حيدر دا راجل فاصل سلك من شدة الشطارة دكتور مخ واعصاب سافر الامارات من قبل 25 سنة متزوج من واحده اهلها من اوائل السودانيين السافروا الامارات يعني اتولدت واتربت هناك اسمها منى وعندها شركة لتصميمات الديكور من نوع النسوان الناجحات في حياتهم وبيحبو يعتمدو على نفسهم وشخصيتها قوية جددددا 😌 يلا نجي نتعرف بي اولادهم اكبر ولد عندهم اسمو عمر ( طويل واسمراني عيونو نعسانة وبيلبس نضارات عيونو عسلية طيبان وظريف وبحب اللمات والاهل درس هندسة كيميائة في ماليزيا خلص الجامعة وبيعمل في الماجستير ومطلوب انو يتعين في شركة بتروناس في ماليزيا عمرو 25 سنة ❤️) ... اخوهو البعديهو طوالي اسمو فهد دا يلا طففففرة في العائلة مع انو العائلة كلها اولادها سمحين لكن دا كان فايت كلمة السماحة بي درجات فهد دا وسامتو بتعتبر اسطورة موقف الناس على فت رجل من بنات لي نسوان لي رجال لي شباب ( طويل وجسمو رياضي لونو حنطي فاتح ورااااااايق نخرتو (انفو) ظبيانية عمودها واقف كدا | لمن يحير عيونه قصة تانية نوع العيون البتكون طويلة ديك ورموشو طويلة وكحيل 💔 وشعرو اسوددددد وناعم وغزير وعيونو كمان سوداء 💔 وحواجبينو مقوسة واهم الشي السكسوكة المظبطة(بي ضم الميم وفتح الظاء والباء 😸) المبينه ملامحو اكتر وعندو غمازات لابس تقويم (انبرشو😛).... لكن فهود دا عشان عارف نفسو سمح يلا مغرور شديد لكن بي شوية ذوق ومهذب شديد قدام الناس لكن مع اصحابو احم احم ( خلاص ماف داعي افضح الولد🙈) وواثق في نفسو لمن بي هناك وانيق جدا ( شخصية تحير صح 😂😂😂) وما بتكلم ولا يبتسم لي اي زول مرات مرات على حسب المزاج 👈😌رايو دايما مسموع واول شي بيجذبك لمن تسمع صوتو البحة الحلوة (صوت مبحبوح) عمرو 22 سنة وبيدرس طب اسنان في ماليزيا ❤️.
بعديهم بنت اسمها في جميلة شديد ورقيقة قاصه شعرها لي كتافينها ومصبغاهو بني لونها ابيض عندها شامة في خدها رفيعة و طيوووبة ❤️ عمرها 18 سنة يادوب داخلة الجامعة وعشان بنت واحدة وسط اولاد اخوانها بخافو عليها شديد واي حاجة هي عايزاها قبل ما امها وابوها يعملوها ليها اخوانها ( عمر وفهد ) بكونو عملوها ليها مابيرضو فيها بالنسبة ليهم خط احمر لانها دلوعتهم الوحيدة 👑 .
الاخير ولد اسمو علي ( ملامحو قريبة لي فهد شعرو كيرلي (كتير وملفلف) ) ولد مستهههههبل وظريف شديد ومجنون شخصيتو قوية الفي عقلو في لسانو اي شي عايز يقولو بقولو ما بهتم بي اي زول عمرو 14 🙌.
وبدا السلام والحضين بي شوق شديد ومن عادتهم لمن يجو يسلمو على زول كبير بيبوسو ليهو راسو ( يا سوووولام على الاحترام ) .... عمر وفهد باسو راس عمهم ومحمد باس راس عمو ومرت عمو ( تبادل بوسات 🙈💔)
وسلم على في و علي بي شوووووق اخر مرة جو كانو صغااااار اشكالهم كلهم اتغيرت .
حسن: نورتو السودان والله
حيدر: منور بي ناسو يا اخوي
اتوزعو في العربات ( دكتور حيدر ومرتو وعلي مع حسن )
والشباب مع محمد ... بعد اقل من نص ساعة وصلو البيت 🏡 لقو كل الاسرة مستنياهم وبدا السلام من جديد البيعبر عن مقدار الشوق والحنين...طبعا عمر كان بفتش بعيونو عن وش نسمة ( حب الطفولة 👦❤️👧 يابوووي) كانت محجبة بالطرحة وهادئة ومبتسمة بي رزانة (تدوخ) وشها منور زي القمر 👸 تعجب المابيعجبو شي 👌
وبعد ما الناس كلها سلمت .... دكتور حيدر: وين نوران يا جماعة ؟
بدور: نسمة انا مش قلت ليك صحيها
نسمة: والله حاولت لكن زي الجنازة ما صحت
بدور: اي والله هي الايام دي متعبنهم شديد في المدرسة عشان تالت .
حيدر: 😊 خلاص ما مشكلة بنلاقيها بكرة هي والتوأم .
وبعديها كدا بشوية ضيوفنا مشو غرفهم المجهزنها ليهم عشان يرتاحو من السفرة الطويلة دي .... وفي اقل من نص ساعة كلهم غطو في نوم عميق الا زول واحد بس عمر البيتبسم براهو وبيتذكر في نسمة (احم احم 💖).
■يتبع
