نور العين

١٩

#نور_العين
-١٩-
فهد مشا مع نوران لحدي ما وصلو اليخت .... وركبو .... ترتيل شافتهم داخلين مع بعض اتخلعت ...  لي جو مع بعض وهم متشاكلين .... قامت ومشت لي فهد : انت كنت وين ؟
فهد : كنت بره
ترتيل : طيب تعال .
وساقتو معاها وهي بتحدر لي نوران ......القعدة كانت حلوة .... اتونسو وضحكو وحكو مواقف ليهم .
حيدر : الله يحفظكم يا اولاد ... ودايما نتلمى في الخير .
كلهم : اللهم امين .
حيدر : الزمن الانتو فيهو دا صعب ... خلو دايما بالكم من نفسكم ومن بعضكم .... وخافو الله في اي شي تعمليهو .... ما تخلو حب الدنيا يملا قلبكم دايما اتذكرو اخرتكم .
حليم : واحمدو الله دايما على نعمو ... في حاجات هسه عندكم انحنا ماكانت زمان عندنا .
حسن : يعني انتو هسه ماشاء الله بتقرو في احسن الجامعات والمدارس .... واي واحد فيكم عندو اوضتو براهو وعربية اخر موديل .... واي حاجة عايزنها بتجيكم ... انحنا زمان .... كنا ناس على قدر حالنا ابونا كان عامل كهربا .... لكن برضو كنا مبسوطين .... عارفين كنا دايما بنعتمد على القراية عشان يكون مستقبلنا جميل ونقدر نرد لي ابونا حقو ...  والحمد لله القراية ما خيبت ظننا .
حليم : انا كنت لمن اجوع بالليل وما القى شي اكلو بمشي اقرا ... ولا عندنا ثلاجات ولا مطاعم ...
حيدر : انا كنت في مدرسة داخلية .... بصحى الفجر الطلاب كلهم بكونو نايمين ... بمشي استحمى واصلي اول زول ... بضحك عليهم وبمشي اقرا ....خلاصة الكلام اهتمو بي #دراستكم لانها الحاجة الوحيدة البتنفعك في الدنيا .
نوران بي استهبال وهي بتمسح في دموعا : اثرتو فيني والله... احسن من ناس كدا كانو بيهربو من المدرسة .
مرام : ياخ قولي محمد وخلاص 😂.
حيدر وهو بيضحك : ابوكم زاتو كان بيهرب من المدرسة زمان 😂.
نوران ، محمد ، نسمة ، مرام : كان بيهرب 🙊🙊🙊🙊؟
حيدر : 😂😂😂😂😂 اي .... لمن انا كنت في الثانوي العالي هو كان في المتوسط وحليم في الابتدائي .... مدرسة المتوسط والابتدائي واحدة .... وانحنا ناس الثانوي قدامهم .... كان عندنا رحلة علمية وواقفين قدام باب المدرسة معاي مامون حسين ( تتزكروهو دا عمو الكلامو كتير داك القبض فهد في الجامع ) فجأة قال لي شوف شوف مش دا حسن اخوك ... لمن رفعت عيني القى ليك عمك راكب في السور وتملب نطة ومعاهو ولدين وقامو جاريين ... طوالي انا ختيت رجليني في راسي وكتحت وراهم معاي مامون وتاني واحد صاحبنا ... قبضناهم ليك ووديناهم للناظر بتاعهم .
حسن وهو بيضحك : ياخ داك كان ناظر مخيف بي طريقة .... ودونا ليهو جلدنا ليك جلد داير يقتلنا .... ما بنساهو لحدي الليلة .
حيدر : لمن طلعت لقيت حليم قاعد جمب السور يجعر قدرتو لمن شافني جاني جاري قال لي حسن مشا خلاني ... قلت ليهو بتلقاهو في مكتب الناظر وطوالي قام جاري .
حليم وهو بيضحك : يا الله ... ايام ياخ .... والله السنين دي بتجري بسرعة .... هسه متين كدا كبرنا وعرسنا وكمان اولادنا عايزين يعرسو .
حنين : خلاص عجزنا .
كملو ونستهم وغنو وضحكو ولمن جات الساعة 12 رجعو .
نوران وعلي كانو قاعدين مع بعض .... نوران بتضرب لي جود وبتلقاها مشغولة وخلاااص زهجت .
علي : ياخ خلي البت في حالها احتمال ماعايزة ترد عليك .
نوران : ياربي بتتكلم مع منو في الوقت دا ؟
علي: احتمال مع حبيبها ... انتي مالك معاها .
نوران وهي بتقرصو في اضانو : حبتك شكلوتة انت عرفك بالحاجات دي شنو ... غايتو انتو الجيل القايم دا الله يدينا خيركم .
علي : خلاص خلاص فكيني .
وبعد شوية صمت ...
نوران : المخزن الفي نهاية الحديقة دا محرق لي روحي نفسي اعرف جواهو شنو .
علي : تصدقي وانا كمان ... مرات بحس انو فيهو كائن فضائي .
نوران بي شقاوة : شنو رايك نمشي نستكشفو .
علي : لكن هسه الواطة بالليل ... كان طلعت لينا منو مصيبة نقول يا منو ؟
نوران : ياخ تعال ما بتجينا حاجة ان شاء الله .مشو  براحة لحدي ما حصلوهو .
علي : بسم الله ... شوفي بابو مفتوح وهو كان مقفول .
نوران : تقوووول الاسطورة ان الجان يعشق مثل هذه الاماكن ويكون دوما متواجدا فيها .
علي : جان ؟ السلام عليكم .
ولفا عايز يمشي .... نوران قبضتو من التيشيرت بتاعو : تعااااال .... ياخ بهظر ماف جان ولا شي .... احنا ايه بئا نقول بسم الله ونتوكل .
علي بي خوف : بسم الله الرحمن الرحيم من كل شيطان رجيم .
ودخلو براحة براحة ..... المخزن ضلااااااااااام وكتمة ما فيهو هواء وحار نار ( كرنشي 😂)
علي ناول نوران عصاية : هاك دي عشان لو حصلت حالة طوارئ نكون مستعدين .
واثناء ما هم ماشين وبيخبطو في الحاجات الفي المخزن ... فجأة طقشو ليهم في حاجة اكبر .
علي وهو بيلمس في الحاجة : ما تخافي ... دا شكلو .... دا شكلو واااااااااااااااي .
وقام جاري .... نوران سمعت صوت بيقول : دا شنو ؟
وهي رمت العصاية وقامت جارية ورا علي .
علي تاني ماوقف .... ونوران بتصرخ ليهو : علي استنى شويه يا ولد .
علي فرمل : كلو بي سببك قلت ليك ما ندخل ... هبشتو بي يدي .... حيأذيني .....
خلاااص يا علي .... حياتك ادمرت
نوران : علي
علي : انا انتهيت ... انا انتهيت
نوران : علي
علي : خلاااص كدا قبائل الجان حتستولى علي .... وصيتي الاخيرة ما تنسوني لو مت ... ما تنسوني لو مت ..  ما تنسوني لو مت .
نوران : عللللي .
علي : عايزة شنو .
نوران : دا احمد يا منقولي .
علي : احمد منو ؟
نوران : عاين للباب .
علي رفع راسو ولقا احمد واقف .
احمد بغيظ : هسه انتو جابكم هنا شنو .
نوران : احنا بس دخلنا نستكشف وانت خلعتنا .
احمد : انا برضو الخلعتكم ؟؟؟؟
علي : انت كنت بتعمل في شنووو جوه المخزن في الجو الحار المضلم دا .
احمد : دخلت استكشف زيكم .... بعدين شوفو الساعة بقت 1 واحنا حنقوم من 5 فجر .... فشنوووو امشو نومو بكرة ما حتقدرو تصحو .
نوران : اجي ... متين بقت واحدة هسه كانت 12 ونص .
احمد وهو بيفتح ليها التلفون : واحدة دي ولا ما واحدة ؟
نوران : واحدة 😸
احمد : يلا النوم .
نوران : طيب تصبحو على خير .
علي : وانتي من اهلو ... سوقيني معاك ... انا خايف يكون دا جان متشبه بي شكلو .
احمد : بو 👻
علي فررررر قام جاري ولا حتى انتظر نوران 😂.
نوران طلعت وركبت في سريرها ونامت .
الساعة 5 فجر صحو كلهم .... صلو الصبح وجهزو نفسهم شالو الشنط وقفلو ابواب الغرف العاشو فيها لحظات لا تنسى ... ادو الشاليه بتاعهم نظرة توديعية اخيرة اتذكرو من اول يوم جو المغامرات والمقالب والطلعات واي حاجة عملوها ( عيوني دمعت 😢) واخيرا ركبو بصهم وانطلق بيهم صوب مدينة الخرطوم .
نفس حركات الجية عملوها في الرجعة ديل يمشو ورا وديل يجو قدام وكرم لافي بي كاميرتو ... واحدين بيقروا في القرآن و واحدين بياكلو ..... واحدين ينومو وواحدين يصحو .... وعلى هذا الحال لحدي ما وصلو الخرطوم بالسلامة .... الساعة كانت 5 عصر .... ناس كرم وناس احمد طوالي ساقو عرباتهم الكانو مقرشنها واتحركو على بيوتهم مع اهلهم .... ترتيل لو عليها ما ترجع بيتهم ... بس امها جبرتها ترجع البيت عشان ترتاح شوية .
اما الباقيين اول مادخلو .... استحمو 🛁🚿 وغيرو هدومهم ... وبعديها نامو .
صحو بعد المغرب كدا .... صلو وجو قعدو مع بعض ....الجو كان بالنسبة ليهم كئيب وزهج عشان باقي الشلة مافيشين ( ناس كرم واحمد )
فهد : اتعودت على كرم واحمد ... المكان بقا خفيف من دونهم ... يا حليلهم .
في : اي والله ومنظر البحر كل يوم بالصباح والطلعات ... والمشيات في الكورنيش ... يا حليل بورتسودان ياخ .
نسمة: تهليل والتوأم والضحك والونسة يا حليلهم .
مرام : ترتيل والدلع بتاعها وحركاتها يا حليلها .
عمر : والدبابات الكنا بنركبها والخيول ... والفحيط في الشوارع يا حليلهم .
علي : والسباحة بتاعت باليل ... وانتو قايلننا ما عارفنكم يا حليلكم .
بسمة & باسل : نوني (رنا) يا حليلها
نوران : والمطاعم بتاعت السمك ... والكافيهات ...ومحلات الايسكريم يا حليلهم 😢 ( قلت ليكم نوران دي اكتر واحدة فاهمة الدنيا صح)
محمد : يعني هسه دا بس الفرق معاك ؟
نوران :  لا والله برضو ناس احمد وكرم و #فراس وجنونهم وهبالاتهم يا حليلهم .
مرام : بعد دا نبدا نجهز للعرس ولا كيف
عمر : ايوا كدا ادخلو على المواضيع الحلوة .... عايزين افكار جميلة للفستان والبدلة وبطاقات الدعوة .
نوران : خلو علي بطاقات الدعوة .
محمد : حتعمليها كيف ؟
نوران : في شكل قمصان #برشلونة 💙❤
محمد : لا ياختي دا اعمليهو في عرسك انتي... ما عرس نسوم اختي .
نوران : هه من متين بقت نسوم ؟
محمد : من يومها نسوم وانتي محروقة مالك .
نوران : لا يا عسول انا ما محروقة ... بس خلي الكذب مش كل يوم بتجي تشكي لي منها .
محمد : بطلي كذب ... من متين بشكي ليك منها .... ما تصدقيها يا نسوم .
مرام : خلااااااص اسكتتتتو ... ما تبقو زي الاطفال الصغار ديل شنو ديل 😬.
نسمة وهي بتضحك : الاطفال زاتهم اعقل منهم ... وانت يا حمودي ما تخاف عارفاها بتقطع الكلام من راسها .
نوران : كدا يا نسمة مااااشي ... تاني لا انتي لا الشحط الجمبك واحد فيكم يفتح بوزو معاي 😠.
محمد جراها ونكش ليها شعرها : انا ما بقدر يا #نور_العين انك ما تتكلمي معاي .
نوران : انا برضو 😊😋
محمد : اها قولي كروت الدعوة كيف ؟
نوران : بس خليها مفاجئة حتكون حلوة شديد .
عمر : ان شاء الله ... انا واثق انك حتصممي كروت حلوة .
نوران : تسلم يا عمرابي يا ابو النسب  😉😋.
محمد : غاااااايتو 😏
نهاية الجزء التاسع عشر