نوران اول ما دخلت بيتهم لقت علي وشكلو عسوووول شديد .
نوران : اهلين علي صح ؟
علي : ايون .... انتي نوران الفاتك قبيل الترحيل ؟ 😂
نوران 😓 مع نفسها (فضحوني وشرطو عيني ) : ههههه اي اي دي انا .
قعدت اتونست معاهو شوية كدا وقبل ما تطلع غرفتها قالت ليهو : ما تخليهم يصحوني ولو اتعرضنا لي غزو فضائي ... عشان انا تعبانة شديد .
علي : اوكي 😊
***********************************
صباح الجمعة ..... العائلة النشيطة كلها صحت بدري ونزلو تحت في الصالة الا زول واحد طبعا كلنا عارفنو #نوران .
اخ يا جماعة نسيت اقول ليكم انو حسن وحيدر عندهم اخ واخت تانيين...... اختهم البعد حسن اسمها حنين عندها ولد اسمو كرم عمرو 20 ظريف وطيووووووب ملامحه هادئة وجميلة وبيجذب بي طريقة كلامو .
اختو اسمها رنا عمرها 10 👧 عسولة وحلوة جدا .
الاخ البعد حنين اسمو حليم عندو بنتين وولد .
الاولة عمرها 25 اسمها تهليل متزوجة وعندها ولديت توأم (زايد و زياد )
بعديها بنت جميييييييلة شديد من ساسها لي راسها اسمها ترتيل عمرها 22 مهتمة بي نفسها شديد وفيها انوثة جذابة لكن مغرووووورة وبتحب نفسها شديد .
اما الحتالة بئا اسمو احمد 19 سنة وسيم وظريف شخصيتو حنتعرف عليها اكتر في القصة ( ما تخافو مع الايام حتحفظو كل الابطال ) .
في غرفة اقل ما يقال عنها خرافية كانت نايمة وخاتا المخدة في وشها ... صحت بصوت امها : ترتييييييل اصحي .
جات الام فتحت النور وقفلت التكييف (هجوم عسكري. الله وكيلكم)
ترتيل بصوت مليان نعاس : في شنو ماالك خليني انوم .
الام : تنومي شنو انتي هبلة انحنا الليلة ماشين بيت عمك حسن عشان نسلم على حيدر واولادو قومي وبعدين احتمال تطلعي ليك بي عريس .
ترتيل رفعت راسها وهي بتضحك : تيب (اعاقة في النطق لكن هي من شدة الدلع كلامها كلو كدا )
يلا سريع .
ترتيل :ثواني واكون جاهزة .(قصدك بعد ساعات ؟)
الام وهي نازلة على الصالة لاقت احمد .
احمد: صبااااح الخير يا مصر 😂
الام : صباح النور ... كنت وين جاي فرحان كدا وصاحي بدري كمان .
احمد بي استهبال : مشيت اقابل الجكس .(بيهظر)
الام : اها الجكس دا عرفناهو كلو يوم حتى يوم الجمعة؟؟؟
احمد: ههههههه 😂😂😂 لا والله صحيت بدري عشان ابوي قالت ماشين لي عمو حسن .
الام: اي يلا جهز نفسك .
احمد : حمامة ☺️.
وبعد ساعة كدا طلعو وطبعا التاخير كلو من ترتيل كانت لابسة فستان انيق وبسيط ومعاهو جكت جينز شعرها عاملاهو كيرلي وجايبة منو قصة (بضم القاف وفتح الصاد) بي قدام وعاملة روج احمر مع لونها البرونزي كانت كلاااااااام 😍.
*********************************
نرجع لي بيت ناس حسن .
حسن وحيدر كانو قاعدين بيتكلمو عن احوال البلد و الاقتصاد والحاجات البتجيب صداع دي ... اما البنات والامهات كانو بيتكلمو عن الموضة👜👚👠 وديكور البيت وكدا .... الشباب كانو بيتكلمو في الكورة والفرق العالمية في الوقت داك نوران صحت وجات نازلة لابسة بنطلون جينز اسود ومعاهو تيشيرت اولاد كحلي .
في كلام الكورة الكلام اشتد شديد طبعا فهد و باسل مدريديين ( باسل وبسمة التوأم اخوان نوران الصغار)
وعمر ومحمد وعلي برشلونييين (انتو الحب )
محمد: والله انا عندي اخت لو قامت عليك في الكورة الا تحيرك .
فهد : منو ؟
محمد: نوران
فهد وهو بيضحك : كمان نوران بقت بتعرف كورة .
محمد : ارح نلعب هسه بليستيشن وحاثبت ليك انو برشلونة اقوى من مدرديد.
فهد بي ثقة مفرطة : انا شايف انو احسن تفكر تاني لانو انا ما بغلب بي 2و3 اما بغلب بي 7 و8 واسأل عمر وعلي لو ما مصدقني .
علي: الصراحة هو ود لزينه يا محمد غلباتو حارة شديد .
عمر : لكن لازم نثبت ليهو انو البرشا اقوى يا محمد عشان كدا شد حيلك .
فهد وهو بيلعب بي شعرو : اتحداكم ؟
محمد : احنا قدر التحدي .
فهد : اذن يلا .
باسل ركب البليستيشن وبصوت عالي ( يا جماعة يا ريت تنتبهو معاي .... والجماعة كلهم سكتو .
باسل مواصل (ظبطت والله ) : في منافسة بين فهد ومحمد عشان يثبتو منو الاقوى البرشا ولا الريال وطبعا معظمكم عارف انو الاخير هو الاقوى بس الجماعة ديل ما عايزين يرضو بواقعهم وانا وفهد حنثبت ليهم ( شافع قليل ادب 😒) يلا اتقسمو اي واحد يشوف عايز يشجع منو .
اتقسمو فريقين وكلنا عارفين نوران حتكون مع منو ...بدت اللعبة وفهد كان ماهر بي معني الكلمة الشوط الاول خلص بي 4 لي فهد صفر لي محمد 😭 (فضحتنا)
الشوط الاخير كان 7 لي فهد و2 لي محمد 😢 .
وقامو مشجعين فهد يصفقو ويغيظو في جماعة محمد واولهم باسل .
فهد وهو بيضحك على شكل محمد الزعلان : 😂😂😂 اهدا اهدا يا محمد اهدا يا ولد عمي في النهاية دي لعبة take it easy .
نوران : انا عايزة العب معاك ... وهنا الناس كلها بقت بتعاين لي نوران .
باسل : نوران كفاية كدا ماء وجهكم حينتهي .😂
فهد : طيب يلا بس ما تبكي بعدين😏 .
علي: نوران تعالي عندي خطة .... وبعد ما اتهامسو كدا نورران جات قعدت وبدت اللعبة ... نوران وترت فهد شديد.
يتبع
