#نور_العين
-١١-
فهد صحا من النوم كان محموم شديد من سباحة الفجر... قام استحمى وغير هدومو .... وهو طالع طاخ ضرب صباعو بالباب ( اكتر شي بيوجع ضربة الصباع بالباب 😂) الضربة خلتو يرقص رقصة الهنود الحمر 😂😂😂.... قعد في الارض بي زهج وهو بيتفقد في صباعو .... نوران جات طالعة وهي بتتكلم مع فراس : ياخ ما تجينا ... عملت لينا وجع وش .... فراس مع السلامة يا ابوي صوتك بيعمل لي وسواس قهري .... طب يلا ياض مع سلامة اقفل . (بلطجية من بولاق الدكرور😂)
ومشت فيهو توشك ولا كأنو قاعد وهو رافع راسو بعاين ليها... بعد شوية جات راجعة خلف وهي بتعاين ليهو 😳: مالك ؟
فهد : اضربت بالباب .
نوران : انتو البيبان دي مالا معاكم انت واختك ؟
فهد : بيحبونا .
نوران : طيب قوم يالهندي .
وطوالي فهد قام وراها كان مدخل يدو في البنطلون ومبتسم ابتسامة كدا ما بيبتسمها دايما ... بيبتسمها لمن يكون داخل على حب .... بكون رافع حاجبو الشمال و مبتسم ابتسامة جانبية وبكون عاضي شفتو السفلى ومرجع راسو شوية لي ورا... طبعا لا اراديا الابتسامة دي ... من ما تشوفو الابتسامة دي اعرفو انو وقع ❤️.
نزلو تحت كانو قاعدين النسوان بس وعلي وباسل .
فهد رقد وختا راسو في رجلين امو ....علي كان قاعد على جهت رجلينو وماسك التلفون .
منى وهي بتمسد في راسو : دا شنو يا ولد مالك محموم كدا ؟
فهد : ارهاق .
ترتيل " وحبيبي يا ناس فيني ولا فيك " (😒)
منى : انت امبارح بتستفرغ والليلة محموم ... انا ما مطمئنة ... ما تقوم تمرض لينا هنا .
علي بي استهبال : اسمحيلي يا امي اني اقلك ولدك #حامل (لا انت درعتها شديد يا علي 😂)
الناس كلهم سكتو ... فهد قعد وبقا منطر عيونو وبعاين لي علي .... ومالساعة الاداهو شلوت بي رجلو خلا طار هناك 😂 ( يستاهل).
نوران وهي شبه كاتمة ضحكة 😂😸😂😸: علي انت ما نصيح .
فهد : قصدك ما مؤدب 😒.
في : الله يكبر المخ الجوه دا 😂💔.
فهد : الاولاد وين ؟
منى : بري من قبيل كلهم مع ابوهاتهم في الصالون .
فهد كأنو فهم حاجة : اهاااا .
نوران : فهد
فهد : "حبيبي" اي
نوران : كنت عايزة اسألك انا قبيل الفجر لمن لاقيتكم بعديها مشيتو وين ؟
فهد : قعدنا شوية برا ورجعنا ( يا رااجل )
نوران : لاااا ... بس انا شفتكم وانتو ركبتو العربية 😊
علي : انا سمعتهم وهم بيقولو ماشيم يفحطو 😊
باسل : وانا كمان .... ولمن رجعو قالو عايزين يستحمو من الملح .
الامهات بقو فاتحين خشومهم وهم بيسمعو في الكلام .
طبعا فهد طريقة الثقة البيتكلم بيها بتخليك تصدقو ... وتكذب الباقيين : باين انكم بتتهيأوا او حاجة زي دي 😏.... وحتى لو طلعنا ماف شي بيخصكم ( اقذف الجبهات يا ابني )
وهنا الاولاد جو داخلين مع ابوهاتهم ....
نوران : محمد قبيل الفجر مشيتو البح....
ومحمد جا بي سرعة قفل خشمها .....
محمد : 😸 شكلو البت بقت بتجيها تهيآت .
نوران عضتو في يدو : زح يدك المالحة دي مني 💔... بعدين انا ما بتهيأ اعترفو كنتو وين ؟
احمد : هوي انتي قايلانا شفع ولا شنو .... حتخوفينا ؟
وهنا بدت الشكلة نوران و علي وباسل بيهاجمو في الاولاد .... والاولاد بينكرو وفهد بارد برود يقطع القلب وردودو كلها مقنعة وما بيرد والا هو مبتسم كدا 😏 ..... والامهات بيتوعدو لو الكلام دا صح ما حيخلو الاولاد .... والبنات مشاهدين صامتين 😂.
عمر : يا جماعة .
وديل لسا مدورين الشكلة .
عمر : يا جماعة اسمعوني .
ولسا هم مدورين الشكلة
عمر بصوت عالي : يا جماااااعة .
وهنا كلهم سكتو .
عمر وهو بيشيل نفس : يعني الواحد الا يكورك ....المهم ماعايزين تعرفو لي نحنا الرجال كنا في اجتماع مغلق ؟
علي : لي ؟
عمر : طيب بسم الله .... شوفو يا جماعة انا بعد دا عمري بقا 25 سنة ... يعني خلاص زول كبير وواعي .... عشان كدا انا عايز اعرس ..
وطلعت شهقات عالية متفاجئة من البنات .
عمر سكت شوية ومد خشمو كأنو شوية متردد : نسمة .... عايني انا حاعترف ليك هنا وقدام امك وابوك واخوانك .... والله العظيم من ما جيت السودان اول مرة وانا طفل حبيتك ..... وكنت دايما بقول حاستناها لحدي
ما تكبر ... كنت بدعي الله كل يوم اهو ما يجيك زول يتقدم ليك .... نسمة انا بحبك وعايزك على سنة الله ورسوله .... تتزويجني ؟ ( قل أمثالك في هذا الزمان )
العيون كلها اتوجهت لي نسمة الماكان في اي تعبير في وشها .... وبعد مسافة كدا ادتو ليك صرة .
عمر كان بعاين ليها بي توتر خايف من الرفض ... وكل العيون كانت بتعاين ليها بي ترجي .
ولحظة توتر وصمت رهيبة ولسا نسمة صارة وشها وبتعاين ليهو .... وفجأة ابتسمت ابتسامة رزينة حمرت معاها خدودها وهي بتقول : موافقة 😊
عمر وهو بيصلح النضارة : لا بالجد .... عليك الله موافقة يا نسمة ؟
نسمة اشرت بي راسها يعني اي .
وهنا ارتفعت اصوات الزغاريد العااااالية .
محمد وهو بيخت يدو في كتف نسمة وبيقربها عليهو : تبقى عليها عشرة يا باش مهندس ... نسمة غالية شديد... وماف زيها اتنين .
عمر : في عيوني ما تخاف .
حنين : عقبالكم يا اولاد .
محمد وترتيل : امييييين .
