#نور_العين
#الجزء_الاخير
بعد شهور نوران وجود نزلو الجامعة وبي سرعة قدرو يعملو صداقات ...و فراس كان دايما على تواصل معاهم
اما فهد كان مجتهد شديد في دراستو في الجامعة .... ومرت الشهور بي سرعة والليلة تخريجو.... كان لابس بدلة تكسيدو سوداء ... ولابس معاها روب التخريج وخاتي العلم السوداني في كتفو .
بدو يزيعو في الطلاب واحد ورا التاني ... فهد زاعو اخر واحد لي ؟؟؟
لانو جا اول الدفعة 🎊🎉🎊🎉🎊.
علي يصفر ويصفق ويصور ويكورك قدرتو .... بعد التخريج عملو ليهم حفلة حلوة فهد واصحابو كانو مسيطرين ما خلو شي ما عملوهو... بعديها فهد واصحابو طلعوا .... واهلوا مشو بيت عمر وبعد يومين رجعو الامارات وفهد لحقهم بعد اسبوع .... بعديها بي شهر سافر بريطانيا عشان يحضر واخيرا لقا شغل في فرنسا واستقر هناك.
مرت الايام يوم ورا يوم اسبوع ورا اسبوع وشهر ورا شهر .
#بعد_مرور_اربعة_سنوات
نوران اتخرجت من الجامعة قبل شهر ونص ..... والليلة يوم زفافها لي فهد ( واخييييرا)
كانت في الكوفير الرجال كانو بيعقدوا في الجامع وبعد ما خلص العقد طلعو بره وضربو نار 🔫.
الضيوف كانو كتيرين شديد من ماليزيا والامارات ومصر وفرنسا وبريطانيا دا غير ناس السودان .
الفنادق كانت ملياااانة بالضيوف ... العرس كان حدث وكل الناس بتتكلم بيهو .
جا وقت الحفلة ... الضيوف اتوجهو نحو الصالة كانت راااائعة خيال ديكورها مبالغ فيهو .
اول ما تجي داخل بتلقى باب كبير واقفين قدامو حرسبن لابسين بدل بيضاء .... بتدخل في ممر طويل قيهو سجادة حمراء على امتدادو ومن فوق فيهو اضواء سبوت لايت صغيرة زرقاء بتديك جو حلو واحساس بالانبهار.
على اليمين بتلاقي برواز ضخم فيهو صورة نوران ... لابسة فستان بنفسجي هادئ من فوق دانتيل عاملة شعرها ضفيرة وجايباها بالجنبة ولابسة طاقية بيضاء زي بتاعت الكاوبويز خاتا يدها في الطاقية ومبتسمة ابتسامة عفوية وبريئة.... وفي اضاءة مسلطة على الصورة
وعلى الشمال برواز ضخم برضو فيهو صورة فهد برضو مبتسم ابتسامة هادئة جذابة فيها غرور... كان لابسة بدلة بيضاء وقميص اسود وكرفتة بيضاء ولابس برضو طاقية سوداء .
لمن تدخل جوه بتلقى بت وولد بشيلو منك كرت الدعوة وبدوك وردة حمراء بدل الكرت وبعديها بتدخل الصالة ... كانت حلوة شديد والديكور انيق وعصري .
بعد ما الناس قعدت في كراسيها الانوار طفت ... على جهة المدخل نزلت شاشة واشتغلت غنية ( فرحانة بيك انا يا جناي في يوم زواجك وفرحتك بخلط دموعي انا ليك امل في صحن سعادتك وحنتك بتزكرك وكنت تتاتي ويايمة اول كلمتك والليلة يا سيد الرجال فرحت امك وحلتك ياربي تحفظ لي جناي ويعيش سعيد في دنيتك )
في الشاة كانت بتتعرض صور فهد .... امو شايلاهو اول ما طلعن من غرفة العمليات عمرو بالساعات..... ابوهو رافعو فوق وبيلعب فيهو....صورة بايس فيها امو.... اول يوم ليهو في المدرسة وهو بيبكي وعمر ماسكو من يدو...صور تدرجية لي طفولتو ... صورو في الثانوية.... صورو في الجامعة وصور التخريج.... وصور ليهو في بريطانيا وفرنسا.
بعيدها اشتغلت غنية by your side وبدت صور نوران برضو بالتدريج ... كانت حلوة شديد ومعظم الصور هي فيها محمد ولد الا صورها الفي الجامعة وصور التخريج... واكتر صورة اثرت في الناس كانت صورتها وهي لابسة هدوم الباليه وامها علياء شايلاها ونسمة واقفة جمبها .... وصور بورتسدان والمول كانت فيها 😂.
بعديها اشتغلت موسيقى ملكية ...
نوران وفهد اي واحد سايق عربية رياضية براهو ... فهد عربيتو سوداء ونوران بيضاء .
لمن وقفت جا محمد اخوها فتح ليها الباب ونزلها ومسكها .
محمد : ماشاء الله ... كبرتي يا قطة واحلويتي.
نوران : من يومي حلوة .
محمد : طيب خلاص اسكتي وبطلي قلة ادب عشان بتاع الكاميرا بصور فينا وممكن الناس يفهمو كلامنا .
دخلها لحدي النص وهناك ابوها مسكها .... باس راسها وتابع معاها .. طبعا بقا عمرها 22 سنة .... كانت زي الاميرات ... لابسة فستانة حلو شديد وفخم .... (حنزل صورتو)... كانت بسييييطة شعرها مفكوك بنعومة ولابسة تاج.... عاملة روج احمر فاتح ... وشايلة باقة ورد جوري حمراء .... لابسة سلسل بسيط فيهو لؤلؤة وكمان الحلق ....كانت جمييييييييلة وداخلة بي شموخ
فهد جا داخل بالمدخل التاني .... ماف كلمة بتوصفو اقل ما يقال غنو وسيم .... بدلتو حلللللوة شديد لونها اسود فيها لمعة خفيفة .... قميص ابيض وكرفتة سوداء ...ولابس ساعة رولكس سوداء .... والشعر والسكسوكة مظبطيييييين .... عمرو بقا 26 زاد رجولة ونضج.
سلم على عمو في راسو .
حسن: ابقى عشرة عليها .
فهد : ما تخاف جووووة عيوني .
مسك نوران وباس يدها وبعديها مشو .... الممر كان من زجاج
فيهو موية من تحت وزهور .... مشو لحدي الكوشة كانت في موية ووبيتمشي ليها بي ممر ووراعا في شلال ... قدامها في منصة عالية ... وقفو عشان يرقصو فيها ... نوران ختت يدها في كتفو ... وهو ختا يدو في خصرها وبدو يتمايلو على انغام اغنية All Of Me
فهد : واخيرا بقيت راجلك
