مرت الايام يوم ورا التاني وجات امتحانات نوران والعائلة كلها ساهمت في مذاكرة نوران ناس يشرحو وناس يحفظو .... محمد كان بيصحيها الفجر وبيقعد في سريرها على اساس حارسها عشان ما تنوم وما بتتم خمسة دقايق الا وهو منجدع في سريرها ونايم (غايتو 😂)..... والليلة اخر امتحان :
نوران جهزت نفسها وشالت شنطتها ضحكت على محمد الفاتح خشمو ونايم نوم ارهاق غطتو بالبطانية وطلعت .
لقت عمر في وشها .... عمر وهو مادي ليها يدو نظام كفك ✋️: ها يا بطلة مستعدة لي اخر امتحان .
نوران وهي بتنط عشان تضرب يدو ✋️: اكيد 😌
عمر : بالتوفيق .
جو نسمة ومرام وامهم طالعين .
نسمة وهي بتخت لي نوران سندوتشات وعلبة راني في شنطتها : خلاص هانت دا اخر يوم .
مرام بي دلع : خلي بالك شديد واقري اي سؤال مرة ومرتين ما تتسرعي .
بدور (امهم) : ربنا يسهل عليك وينجحك ويوفقك ركزي كويس الاجابة بتلقيها في الورقة زاتها .
وبعد التوصيات والدعوات الطويلة طلعت نوران على بص المدرسة ........
بعديها بشوية كدا محمد صحا ومشا اوضة فهد وعمر
محمد : فهد وعمر انا شايف نمشي لي عمو حليم هسه عشان العربات .
فهد : حلو
عمر: طيب دقايق نجهز نفسنا ونطلع طوالي .
بعد ماجهزو طلعو مع محمد كانو قاشرين بالجينز👖 والتيشيرتات👕 والنضارات الشمسية😎.
وصلو الشركة واول ما دخلو الناس كلها بقت مبحلقة فيهم (ماشاء الله) .
محمد للسكرتيرة وهو بيرفع النضارة في راسو : لو سمحتي المدير العام موجود ؟
السكرتيرة ما قادرة تتكلم من شكل محمد ... جا وقف معاهو عمر البت اتبكمت واخيرا بعد محاولة عايزة تقول ليهم اي جا فهد وقف وتما الناقصة بقو الثلاثة عليها وهي ما قدرت تفتح خشمها (يا عيني عليك يا اختي 😂)
محمد وهو بعيد السؤال تاني : موجود؟
اشرت ليهو بي راسها ... محمد وهو مبتسم : شكرا 😊
والبت اتبخرت بعد الابتسامة دي .
بعد ما مشو من جمبها
عمر : 😂😂😂😂 مالا هي كأنها خايفة مننا .
فهد : اي لاحظت لكن معذورة عشان شافتني 😌
عمر : انت الله يدينا خيرك .
وهم ماشين في الممر على جهة المكتب سمعو صوت عمهم الهايج : ما عايز الحصل دا يتكرر تاني يا اساتذة مفهوم ؟تصرف زي دا كفيل بي انو الشركة تتقفل اول واخر مرة يلا اتفضلو على مكاتبكم .
وطلعو شابين وباين الاسف في وشهم ....محمد وهو بيفتح الباب : مالك زعلان كدا ياخ ؟
حليم رفع راسو بي سرعة ووشو اتملا بي ابتسامة قام وهو بيرخي في الكرفتة بتاعتو : محمد وعمر وفهد مرة واحده في مكتبي وانا اقول لي المكان منور .
عمر : منور بي نورك والله
حليم : اتفضلو اقعدو ... اها عايزين تشربو شنو .
محمد: لا شكرا ولا اي شي بس عايزين نشوف العربات عشان يختارو .
فهد : محمد لو سمحتة اتكلم عن نفسك 😒.
محمد وهو بيضحك :😂😂😂 اسف اسف .
حليم : اها عايز شنو يا فهود .
فهد : 😅 ههههه لا ماعايز حاجة سلامتك بس كنت بهظر .
حليم : 😊 خلاص طيب تعالو شوفو العربات واختارو ... ونزل بي نفسو معاهم .
عمر اختار سبورتيج سوداء ❤️ .... وفهد Fg سوداء .
وبعد ما خلصو الاجراءات طوالي طلعو بيهم (اه يا اولاد المحظوظة ) .
طبعا محمد الدليل بتاعهم هو قدام ووراهو فهد ووراهم عمر متابعين بعض .(لسا ما حفظو الشوارع )
اول ما وصلو لقو برتكانة (الحبشية ) واقفة في الشارع وخاتا يدينا في راسا .
محمد نزل بي سرعة : برتكانة مالك في شنو ؟
برتكانة : باسيل بسمة والي (علي) مآكم (معاكم)؟
محمد : لا ما معانا مشو وين (يعني هي لو عارفة كان سألتك )
برتكانة : تلأت كبل شوية اودة بس ما لقيتم .
فهد : في شنو مالكم ؟
محمد: قالت مالاقية التوأم وعلي .
فهد : كيف يعني ما لاقينهم حيكونو مشو وين ؟
عمر : قولو بسم الله ما تخافو بيتلقو .
فهد : برتكانة انتي متأكدة انهم مافيشين ؟ فتشي كويس .
برتكانة : والله ما فيشا انا شفتي بيت كلو هتى (حتى) سويمينج بول (طبعا دا المسبح ما يفوتكم ... برتكانة مثقفة والله 😂) وهتيكة (حديقة) مافيشا فيهو .
عمر : يا ربي بكونو مشو وين .
محمد: انا متأكد انو حيكون باسل هو الطلعهم دايما مارق من دون استئذان وخالعنا .
فهد : نضرب للشرطة يعني ولا كيف .
محمد : لا ماف داعي هم حيكونو في المنطقة .
عمر : عاينو عاينو مش ديل هم .
فهد: اي صح المنكوش دا علي .
استنوهم لحدي ما وصلو عندهم .
محمد: كنتو وين ان شاء الله ؟ وبتطلعو من دون استئذان ؟
باسل : بس مشينا السوبر ماركت نشتري شيبس وحاجات.
محمد: لي ما استأذنتو بتطلعو وتجو على كيفكم .
بسمة بخوف : احنا اثفين والله لكن كلهم نايمين واحنا ماعايزين نزعج.
علي : التوأم ما عندهم ذنب انا السقتهم معاي عشان ما بعرف الطريق .
محمد : خلاص ما مشكلة تاني ما تكرروها .
فهد وهو بيرفع بسمة الكانت حتبكي فوق كتفو : يرضيكم كدا برتكانة تقيف في الشارع براها عشانكم خرعتوها 😂😂😂 (خلعتوها) .
وبعد ما دخلو جوا بسمة وباسل وعلي دخلو اوضتهم .
والاولاد مشو اوضة محمد وفتحو البليستيشن بتاع محمد وبقو بيلعبو طبعا محمد تاب من فهد تاني ما بيلعب معاهو
