#نور_العين
-١٨-
فهد فتح عيونو من النوم كان لسا راسو في حجر امو البتتونس مع البنات ... حست بي حركتو وعاينت ليهو : انت صحيت ؟
فهد : لا لسا نايم .
امو قرصتو في كتفو : قلة ادبك دي اصلو ما بتخليها .... قوم مني عملت لي وجع ضهر .
فهد وهو بيضحك وبيحك محل القرصة : خلاص معليش .
منى : لا ما معليش قوم .
فهد : انا يادوب نمت ياخ .
منى : لا يا عسل الساعة 12 ونص .... عارف انك نايم من 7.
فهد : بتحسديني على نومتي يا منوها .
علي : بس ما تقول لي منوها دا دلع لي منى .
فهد : تخيل .
منى : كدي تعال اسألك لابس تيشيرت عمر لي ؟
فهد ختا يدو في خشم امو : انا برضو بحبك والله .
منى زحت يدو : لابس تيشيرت اخوك لي ؟
عمر انتبه : دا ياتو تيشيرت ان شاء الله ؟
فهد وهو بيرفع طرف التيشيرت : البتاع دا حقك ؟
عمر : اي
فهد لي امو : شفتي قال لا عشان تتكلمي ساي تاني .
فجأة ختا يدو في راسو وهو ضاغط على اسنانو بي الم .
منى : بسم الله مالك ؟
ترتيل جابت المسكن بي سرعة وادتو منو حبة .
رجع راسو لي ورا وسكت .
عمر : فهد انت كويس ؟
هز ليهو راسو بمعنى اي .
منى : كدي يا نسمة شوفيهو
نسمة : دي نوبات صداع مفاجئة عشان ضربة الحادث بس ان شاء الله اسبوع اسبوعين بالكتير وبيبقى كويس .
فهد قعد مسافة وكل اسرتو منتبهى معاهو .
ترتيل : اعمل ليك شاي ؟
فهد : لا شكرا.
رفع راسو لقا نوران بتعاين ليهو بي قلق .
ترتيل : اعمل ليك مساج في راسك ؟
فهد : ممكن
ترتيل جات وقفت بي وراهو ..... هو كان قاعد في الكنبة ومرجع راسو .... وهي بتعمل ليهو في المساج .
نوران اتذكرت كلام فراس لمن قال ليها فهد حيتعمد يخليكي تغيري عشان كدا خليك ريلاكس وما تعايني ليهو كتير .
فهد بي الابتسامة البدوخ وهو بيغمز لي ترتيل : خلاص شكرا .
ترتيل قرب يغمى عليها الدنيا بقت لااااااافة بالنسبة ليها .
كرم : اها يا جماعة احنا حنرجع الخرطوم بكرة ... بما انو الليلة اخر يوم لينا مخططاتكم شنو ؟؟؟
تهليل : حنتغدى بره 😸 .... عندي ليكم مطعم خوووورافي .
محمد : تهليل انتي بقيتي دليل مطاعم 😂.
عمر : لو ما هي الله اعلم كنا حناكل وين ... كل يوم بتكتشف مطعم جديد .
كرم : طيب اها ترتيل جابت المطعم في اي افكار تانية ؟
نوران : نمشي الملاهي .
رنا : يييييييييي نمشي الملاهي .
بسمة : انا مع نوران .
كرم : عندي ليكم مفاجئة حنختم بيها الموضوع .
احمد : كدا الزيييييت .
نوران : حاضرب لي فراسوه يجينا .
طبعا فراسوه دي لمن خلت جسم فهد يكش .
فهد : انا ما ماشي معاكم .
وكل الجماعة عاينو ليهو .
كرم : ولا على كيفك .
فهد : معليش اعفوني منها .
محمد : لا لا لا معليش لا غيرو ... انت بتهظر الليلة اخر يوم لينا ياخ .
احمد : ياخ بطل كئابة يا فهد ياخ .
عمر : واحنا كلنا ماشين حتقعد مع منو ؟
نسمة : لو فهد ما مشا انا ما ماشة .
تهليل : وانا ماماشه .
مرام : وانا كمان .
ترتيل : انا بردو ( يبرك فيك جمل يا بعيدة 😒)
رنا : وانا وبسمة معاهم .
محمد : شيف بالله ... كل الجكس حيقعدو لو انت مامشيت .
كرم : الا نوران 😂
احمد : بتعجبيني لمن تكوني مختلفة يا نوران 😂.
عمر : هسه دا لو كان واحد مننا ما كان حيعبرونا زاتو 😂
علي : هم عايزين المزز يا جماعة .
كرم : اها يا فهد .... ما تبيخ اليوم ياخ يلا وافق .
فهد وهو بيضحك : امري الى الله .
ترتيل : يعني موافق ؟
فهد وهو ضاحك هز ليها راسو بمعني اي .
ترتيل : yes yes yes
مرت الساعات وبدو يجهزو في نفسهم .
نسمة جات نازلة كانت لابسة فستان لونو اسود فيهو حزام جلد رفيع لونو بني وجكت كيمونو بنفس اللون (جكت طويل ) والحجاب يخلو ليها .... نسمة دي نوع الناس الوشها منور براهو .... فيها رزااااانة كدا ومهذبة لمن غلط البشوفها ما بقول محمد و نوران اخوانها 😂.
عمر كان قاعد تحت اول ماشافها وقف على حيلو وبي صفيرة اعجاب : انتي وقعتي من ياتو سماء .
نسمة بي ضحكة حلوة : نفس السماء الوقعت منها انت .
عمر : لو كدا معناها انا محظوووظ .
فهد جا نازل كانت لابس sweat pants رمادي ( البنطلون دا ما بيتوصف 😸... حنزل ليكم في صورة في كومنت )
ولابس معاهو جزمة (اعزكم الله) Nike ....ومعاهو تيشيرت سادة ابيض وكاب 💔 .... والعضلات مالية التيشيرت 💪.
مسك تلفونو واتكل على السلم .... جو نوران وترتيل نازلين .
ترتيل لابسة اسكيرت على جسمها لونو سيتان ازرق غامض .... ومعاهو بلوزة شفون اصفر شاكاها .... وفاكه شعرها ..... اما نوران كانت لابسة اسكيرت جيب اسود ومعاهو بلوزة بيضاء شاكاها و ولابسة جكت جينز فاتح لابسة جزمة رياضية بيضاء ... عاملة شعرها ضفيرة ولافاها كعكة ومطلعة خصلات بي قدام وعاملة ايلاينر وروج احمر فاتح كانت مززززززة .
فهد عامل نفسو ما شغال بي نوران ..... عاين لي ترتيل واداها صفيرة اعجاب : ماشاء الله ... اتحصنتي ؟
ترتيل وهي بتضحك : هههههههه للدرجة دي حلوة ؟
فهد : قمر .... ربنا يحفظك .
نوران نزلت فيهم توشك .... حست بالغيرة لكن ما ظهرت .... طلعت بره لقت الاولاد واقفين .
اول مااشافوها بدت ا
