Shade In Darkness ( Season 1 )

SID - 1

Unicode Version

ဝမ်ရိပေါ် POV

နွေဦးရဲ့ပထမဆုံးစာမျက်နှာအလှစ်မှာ
မမျှော်လင့်ပဲဝင်ရောက်လာခဲ့တဲ့
ကျွန်တော့်အချစ်က အနီရောင်လေး

အရာအားလုံးကိုညို့ယူနိုင်တဲ့အပြုံးလေးနဲ့
အကို့ကိုကျွန်တော်စတွေ့ခဲ့တာ
ကျောင်းဝရံတာရဲ့မနက်ခင်းတစ်ခုမှာ ..

အဲ့တုန်းက​အကို့လက်ထဲမှာဆုပ်ကိုင်ပြီး
စိတ်တိုင်းကျသောက်သုံးမယ့်အရာက
အပြာရောင်လက်ဖက်ရည်ခွက်တစ်ခွက်မဟုတ်ပဲ
ကျွန်တော့်ရဲ့နှလုံးသားဆိုတာမသိခဲ့ဘူး

သစ်ရွက်စိမ်းနံ့သင်းတဲ့လေပြေကို
ရှုရှိုက်ရင်းအကို့နှုတ်ခမ်းရာထင်စေခဲ့တဲ့
အဲ့ခွက်လေးကိုစစတွေ့ချင်းမှာပဲ
ကျွန်တော်မနာလိုဖြစ်ခဲ့ရတာမချိမဆန့် ..

အဲ့ဒီအချိန်ကစပြီး
အကို့လက်နဲ့ထိတဲ့အရာရာတိုင်းကို
ကျွန်တော်သေလောက်အောင်
တစ်ဖက်သတ်အူတိုနေခဲ့တယ်ဆိုတာအကိုယုံမလား

ကျွန်တော်ဆိုတာအကို့ရဲ့ခန္ဓာကိုယ်ကို
လေညင်းကတိုးဝေ့ကျီစယ်ထိတွေ့ရင်တောင်
မနာလိုဖြစ်ဒေါသူပုန်ထမိတာမျိုး ..

ကိုယ်သင်းနံ့လေးတွေ
စွဲထင်နေမယ့်အကို့ရဲ့အက်ျီအဝတ်အစားအထိ
ကျွန်တော်လိုက်တွေးမေတ္တာပွားရတာတွေ
တစ်နေ့နေ့တော့အကိုသိအောင်
ပြောပြချင်သေးရဲ့

အချစ်ဆိုတာကျွန်တော့်ထက်
အရပ်အနည်းငယ်ပိုမြင့်တဲ့
လိင်တူယောက်ျားလေးတစ်ယောက်မှန်း
သိလိုက်တဲ့အချိန်မှာကျွန်တော်နောင်တရတာက
အကိုနဲ့စောစောမဆုံဆည်းခဲ့ရတာကိုပဲ

ညီမလေးလောက်ချစ်ရမယ့်သူမရှိဘူးလို့
ထင်ခဲ့တဲ့ကျွန်တော့်ဘဝထဲ
အကိုကမတူညီတဲ့ချစ်ခြင်းကို
လမ်းပြပေးတဲ့သူဖြစ်လာခဲ့တယ် ..