Shade In Darkness ( Season 1 )

SID - 10 🚨

Warning 🚨

The following content may contain
sensitive themes that is not suitable
for all audiences.
Please be aware of what you are
about to view and what you may see.
If you are under 18,
please skip this page.
Take your risk !!

Unicode Version

ဝမ်ရိပေါ် POV

တစ်စုံတစ်ယောက်ကိုအချစ်ပေးဖို့
ကျွန်တော်တို့ရဲ့နှလုံးသားတစ်နေရာမှာ
အချစ်ဆိုတာရှိနေဖို့လိုအပ်တယ် အကို

အကိုတကယ်ပဲချစ်တတ်ရဲ့လား

ဒါမှမဟုတ် အချစ်ကိုရှာတွေ့ဖို့
အကြောင်းရင်းမလုံလောက်သေးတာလား

ကျွန်တော့်အတွက်ကတော့
ချစ်မိရင်အကြောင်းပြချက်မလိုဘူးအကို

ချစ်တာကချစ်တာပဲ
တကယ်ကိုရိုးရှင်းတယ်

တစ်ခါတစ်လေကျတော့လည်း
အကိုတွဲနေတဲ့သူတွေကို
အကိုတကယ်ချစ်လို့တွဲနေတာလားသိချင်ပေမယ့်
တစ်ဖက်ကလည်းဒီအဖြေကို
ကျွန်တော်တကယ်ကြားနိုင်ရဲ့လားလို့တွေးရင်း
နှလုံးသားတစ်နေရာကိုတင်းတင်းဖိထားရတယ်

အကျင့်ပျက်တဲ့ဒီရင်ဘတ်က
ခဏခဏအောင့်တတ်လာတယ် အကို

အချစ်ကလွဲလို့ဘာကြားခံပစ္စည်းမှမသုံးပဲ
အကိုနဲ့နီးစပ်ချင်တဲ့ကောင်လေးမို့
တကယ်လို့များကျွန်တော့်ကိုအပိုင်ယူမယ့်သူက
ရှောင်းကျန့် ဆိုတဲ့လူသားလေးဖြစ်ခဲ့ရင်
ဒါကိုဖူးစာလို့မသတ်မှတ်သလို
ရေစက်လို့လည်းအမည်မပေးဘူး

ဒါဟာအချစ်ကိုအရင်းတည်တဲ့
ပေါင်းဖက်မှုသက်သက်

သန့်စင်သလိုကြည်နူးဖို့လည်းကောင်းတဲ့
ပေါင်းစည်းမှုသက်သက်ပါ အကို

အပေါစားနည်းတွေနဲ့အကို့နား
နေချင်ရင်အရာရာကိုရင်းပြီး
ခဏတာပျော်လို့ရပေမယ့်
ကျွန်တော်ကတစ်ဘဝစာကိုမှ
မှန်းမိတော့လည်းစောင့်ရပေဦးမပေါ့

အကို့ရဲ့ပထမဆုံးတွေဖြစ်ခွင့်မရပေမယ့်
နောက်ဆုံးဖြစ်ခွင့်ရရင် ဆိုတဲ့အတွေးနဲ့တင်
လူကလေထဲမြောက်တက်နေပြီမို့
အကို့ရင်ခွင်ထဲဘယ်သူဝင်နေနေကျေနပ်ပါတယ်

အကိုသာဆန္ဒရှိခဲ့ရင်
တစ်ကမ္ဘာလုံးကိုတောင်စိုးမိုးနိုင်မယ့်ပုံစံလေးပဲမို့
ကျွန်တော်ဆိုတဲ့ကောင်လေးတစ်ယောက်
အရူးအမူးဖြစ်တာဘာအရေးလဲနော်