Shade In Darkness ( Season 1 )

SID - 23

Unicode Version

ဝမ်ရိပေါ် POV

မျက်စိတစ်မှိတ်ဆိုတဲ့တဒဂ်လေးအတွင်း
ကျွန်တော်ဆိုတာမြူမှုန့်တစ်ခုလိုပဲ

လွတ်လွတ်လပ်လပ် ပေါ့ပေါ့ပါးပါး

လွင့်ချင်ရာလွင့်မယ်
ရောက်ချင်ရာကိုလည်းရောက်နေလိမ့်မယ်

ဗလာဖြစ်မနေတဲ့စိတ်ထဲမှာတော့
အကို့နာမည်ကိုသာတမ်းတရင်းပေါ့

အကိုကမေးဖူးတယ်

တကယ်လို့များသူသာအမှောင်ထုထဲရောက်နေရင်
ကျွန်တော်ရှာလို့တွေ့နိုင်မလားတဲ့

အဲ့ဒီတုန်းကတော့ကျွန်တော်ယုံကြည်မှုအပြည့်နဲ့
ရှာတွေ့နိုင်တယ်လို့အာမခံခဲ့တယ်

အခုတော့ကျွန်တော်ဘယ်လိုရှာရှာ
လေးဖက်လေးတန်အမှောင်ထုထဲမှာ
ဘာဆိုဘာကိုမှမမြင်ရ

ထွက်လာခဲ့ပါတော့လား အကို

အချိန်တွေလည်းကြာလှပြီ

ကျွန်တော်အရှုံးပေးပြီမို့
တူတူပုန်းတမ်းဆော့တာတော်ကြရအောင်နော်

အလံဖြူပြထားတာအကိုမြင်တယ်မလား

အမှောင်ရိပ်ထဲကအဖြူရောင်လွင့်မျောမှုတစ်ခုကို
အကိုမြင်ရတယ်ဆိုရင်
ကျွန်တော်ရှေ့ကိုထွက်လာခဲ့ပါတော့လား

" ကလေးဒီလောက်နေမကောင်းတာ
ဖြစ်ဖြစ်ချင်းအကြောင်းကြားပါတော့လား
အစ်မကျင်းယိ ရယ် .. ခုသတိပြန်မလည်တာ
နှစ်ရက်ကျော်ပြီ .. "

ဝိုးတိုးဝါးတားကြားနေရတဲ့အသံတွေ
ကျွန်တော့်ကိုနှောင့်ယှက်နေတဲ့အသံတွေ

" ရိပေါ်လေး ကစိတ်ပင်ပန်းတာတွေ
သိပ်များလွန်းလို့ Blood Pressure
ထိုးတက်ပြီးနုံးချိသွားတာလို့ဆရာဝန်ကြီးက
ပြောသွားတယ် မောင် ... ပြီးတော့ .....
ဒါဟာ ... တကယ်လို့များပထမဆုံးအကြိမ်
မဟုတ်ဘူးဆိုရင်ကလေးရဲ့စိတ်အခြေအနေက
တော်တော်လေးထိခိုက်မိထားပုံရတယ်တဲ့ ...
ရိပေါ် ရဲ့လက္ခဏာတွေက Mental Problem
မြင့်တဲ့သူတွေမှတွေ့ရလေ့ရှိတာမျိုးတွေပေမယ့်
ကလေးရဲ့ခန္ဓာကိုယ်ကစိုးရိမ်ရလောက်အောင်
အားမရှိပဲဖျော့တော့နေတာမျိုးကနေ
ကယ်ထုတ်ထားနိုင်ပြီမို့ ဂရေ့စ် တို့အားလုံး
သားလေးသတိရလာတဲ့အချိန်ကိုပဲ
သည်းခံပြီးစောင့်ကြရအောင် .. "