Shade In Darkness ( Season 1 )

SID - 3

Unicode Version

ဝမ်ရိပေါ် POV

နှလုံးသားရဲ့ပန်းသွေးရောင်အလိုဆန္ဒကို
ကျွန်တော်လက်ခံလိုက်ရပြီးနောက်တစ်နေ့
အကိုနဲ့ပတ်သက်လာရင်အမှတ်မရှိတဲ့
ခြေထောက်တွေကအမြဲလိုသွားလာခဲ့တဲ့
ပုံမှန်လမ်းကြောင်းကိုမသိကျိုးကျွံပြုပြီး
ချယ်ရီပင်တွေနဲ့တိုက်အနီရောင်လေးရှိရာ
လမ်းသွယ်ဆီဦးတည်တယ်

မနေ့ကတစ်နေ့လုံးပုလဲရည်ခခဲ့တဲ့အပြင်
နှစ်ညဆက်တိုက်မအိပ်ခဲ့ရတဲ့
ကျွန်တော့်မျက်လုံးတွေကသာမန်ထက်
ဖောင်းကားကြည့်ရဆိုးနေမှာအသိသား

အခုလောလောဆယ်အဲ့ဒါထက်ပိုတာက
ကျွန်တော့်ခြေသလုံးရဲ့တစစ်စစ်နာကျင်နေမှု

အံကြိတ်ပြီးထော့နဲ့ထော့နဲ့မဖြစ်အောင်တော့
ကျွန်တော်ကြိုးစားလျှောက်တယ်

အကိုတောင်မှခံနိုင်သေးတာပဲ

ဟုတ်တယ်မလား

အကို့ရှေ့မှာအားနည်းတဲ့
ကလေးတစ်​ယောက်မဖြစ်လို

ကျွန်တော့်ကိုပျော့နွဲ့နွဲ့ကောင်လေးအဖြစ်
အကိုထင်မှာမလိုလား

အမာရွတ်ရာလေးတစ်ခုက
လူတစ်ယောက်ကိုအနေအထားတစ်ခုထိ
ရောက်အောင်ပြုစားနိုင်ခဲ့ပါတယ်လို့
ကျွန်တော်ပြောရင်အကိုယုံမှာလား

ဒီနေ့မနက် အလင်းအာရုဏ်ရဲ့
ရှေ့တော်ပြေးမြူငွေ့တွေ
ကျွန်တော့်အခန်းပြတင်းပေါက်နား
အခစားဝင်ချိန်ထိစိတ်က
တနုံနုံနဲ့ဘယ်လိုမှနေမကျ

အကြိမ်ကြိမ်အဖန်ဖန်ပေါ်လာတဲ့
မြင်ကွင်းကိုဖျောက်ပစ်ဖို့
အကိုနဲ့ညီမျှတဲ့အရာတစ်ခုယူမှဖြစ်တော့မှာ
ကျွန်တော်သိလိုက်ပြီ

ချစ်ရတဲ့သူတွေမိမိကြောင့်ထိခိုက်တာ
ကမ္ဘာပေါ်မှာလက်ခံရအခက်ဆုံး
ဖြစ်လိမ့်မယ်လို့ဘယ်တုန်းကမှမထင်ခဲ့ဘူး

ဆုံးဖြတ်ပြီးခြံထဲဆင်းဖို့လုပ်မိပေမယ့်
ညီမလေးနိုးသွားမှာစိုးတဲ့အသိကြောင့်
ရပ်တန့်သွားခဲ့တဲ့ကျွန်တော့်ကို
အခွင့်အရေးပေးလာတာ
စားပွဲပေါ်ကမီးပူလေး

ပလပ်ပေါက်နဲ့ငါးမိနစ်စာလောက်
ဆက်သွယ်ပေးပြီးတဲ့နောက်တော့
လုံလောက်တဲ့အပူချိန်ရပြီ