Shade In Darkness ( Season 1 )

SID - 11

Unicode Version

ဝမ်ရိပေါ် POV

ကျွန်တော်ကအစွဲအလမ်းသိပ်ကြီးတတ်ပါတယ်

ဘယ်အရာကိုမဆိုကြိုက်မိပြီဆိုရင်
စွန့်လွှတ်ဖို့ခက်ခဲလေ့ရှိတယ်

ပစ္စည်းတစ်ခုကိုသဘောကျရင်လည်း
အမျိုးအစားအများကြီးရတဲ့ထိစုထားတတ်ပြီး
အလေ့အကျင့်တစ်ခုကိုဝါဿနာပါမိရင်လည်း
အဲ့အရာကိုပဲတတွင်တွင်လုပ်နေတတ်တဲ့အထိကို
အစွဲအလမ်းကြီးလွန်းပါတယ်

ကျွန်တော့်အတွက်ခံစားချက်တစ်ခုခု
ပြောင်းလဲဖို့ဆိုတာအချိန်အကြာကြီးလိုပေမယ့်
အကို့အတွက်တော့အချိန်ခဏသာလိုခဲ့တယ်

တကယ်ကိုခဏလေးပါပဲ

အကိုမပြောင်းလဲတာဆိုလို့
ကျွန်တော့်ကိုအမြဲကြွေဆင်းအောင်
လုပ်နိုင်တာတစ်ခုတည်းရှိတယ်

ကမ်းစပ်ကိုလာရိုက်တဲ့ရေလှိုင်းတွေလိုပါပဲ
အကို့အနမ်းတွေကအချိန်ခဏသာသောင်တင်ပြီး
မူလတည်ရှိရာအရပ်ဆီမျက်နှာပြန်မူတယ်

မိနစ်အနည်းငယ်လောက်သာငြိမ်သက်နေခဲ့တဲ့
အကိုကကျေနပ်လောက်တဲ့အချိန်လည်းရောက်ရော
စားပွဲပေါ်ကဆင်းလို့ gas ဖွင့်ကာမီးဖိုပေါ်
ဒယ်အိုးတစ်လုံးတင်ရင်းကျွန်တော့်ဆီ
တမင်တကာကိုအကြည့်မရောက်စေပဲ
အဝတ်အစားပြန်သွားလဲဖို့ပြောတယ်

ခုနကကျွန်တော့်နှုတ်ခမ်းတွေကိုနမ်းခဲ့ပြီး
အဝတ်အစားတွေထိကျူးကျော်ဆွဲချွတ်ပစ်ခဲ့တာ
အကိုမဟုတ်သလိုပါပဲ

ယုတ်စွအဆုံးကုန်ကုန်ပြောရရင်
လည်ပင်းအဖျားပုခုံးသားက
သွေးစစို့နေဆဲလတ်လတ်ဆတ်ဆတ်
ကိုက်ရာကလည်းသူနဲ့မသက်ဆိုင်သလိုပေါ့

ဖုံးကွယ်တဲ့နေရာမှာတော့
ကျွန်တော်ကသိပ်ကိုညံ့တဲ့လူတစ်ယောက်မို့
တုန်ခါမှုတစ်စတစ်လေတောင်မပါစေရပဲ
အကိုဘယ်လိုထိန်းပြောသလဲ
ကျွန်တော်တကယ်မသိပါ

အကို့အတွေးတွေကိုမဖတ်နိုင်ပေမယ့်
ရှုပ်ထွေးနေပုံရတဲ့မျက်နှာလေးကိုငေးကြည့်ရင်း
ကျွန်တော့်ပါးစောင်းတွေ
သေလောက်အောင်နာနေတာကိုသတိပြုမိရတယ်