Shade In Darkness ( Season 1 )

SID - 13

Unicode Version

ဝမ်ရိပေါ် POV

အနီရောင်ဝိုင်တစ်ခွက်လို
ပြင်းရှရီဝေတဲ့ အကိုက
မထင်မှတ်တဲ့လမ်းကနေ
စိမ်းပြပြစမ်းချောင်းလေးလို
အေးစက်ညိမ့်ညောင်းစွာပဲ
ကျွန်တော့်ဘဝထဲဝင်လာခဲ့တယ်

စွတ်တရွတ်ထင်ရာစိုင်းတတ်တဲ့
အဲ့ဒီပုံစံလေးကပဲကျွန်တော့်ရဲ့
နှလုံးသားအတွင်းဖက်အကျဆုံးနေရာထဲထိ
တစ်စထက်တစ်စပိုနင်းချည်းနင်းဝင်ရောက်တယ်

ချိုသာနူးညံ့တဲ့စကားလုံးတွေမဆိုတတ်လည်း
အရေးမကြီးဘူး အကို

ကျွန်တော့်အတွက်တော့
အကိုရဲ့ အပြူအမူတစ်ခုက
စကားလုံးတွေထက်အသံပိုကျယ်ပါတယ်

ပူထူနေတဲ့စိတ်တွေနဲ့ထိုင်လက်စ
စားပွဲမှာပဲတစ်ညလုံးငုပ်တုပ်
ခြေမကိုင်မိလက်မကိုင်မိစောင့်နေခဲ့ရပေမယ့်
ငြိုငြင်စိတ်လေးတစ်စက်မှထွက်မလာခဲ့တာ
အကိုကပဲညို့ငင်အားကြီးလို့လား ဒါမှမဟုတ်
ကျွန်တော်ကပဲသည်းခံအားကောင်းလွန်းလို့လား

မှိန်ပျပျမီးရောင်ရဲ့တဖျတ်ဖျတ်
သက်ဆင်းမှုတွေကြားရောက်တတ်ရာရာ
နံပါတ်စဥ်များရေရွတ်ရင်းနဲ့သာ
နာရီတွေက တရွေ့ရွေ့ကုန်ဆုံးလာတယ်

လက်နှစ်ဖက်ကိုမေးစေ့နားထိကာ
ပူးကပ်ဆုပ်ကိုင်လို့အကြောင်းမရှိအကြောင်းရှာ
လက်သည်းသားတွေကိုသွားနဲ့ထပ်ခါထပ်ခါ
ဖိကိုက်ချနေမိတဲ့ကျွန်တော့်ပုံက
လူတကာအမြင်မှာအာရုံစိုက်စရာ
ဖြစ်နေမယ်မှန်းသိပေမယ့်ဝုန်းဒိုင်းကျဲနေတဲ့
ကျွန်တော့်စိတ်ကိုထိန်းဖို့ဒီနည်းက
အမြန်ဆုံးပဲမို့ပတ်ဝန်းကျင်ကိုလည်းဂရုမစိုက်နိုင်

အရေးကြီးတာကျွန်တော်မသိလိုက်နိုင်ခင်
အကိုထွက်မသွားဖို့ပဲ

ရှေ့ရက်တွေကမုန်းလောက်အောင်
အိပ်ခဲ့ရလို့ထင်တယ်

မျက်ဝန်းတွေကသစ္စာရှိစွာပဲ
တစ်ချက်မှစင်းကျမလာခဲ့

ဖုန်းကနာရီကိုကြည့်မိတော့
မနက်လေးနာရီငါးဆယ်

တကယ့်ကိုအကြာကြီးစောင့်ခဲ့ရတဲ့
အချိန်ပေမယ့်စားပွဲထိုးလေး
လာမပြောသေးသရွေ့
ကျွန်တော်တစ်ချက်မှမလှုပ်ပါ