Shade In Darkness ( Season 1 )

SID - 21 💋

Unicode Version

ဝမ်ရိပေါ် POV

^ ဒီနေ့ဟာနောက်ဆုံးတွေ့ဆုံခြင်းသာဖြစ်ခဲ့ရင်
ငါမင်းကိုပွေ့ဖက်ရင်းပဲပွေ့ဖက်ထားမိမှာ ^

ရေချိုးသန့်စင်နေတုန်းအကြောင်းအရင်းမရှိ
ခေါင်းထဲဝင်လာခဲ့တဲ့စကားစု

စာအုပ်တစ်အုပ်ထဲကစကား ဒါမှမဟုတ်
ဇာတ်ကားတစ်ကားထဲက dialogue ကိုပဲ
စိတ်စွဲနေမိတာလားဘာလားမသဲကွဲ

ထနေကျအချိန်ထက်စောနေတာသိပေမယ့်
ဆက်မှေးနေလည်းမထူးတာမို့
လှုံဆော်နေတဲ့စိတ်အလိုရ
ကျောင်းသွားဖို့သာပြင်နေလိုက်တယ်

စားပွဲပေါ်ကဖုန်းကိုယူကြည့်မိတော့
အချစ်ရဲ့ဖုန်းခေါ်ဆိုမှုကိုမတွေ့ရသလို
စာတိုဆက်သွယ်မှုသည်လည်းမရှိ

အကိုဘာတွေလုပ်နေမလဲ

ပြတင်းပေါက်ကနေ
ဘယ်နှကြိမ်မြောက်မှန်းမသိလောက်အောင်
ထပ်ငေးကြည့်မိတော့အိမ်ဖြူလေးက
ဆိတ်ဆိတ်ငြိမ်ငြိမ်

မေတ္တာတရားကိုတိုးတိုးလေးရေရွတ်ရင်း
မြတ်နိုးမှုတွေသာတစ်စထက်တစ်ပိုး
ပိုတိုးနင့်လာရတယ် အကို

ဒီတိုင်းသာဆိုဝေးနေတုန်း
ဘဝကပင်အကောင်းသားလို

မျက်တစ်လှမ်းလက်တစ်ကမ်းစာ
အနေအထားသာရှိရင်
အကို့ကိုပိုင်ဆိုင်ချင်တဲ့စိတ်က
အရူးတစ်ယောက်လိုမို့
ဝေးဝေးကငေးကြည့်ပြီးမြတ်နိုးခဲ့ရတဲ့
အချိန်တွေကိုလွမ်းကောင်းလွမ်းမိပါရဲ့

တချို့အရာတွေကငေးကြည့်ဖို့သာကံပါလာပြီး
ပိုင်ဆိုင်ဖို့မဖြစ်နိုင်ဘူးဆိုတာ
ကျွန်တော်ကောင်းကောင်းနားလည်တတ်ပါတယ်

ခါတိုင်းထက်အကို့ကိုပိုလွမ်းနေပြီး
စိတ်ကလည်းမလန်းတာမို့
ဒီနေ့အပေါ်ဝတ် Hoddies ကို
အရောင်လင်းတာလေးရွေးဝတ်လိုက်တယ်

ဝေလီဝေလင်းအချိန်ရောက်လုမှ
တမှေးအိပ်ပျော်ထားခဲ့တာမို့
မျက်အိမ်အောက်ဖက်နားကို
ခရင်မ်အနည်းငယ်တို့ထိပေးရင်း
သက်ပြင်းဖွဖွချမိတယ်

စိတ်တွေဘာရယ်ကြောင့်လေးနေမိမှန်းမသိ

ပုံမှန်နေ့တွေလိုမျိုးမနက်စာစားပြီး
ကျောင်းအတူသွားဖို့အကို့ကို
ဝင်ခေါ်မယ်လို့အစီအစဥ်ဆွဲရင်း
ကိုယ့်စိတ်ကိုယ်ပြန်လျော့ချရတယ်