Shade In Darkness ( Season 1 )

SID - 12

Unicode Version

ဝမ်ရိပေါ် POV

လူတွေရဲ့စိတ်သဘောက ခက်ခဲတဲ့အရာကိုမှ
ပိုတပ်မက်ပြီးပိုပိုင်ဆိုင်ချင်ကြတယ်တဲ့

ကျွန်တော့်အတွက်တော့
အကိုက မလွယ်ကူတဲ့ကြိုးစားမှုတစ်ခုဆိုတာ
မှန်ပေမယ့်အကိုနဲ့နီးစပ်ချင်တာ
အရူးထရုံသက်သက်မဟုတ်ခဲ့ဘူး

အကို့ကိုချစ်နေရစဥ်အတွင်းရခဲ့တဲ့
ပျော်ရွှင်မှုတွေ နာကျင်မှုတွေနဲ့
မျက်ရည်တွေကလည်း
ကျွန်တော်လိုချင်တဲ့အနေအထားအတွက်
ပုံအောစိုက်ထားတဲ့
အရင်းအနှီးတစ်ခုမဟုတ်ခဲ့ဘူး အကို

ကျွန်တော့်ရဲ့အရာရာတိုင်းကို
ရှောင်ရှောင်းကျန့် ဆိုတဲ့နာမည်တစ်ခုတည်းသာ
လွှမ်းခြုံပြီးဘဝမှာနောက်ဆုံး
လက်ဗလာပဲကျန်ရစ်ခဲ့တောင်
နှုတ်ခမ်းစပ်မှာအပြုံးတစ်ခုမရမကတပ်ဆင်ရင်း
အကိုပေးခဲ့တဲ့လက်ဆောင်လို့မှတ်ယူမယ့်သူပါ

မဖြစ်နိုင်တဲ့အနေအထားနဲ့မှ
ချစ်မိရလေခြင်းလို့လည်းကျွန်တော်ဝမ်းမနည်းဘူး

အကိုနဲ့တွေ့ပြီးကတည်းက
နောင်တ ဆိုတာဂျိုနဲ့လားလို့ပြန်မေးယူရအောင်
ဒီကောင်ကအသေကြွေခဲ့တာမို့

တကယ်တော့
Lesbian , Gay , Bisexual ဆိုတာတွေက
ကမ္ဘာပေါ်ကလူတွေသတ်မှတ်ထားတဲ့
ကန့်သတ်ချက်သာသာရယ်ပါ

Sex တစ်ခုတည်းကြည့်
အမြတ်ထုတ်ဖို့ကြိုးစားနေတဲ့
အသိုင်းအဝိုင်းကိုခဏဖယ်ထားပြီး
စဥ်းစားကြည့်ရင်ဒီအဖြစ်အပျက်အတွက်
ကျွန်တော်ခံယူထားတာက
လူသားနှစ်ယောက်ချစ်မိရုံသက်သက်လို့လေ

တချို့လူတွေမှာ ငါဘယ်သူ့ကိုပဲချစ်မယ်
ဘယ်လိုလူကိုတော့မချစ်ဘူးလို့
စံသတ်မှတ်နှုန်းတွေကိုယ်စီချထားတာရှိပေမယ့်
တကယ့်တကယ်လည်းချစ်မိကြပြီဟေ့ဆိုရင်
ခုနကစံနှုန်းတွေလိုက်ကြည့်ဖို့ဝေးလို့
ကိုယ့်ကိုယ်တိုင်ကိုတောင်မှအဲ့ဒီလူအတွက်
ပြောင်းလဲပေးတတ်ကြတာမျိုးမဟုတ်လား

အချစ်ကသိပ်နူးညံ့သလို
သိပ်လည်းကြောက်ဖို့ကောင်းတယ် အကို

အကိုဘယ်သူ့ကိုချစ်လဲဆိုတာ
ခုချိန်မှာမသိနိုင်သေးပေမယ့်
တကယ်လို့များကျွန်တော်မဟုတ်ခဲ့ရင်ဆိုတဲ့
အတွေးနဲ့သေလောက်အောင်
ထိတ်လန့်မိတာလည်းအချစ်ပါပဲအကို