Shade In Darkness ( Season 1 )

SID - 20

Unicode Version

ဝမ်ရိပေါ် POV

တီးတောင် တီးတောင် 🛎

ဆိုဖာပေါ်ခေါင်းနောက်လှန်ထိုင်ချရင်း
လူကအိပ်ပျော်လုဆဲဆဲမှာကြားလိုက်ရတဲ့
ဘဲလ်တီးသံကြောင့်လန့်နိုးကာ
ငိုက်ကျနေတဲ့မျက်ဝန်းတွေကိုလက်နှစ်ဖက်နဲ့
အကြမ်းပတမ်းပွတ်တိုက်လိုက်မိတယ်

တီးတောင် တီးတောင် 🛎

ကျန့်ကော ထင်ပါရဲ့

စောင့်နေရင်းလူကအိပ်တောင်ပျော်တော့မလို့

ဘယ်အချိန်တွေဖြစ်ကုန်ပြီလဲမသိ

ဆိုဖာပေါ်ကကျုံးရုံးထရင်း
နံရံပေါ်ကနာရီလေးဆီငေးကြည့်မိတော့
ညနေခြောက်နာရီ

ဘာလို့ဒီလောက်ကြာနေရတာလဲ

အိပ်မပျော်ခင်အချိန်ထိ
တွေးခဲ့ရတဲ့ပုစ္ဆာတွေအတွက်
ဖြေရှင်းချက်တောင်းကိုတောင်းရမယ်

အိပ်ချင်မူးတူးတွေးရင်း
မောင်းတင်နေမိပေမယ့်စိတ်က
အကိုကြာကြာစောင့်နေရမှာစိုးတာမို့
အိမ်အပြင်အပြေးတစ်ပိုင်းထွက်ရင်း
ခြံတံခါးအမြန်သွားဖွင့်ပေးရတယ်

စီးချင်းရဲ့တစ်ဖက်မှာအကိုသာရှိနေပါစေ
ခုလိုပဲဒီလူဟာပွဲစကတည်းကရှုံးရပြန်ပါတယ်

တံခါးဘီးကိုဘေးဖက်တွန်းဖွင့်လိုက်ရင်း
တိုးတိုးလေးငြီးမိတဲ့အကိုဆိုတဲ့ဝေါဟာရ
တိန်ဝင်သွားရတာအပြင်ဖက်မှာရပ်နေတဲ့
မိန်းကလေးတစ်ယောက်ကြောင့်

" Hi .. အစ်ကိုရုနို "

သွက်သွက်လက်လက်နဲ့ ပြုံးပြနေတဲ့
ပုံရိပ်အနောက်မှာအိမ်ရှေ့ထိုးရပ်ထားတဲ့
ပြိုင်ကားအနီလေးတစ်စီးရှိနေပြန်တယ်

မှန်ချထားတဲ့ပြတင်းပေါက်မို့
လှမ်းကြည့်မိတော့မောင်းသူနေရာကနေ
လက်လှမ်းပြနေတဲ့လူတစ်ယောက်

ကျင်းဇီရွှမ်း !

ဆံနွယ်စတွေကိုနားရွက်နောက်
အသာအယာထိုးထည့်ရင်း
နှုတ်ဆက်စကားဆိုလာတဲ့
TU ကျောင်းယူနီဖောင်းနဲ့မိန်းကလေး

စိမ်းမနေတဲ့မျက်နှာပေမယ့်
နာမည်တော့ရုတ်တရက်မို့စဥ်းစားမရ