Shade In Darkness ( Season 1 )

SID - 5

Unicode Version

ဝမ်ရိပေါ် POV

ပထမဆုံးကျောင်းပိတ်ရက်ရဲ့
မနက်ခင်းမှာပဲအပြေးလေ့ကျင့်ဖို့
ဆုံးဖြတ်ထားခဲ့တဲ့အတိုင်း
ကျွန်တော်မနက်ငါးနာရီကိုနှိုးစက်ပေးတယ်

ခြောက်နာရီဆိုရင်ကျောင်းစာကြည့်တိုက်မှာ
Volunteer လုပ်ချိန်စပြီမို့
တစ်နာရီစာလောက်တော့
ကောင်းကောင်းအချိန်ရတယ်

အနာမကျက်သေးတဲ့​ခြေသလုံးရဲ့
ဒဏ်ရာကဆက်မှေးနေဖို့လှုံဆော်ပေမယ့်
ကျွန်တော်ခြေလှမ်းနှေးတတ်တာကို
ပြင်မှဖြစ်မှာမို့အိပ်ချင်းမူးတူးနဲ့
အလူးအလဲကောက်ထတယ်

ပြောသားပဲ

အကိုနဲ့တွေ့ပြီးကတည်းက
ကျွန်တော့်စိတ် ကျွန်တော့်ကိုယ်
ဘာကိုမှကျွန်တော်မပိုင်တော့ပါဘူးဆို

ကိုယ်တိုင်ကမလုပ်ချင်ရင်တောင်
အကိုနဲ့နီးစပ်ဖို့လို့တွေးလိုက်တာနဲ့
ကိုယ်လက်သန့်ရှင်းရေးလုပ်ပြီး
ခေါင်းစွပ်အက်ျီတစ်ထည်ကောက်စွပ်ကာ
ဆယ်မိနစ်အတွင်းအိမ်ရှေ့အရောက်

အကို့အတွက်ဆိုဆယ့်ငါးနှစ်စာ
အလေ့အကျင့်တွေလည်း
တစ်ရက်တည်းနဲ့ပြောင်းသင့်ရင်ပြောင်းရမယ်

ဒီလိုပဲ
အချစ်ဆိုတာအဖြေရှာရခက်ပါတယ်

ခုလည်းအ​ပြေးလေ့ကျင့်မယ်ဆိုပြီး
ထွက်လာတဲ့ကျွန်တော့်​​ခြေထောက်တွေက
အကျင့်ပါနေတာလား
ခြေဦးပဲတည့်တာလားမသိတော့

သိလည်းမသိချင်

ရှေ့နည်းနည်းဆိုအကို့အိမ်ရောက်ပြီ

မနက်အစောကြီးမို့
အကိုအိပ်ယာထဲကွေးနေဦးမှာသိပေမယ့်
အချစ်ရှိနေတဲ့နေရာလေးကို
ဖြတ်လျှောက်ရမှာ​ကြောင့်
ကျွန်တော့်ရင်ကတော့ခုန်မြဲခုန်ဆဲ

ကိုယ့်ကိုယ်ကိုလူကြီးဆန်အောင်
နေထိုင်တတ်ဖို့တောက်လျှောက်ကြိုးစားပေမယ့်
ဆယ်ကျော်သက်ဟာဆယ်ကျော်သက်ပါပဲ

အကိုနဲ့တွေ့ရင်နှလုံးသားကဖုံးကွယ်မရသလို
ကျွန်တော့်မျက်ဝန်းတွေကလည်းမညာနိုင်ဘူး

အကိုရှိရာဆီအပြုအမူသေးသေးလေးတွေကအစ
ပတ်ဝန်းကျင်ကိုပါမေ့အောင်
လည်ပြန်ငေးကြည့်မိတော့တာပဲ