Shade In Darkness ( Season 1 )

SID - 9

Unicode Version

ဝမ်ရိပေါ် POV

လေအဟုန်လိုမြန်တဲ့စိတ်အပိုင်းအစလေးက
အဖြစ်အပျက်တွေကိုအကြီးအကျယ်
ပြောင်းလဲစေခဲ့မယ်မှန်းဘယ်သူသိမှာလဲ

အဲ့ဒီနေ့ကအကို့ဆီသွားမိတာမှန်လား မှားလား
ကျွန်တော်မသိပေမယ့်မှင်သက်အောင်
ကံကောင်းစေခဲ့တာတော့အသေချာပဲ

အကို့ကိုထားခဲ့ဖို့အကြောင်းပြချက်တွေ
ထောင်ချီရှိနေပါစေ
အကို့နားမှာနေဖို့ဆိုကျွန်တော့်အတွက်
အကြောင်းပြချက်တစ်ခုပဲလိုအပ်တယ်

မြင်လိုက်တိုင်းသတိလက်လွတ်ငေးမိအောင်ထိ
ဆွဲဆောင်မှုပိုတဲ့အစ်ကိုရဲ့နီထွေးနေတဲ့
နှုတ်ခမ်းလေးအောက်ကမဲ့နက်လေးကိုချစ်တယ်

အကိုနဲ့နီးကပ်ခွင့်ရခဲ့တဲ့
အခိုက်အတန့်လေးတွေကိုလည်းချစ်တယ်

တကယ်တော့အကိုသာဖြစ်နေပါစေ
အရာအားလုံးကချစ်စရာအတိ

ကိုက်ခဲနေတဲ့ဦးခေါင်းဖက်ခံစားမှုကြီးက
နိုးလာလာချင်းမှာကျွန်တော်ရောက်နေတာ
ဘယ်နေရာလဲဆိုတာမတွေးနိုင်လောက်အောင်ကို
ပြင်းပြင်းထန်ထန်ဆိုးရွားတယ်

ပတ်တီးမစည်းထားသလို သွေးတွေလည်းမရှိတာမို့
ခေါင်းမပေါက်သွားတာတော့သေချာလို့တော်သေး

အိပ်ယာခင်းစအနီရောင်ကိုတင်းတင်းဆုပ်ကိုင်ရင်း
လက်ရှိအခြေအနေကိုသိဖို့ကြိုးစားပေမယ့်
မယုံနိုင်လောက်အောင်ပဲကျွန်တော့်မှာ
အားနည်းနည်းပိစိလေးတောင်မရှိ

နောက်ဆုံးမြင်ခဲ့တာအကိုကျွန်တော့်ဆီ
​ပြေးလာနေတာဆိုတော့ မဟုတ်မှလွဲ
ဒါအကို့အိမ်ထဲမှာပဲလား

အိပ်ယာပေါ်ကိုရောဘယ်လိုရောက်လာခဲ့တာလဲ

အကို့အိမ်မှာအကိုကလွဲပြီး
တခြားလူတွေမမြင်ဖူးဘူးဆိုတော့
ကျွန်တော်ဒီရောက်နေတာ
အကိုခေါ်လာတာကလွဲလို့ တခြားအ​ဖြေမရှိနိုင်

ရင်ခွင်ကျယ်ကျယ်ထဲကျွန်တော့်ကိုထည့်လို့
အိပ်ခန်းထဲအရောက်ပွေ့ချီလာခဲ့မယ့်
အကို့ပုံရိပ်ကကျွန်တော်မမြင်ရတောင်
တွေးကြည့်ရုံနဲ့တင် တခမ်းတနားလှတယ်