Shade In Darkness ( Season 1 )

SID - 2

Unicode Version

ဝမ်ရိပေါ် POV

ဒီနေ့တော့ခါတိုင်းရက်တွေထက်စောပြီး
ကျွန်တော်အိမ်ကထွက်လာမိတယ်

ညကလည်းတစ်ညလုံးအိပ်မရတဲ့အပြင်
စိတ်တွေကအကို့ဆီပဲရောက်နေတာ
ကျွန်တော်ဘယ်လိုမှတားမရ

စာလုပ်ချိန်ကလွဲလို့ကျန်တဲ့အချိန်အားလုံးကို
အကို့ဆီမှာပဲပျော်ဝင်နေဖို့ ..

လူတစ်ယောက်ကိုအကြာကြီး
ခေါင်းစောင်းသွားတဲ့အထိကြည့်တတ်ဖို့ ..

ခြေလှမ်းကျဲတွေကိုအမီလိုက်လျှောက်တတ်ဖို့ ..

( အကိုကြိုက်တဲ့ )ချဥ်ငန်စပ်အစားစာတွေ
လိုက်စားတတ်ဖို့ ..

အားလုံးကိုအကိုပဲသင်ပေးခဲ့တာ

အကိုဝါဿနာပါတယ်ဆိုတာနဲ့
ကျွန်တော်ကြိုက်လှပါချည်ရဲ့ဆိုတဲ့
ဘတ်စကတ်ဘောလေ့ကျင့်တာကိုစွန့်လွှတ်ပြီး
တစ်ခါမှတွေးမကြည့်ဖူးတဲ့ပန်းချီသင်တန်းချိန်ကို
အပြေးလိုက်တက်တတ်တာကရော
အကိုကသင်ပေးတာလား
အချစ်ကသင်ပေးတာလား

တကယ်တော့တွေးမိလို့သာတွေးကြည့်ရုံ

ကျွန်တော့်အတွက်တော့
အချစ်ဆိုတာအကိုပဲမို့
အဖြေကထွေထွေထူးထူးမလိုအပ်ပါဘူး

မနေ့ကတော့တန်ဖိုးထားရတဲ့အရာတစ်ခု
ထိခိုက်သွားတဲ့ခံစားချက်ကဒီလိုပါလားဆိုတာ
အကိုကကျွန်တော့်ကိုထပ်သင်ပေးတယ်

ရီစရာလို့သတ်မှတ်ရင်လည်းရပေမယ့်
ကျွန်တော်ကတော့အကို့ကို
လမ်းသွားရင်ဆိုင်ကယ်ကြည့်ရှောင်တတ်ဖို့ပဲ
သင်ပေးမိခဲ့တာများလား

အကို့ကိုငေးကြည့်ရရုံနဲ့ကျေနပ်ပြီး
စာသင်နှစ်တစ်ပိုင်းကျော်တဲ့အထိ
တစ်ခါမှစကားမပြောဖူးတဲ့ကျွန်တော်က
ပြောလည်းပြောရရောပထမဆုံးစကားက
ဘယ်နားထိသွားသေးလဲ တဲ့လား

တုံးလိုက်တာနော်

မနေ့ကတည်းကအကို့ဒဏ်ရာအတွက်
စိတ်ပူနေခဲ့တဲ့ကျွန်တော်က
အိမ်ကထွက်လာတဲ့တောက်လျှောက်
ခြေလှမ်းတွေတက်ကြွနေသလောက်
အကို့အိမ်ရှေ့လမ်းလည်းရောက်ရော
ကျွန်တော့်ခြေထောက်တွက
ကျွန်တော့်ကိုသစ္စာဖောက်လာတယ်