Shade In Darkness ( Season 1 )

SID - 8

Unicode Version

ဝမ်ရိပေါ် POV

လွမ်းစရာရှိရင် နာစရာနဲ့ဖြေရသတဲ့အကို

ကျွန်တော့်အတွက်တော့အကိုပေးသမျှအရာတိုင်း
အကို့ဆီကဖြစ်တည်လာသရွေ့
ပျော်ရတာပဲမို့ဘယ်ဟာနဲ့ဖြေရပါမလဲအကို

ယောင်တောင်ပေါင်တောင်နဲ့ပြန်လိုက်ကပ်ထားတဲ့
နံရံပေါ်ကဓာတ်ပုံအပိုင်းအစတွေနဲ့လား

အကို့အတွက်ရည်စူးထားတဲ့လက်ရာမသေမသပ်
တစ်ပိုင်းတစ်စပန်းချီကားလေးနဲ့လား

မလျှော်ရသေးတဲ့အကို့ရဲ့ထိတွေ့မှု
အမှတ်စဥ်တစ် နှစ်နဲ့လား

ဒါမှမဟုတ် ဆင်တူရှိနေတဲ့ကျွန်တော့်
ခြေသလုံးကအမာရွတ်လေးနဲ့လား

နာရီပေါင်းများစွာကြာအောင်
တရှိုက်မက်မက်ငိုကြွေးခဲ့ရတဲ့အခန်းထဲ
ဘယ်နေရာကိုကြည့်ကြည့်
အကိုအငွေ့အသက်တွေနဲ့ပြည့်လို့ပါပဲ

ရှူသွင်းတဲ့လေကအစ
ဆန့်တန်းလိုက်တဲ့မျက်တောင်အဆုံး
နေရာတိုင်းမှာအကိုရှိတယ်

ချစ်မိတော့လည်းအရှုံးပေးရသတဲ့လေ
ဘယ်စာဆိုထွင်ခဲ့ပါလိမ့်

ဆိုးလိုက်တာမှ

ပိတ်ရက်ပြီးတာတောင်ဘယ်မှမထွက်ချင်တာမို့
စာကြည့်တိုက်ကိုလည်းခွင့်ယူပြီး
အခန်းအောင်းနေခဲ့တာသုံးရက်

အနားမှာချထားတဲ့ဖုန်းလေးကိုကြည့်ပြီး
အကို့ဆီဆက်ချင်တာရူးမတတ်

ဘာလို့ကျွန်တော့်ရှေ့မှာဒီလိုလုပ်ရက်တာလဲ

ဘာကြောင့်လဲ

စိတ်ရှိသလိုအော်ဟစ်မေးချင်ပေမယ့်
အသံကထွက်မလာ

အခန်းပြတင်းပေါက်နားပျံသွားတဲ့
ဌက်လေးကလှမ်းပျက်ရယ်ပြုတယ်

တရားခံကအကိုသာဖြစ်ပါစေ
သေလုမျောပါးနာကျင်စေရင်တောင်မှ
အကြောင်းပြချက်တစ်ခု မလိုအပ်အောင်
မင်းချစ်မိနေခဲ့တာကြာလှပေါ့ တဲ့

ဒါလည်းကျွန်တော်မငြင်းနိုင်ခဲ့ဘူး

အိပ်ယာမှလူးလဲထလိုက်ပြီး
ဗီရိုထဲကခေါင်းစွပ်အက်ျီအနီကို
ထုတ်ယူဝတ်ဆင်ရင်းအားဖျော့နေတဲ့
မျက်နှာကိုကြည့်ကောင်းလာစေဖို့
ပြင်ဆင်မှုအနည်းငယ်ကိုစတင်လိုက်တယ်