💓الحب الاعمي💓

11

{الحب الأعمي}

الحلقه 11

وصبا يوسف يتمشا هو وعمتا
احلام: احكي
يوسف: شن تبيني نحكيلك وانتي عارفا كل شي
احلام: نبي نسمع منك عارفا ان باتي زر عليك لان لو مازرش عليك كنت ماوفقتش انت
بس نبي نعرف من البنت الي فتحت قلب يوسف من جديد لدرجة اخترتها انت بنفسك ومابيتش اتخلي امك تختارها لكي

يوسف: كان يتمشا هو وعمتا وحاط يدا ع كتوفها ويبرمو في جنان الفيلا الي كان كبيير بكل واااسع ومن جنب فيه اجنينا وورود وشجر وفي نص كانت فيه نافوره

يوسف: فتحتش قلبي مازال قلبي مسكر ع بنت وحده
احلام: بصدمه. باهي ليش اخترتها بعد انك تحبهش
يوسف: لانها فتحت اعيوني بس واول مره من بعد أميره تعجبني بنت و تلفت نظري بنت عجبني جمالها وبراءه الي في عيونها في شي في عيونها عجبني بس حب مازال وماعتقدش اني حنحب

احلام: امممم يعني هيا سمحا
يوسف: من ناحيه سمحا فا هيا جميله مش سمحا
وبس
احلام: ابتسمت  . خلاص دبينا عجبك جمالها معناها مع الايام حتحبها صدقني
يوسف: سكت . لان كان حاط في بالا يطلق بعد شهر . وفكره هذي مش عارفها حد الا خوتا بس 

احلام: وقفت وبحتت في وجه يوسف و في سكوتا الي كانت تعرفا وحافظا حركاتا وكل شي لانها قريبا منا وتعتبر فيه أخ وصديق  لها مش ولد خو

احلام: يوسف انت شن داس وفي شن اتفكر
يوسف: بحت في عمتا وابتسم. اوووو ياخطيره انتي ماتحطيش في بالك مانفكر في شي

احلام: حط عينك في عيني
يوسف: ها .وبحت في عيون عمتا
احلام: كذاب والله سكوتك وحركات هذينا مايطمننش
يوسف: ههههه
احلام: شوف يايوسف مهما  كان الي اتفكر فيه وانا مش عرفتا بنقولك كلام توا حطا في بالك لان انا عرفتك بعد تقعد بينك بين نفسك تحسب فيها في عقلك 

يوسف: باهي ممكن انقعمزو اصلي انشليت وانا مصبي
احلام: تعال انقعمزو ع نافوره
يوسف: فكيني من هرجت لميا تعالي ع كرسي هذا
وعدو قعمزو يوسف واحلام ع كرسي بالرخام مصنوع وثابت في وطا مايتحركش

يوسف: احكي وعبري عن مشاعرك وطلعي الي في دخلك كلا
احلام: مسمطك نبيش نحكي ع روحي بنحكيلك انت انا
يوسف: باهي تفضلي انا نسمع
احلام: بحت طول عمري نحكيلك ع اميره وتذكر لما تعركت امعيا ع شأنها وتبعدت عليا وكنت تحسبني عدو لك
وبعدها بأسبوعين من عركتي انا وياك انت واميره تعاركتو ودامت عركتكم شهر وكانت اول مره لكي انت واميره اطولو وانتم متعاركين ومن بعد العركه هذكي انت سافرت لان عندك رحله وبعد روحت انصدمت ان اميره انخطبت وعطو فيها كلمه وانظني تذكر اليوم الي انت درتا في الفيلا وشن صار

يوسف: باهي انا عارفا هذا كلا اتذكري فيا بيه عليش
احلام: اسكت واسمعني شن انقول وماتقطعش كلامي انت عارف نحبش الحركه هذي وبعد انكمل احكي حضرتك
يوسف: باهي ماتضربينيش بس هههه
احلام: مفروض تنضرب اصلا ع حركات الي ادير فيهن
يوسف: باهي كملي خلاص
احلام: ايوا قتلك اذكرت اليوم هذكي وشن درت وكيف كلهم عرفو بعلاقتك مع اميره وعرفها باتي وعيال جمال خويا والعيالا كلها عرفت بيك وبقصتك  انت واميره
شن صار وقتها بعد العركه هذي كلها شفت اميره جاتك وحكتلك شفتها دارت اي ردة فعل ع شانك
مافيش شي دراتا صاح 
طول عمري يايوسف معاك في كل شي وديما مصبيا معاك وانت بروحك عارف الشي هذا ماعدا في علاقتك انت واميره انت بروحك قتلي ياعمتي كنك ضدي وتبينيش نرتبط بأميره
وكنت مش راضيا ع علاقتكم ولا عجبتني وقلتها لكي وانت خذيتها بجو زعل لان وجعاتك في أميره لانك اتحبها
لان يايوسف كنت رافضا لاني عارفا أميره شنو عرفتها مش لكي وماتصلحلكش مع ان انا نبقا خالة اميره والمفروض انصبي مع اميره مش معاك انت
بس انا الي انشوف فيه ان اميره مش قد حبك الي انت عطيه لها لان عارفا بنت اختي شنو
وديما كنت ضدك  وسكتت نبيك تعرف حقيقتها بروحك بس انت كنت اتحبها  #حب أعمي
حبك لاميره عما قلبك وعيونك عليها خلاك ماتشوفش عيوبها شنو تعرفش اذا كانت اتحبك كيف ما انت اتحبها او لا
كنت يايوسف ومازالت منعمي ع اميره