{ الحب الأعمي }
الحلقه 64
فيصل: الوو
يوسف: بدون مقدمات شن صار
فيصل: يوسف حياه
يوسف: حياه شنو احكي
فيصل: تي اهدأ بس خليني انكمل كلامي يا ص....
يوسف: باهي ها راه علي اعصابي قاعد
فيصل: الحمد الله طلع الي فيها كيس دهني
يوسف: اوووووف الحمد الله الحمد الله
فيصل: عارف النتيجه قدامي . اول ماقريتها كلمتك طول
يوسف: يبشرك بشهاده طمنت قلبي الله يطمن قلبك
فيصل: اخره مايحتجج لا عمليه لاشي تذكر هذا نفس كيس الي صار لباتي في رقبتا
وذكرت جدتي شن درتلا مع اني مش معترف بيهن بس علاج نفع امعاه
يوسف: اوكي انديرلها طب عرب قصدك
فيصل: اها جيبلها اكليل وزبيب واطبخا في اميا خوذ الطريقه من جدتي انا مش مذكر كويس بس الي نذكرا تعندت انا وياها عليه
يوسف: تم معناها خلاص خليني انعدي . حسني فرحان يارا من امس وانا طول الليل انفكر فيه الموضوع هذا
فيصل: بس مفروض فيها اشوايات ع خبر هذا
يوسف: تي احلا شوايات تفهمهن مني
فيصل: ههههه خلاص تم يامدير. هيا اوكي
يوسف: اوكي
وسكر يوسف من فيصل وعزق للموبايل ع سرير
وطلع للصاله لقاني في مطبخ انوتي في فطور
يوسف: حيووو
انا: التفتت ع يوسف.كان مبتسم اول مره انشوفا هكي .نعم
يوسف: جاني يجري .وحضني بالقوه
انا: استغربت . كنك ياروحي
يوسف: الحمد الله ياروحي واخيراً هذا وين ردت فيا الروح
انا: كنك باهي اطلقني وفهمني
يوسف: بحت فيا وباسني علي......
ومسك يدي وقعد يبوس فيها من جوا
انحبك وربي انحبك
انا: يووسف. كنك فهمني شن في
يوسف: تعالي نفطرو ونقولك كني
~~~~~~~~~~~~~~~~~~
نزل معتصم ونزار لوطا لجنان
وقعد معتصم يبحت يمين ويسار بالكي يلقا رحاب برا لانها ديما تمشا في جنان بس خاب ظنا لان ماشافهش
نزار: مربوعا الي برا مفتوحا زعمك من فيها
معتصم: وين نندري علي امها ماني كنت معاك
نزار: بحت في معتصم. وكنك تحكي هكي يا ....
معتصم: شي يارا غما راه عندي
نزار: باهي قعمز تو نشوف من ونجيك
وعدا نزار شور المربوعا وقعمز معتصم ع كراسي امتاعات الحوض وطلع دخان وقعد يدخن وهو رقايلا
قاعد يفكر يفكر وخطرت في بالا حاجه
فتح موبايلا وحل ع فايبر ودز مسج للرحاب
~~~~~~~~~~~~~~~~~~~
رحمه: حي عليا علمت حقي كيف قعدت
رحاب: زرتها ضحكا . خلاص حطيتي عليها تلج تو ادير غير توا من قوة الخبطا بس
رحمه: اووووف. مبردا هالبارد هذا عليش يبحت ربكني معش عرفت شن اندير
رحاب: بس ننقنا سمح ماعندك ماتقولي فيه
رحمه: منين جاتا سماحا
رحاب: تو هذا مش سمح الي في مستشفي جا ماسدك غير طولا وطريقة شعرا
طويل حلو خايل عليه وفيه شيب من قدام واسمر تو هذا شين
رحمه: شايب هذا ماتقوليش عليه شاب
رحاب: والله سمح وشخصيتا سمحا
رحمه: كيف انعجبتي بيه ياحنه
رحاب: لا ياحنه انا نحكيلك انتي . عصومتي مالي عويناتي . اصلا عصومي احلا منا بوواااجد ماسادك غير لحيتا وعويناتا عصومي الي اتقول امكحلات
رحمه: ياعيني . وتقولي فيها ليا عليش ان شاء الله شن قالولك عليا
رحاب: يعني شوفيه حلو وشكلا كويس
رحمه: رحاااب الي اتفكري فيه طلعيه من راسك انا قلبي سكرتا خلاص ومن بعد مهلهل معش نبي حد
رحاب: والنبي مافكيتينا منا ماسادك غير اسما الزير سالم هذا والله افتكيتي منا
رحمه: باهي خلاص سكري ع موضوع ممكن
وصبت رحمه وهيا رقايلها خشت للحمام
