{ الحب الأعمي }
الحلقه 38
معتصم: يابطه
رحاب: التفت كنك ليا ساعه نرجا بالي سكرت
ومعش اتقولي بطه
معتصم: ههههههه باهي قتلك
رحاب: شنو
معتصم:يابطه
رحاب: 😒 بتبدأ في حناطا
معتصم: لا والله جد اتحبي شكلاطه صاح شوفي
رحاب: 😳😍 شن هذي كلها
معتصم: جبتلك محل هههههه
رحاب: ههههههه شكراً ياعصومي وااااجد شكلها اتهبل خلاص هذي نقعد عليها سنه كامله
معتصم: هههههههه عليك حب للدرجه هذي
رحاب: خلاص من يوم وغادي انتي حتقعد صاحبي معش انتعارك معاك
معتصم: يعني تو انا عالعين الصاحا
رحاب: اها هههههه شكراً يامعتصم
معتصم: مش كنت عصومي توا
رحاب: ابتسمت . عصومي ياسيدي مش حنزلطك
معتصم: صحتين يابطه
رحاب: غير فكنا من بطه لابطه لاوزأ الله يربحك
معتصم: حاظر يابطه
رحاب: رفعت حجبها . وفكنا من حناطا
معتصم: هذي نقدرش نوعدك بيها
رحاب: اكيييد ما انت عايش علشانها
معتصم: خلاص وجهك توا وكلميلي نزار
رحاب: عليك تزليط مش لدرجه هذي
معتصم: ههههه خلاص مش حنزلطك بس افطني راه يركبك سكر
رحاب: لالا تخافش
معتصم: صافي لبن
رحاب: لا امعيلف حليب
معتصم: لا هكي تبي ضربا معش اتعاوديها مره اخره
رحاب: هههههه ماهو بنتحنط كيفك
معتصم: لا خليك كيف ماانتي هكي احلا
رحاب: احم باهي
معتصم: كلميلي الفرخ هذا قوليلا يرجا فيك معتصم برا
رحاب: باهي
وخشت رحاب وهيا فرحانه بالشكولاطات ومافهمتش عليش معتصم جبهن لها وشن مناسبه ومابتش تسألا
~~~~~~~~~~~~~~~
هدي: يانا عليا ايفون مره وحده ياهكي الجيب يابلاش
فاطمه: نجيه ربي يخليه لكي والله يوسف هذا ربي جابا لكي يعوضك ع كل شي
انا: الحمد الله اتصدقن يابنات فعلا ربي خذا حاجات واااجد مني بس عطاني أوفتي الي خلاني نستغنا ع كل شي
هدي: يانا عليا أوفتي تما اسما هو
انا: هههههه وحبيبي اخره
هدي: ياعيني ياعيني طلعتي رومانسيا يابنت
انا: هههههه
فاطمه: حولي الايشارب حسك خنقتيني وانتي لفتيه
انا: احممم خلني هكي خيير
هدي: فنصت اعيونها 😍 حي علمك اتقوليش الي خطرن في بالي توا
فاطمه: بلا شورها هذي صياعا عالطول تفطن
انا: هههههه عدا هدي ماحد يغلبها
هدي: بس قوليلي هكي صاح
انا: اها خلاص
هدي: يانا عليا هو يوسف ديما هكي ولا بعد ماتبي اتجينا بس يدير فيهن بالعاني بيش يقهرني
انا: ههههههه لا الايام هذينا نحنا هكي
هدي: خلاص راه لكم شهر مجوزين مامليتوش
انا: احممم لالا مازال
فاطمه: اتجنن حنتك ياحيوتا يوسف شن دار عليها
هدي: صاح احكيلنا شن قالك عليها
انا: عجباتا بكل مع ان قالي معندش عليها من قبل بس لما انا حنيت حبها فيا
هدي: يانا عليا 😍
انا: باهي انتم شن اخباركم
فاطمه: لا جديد ياحنه هاجر في تركيا مازالت ونحنا هنا كالعاده تو يديرو في اجراءات باتي عشان يطلعوه لتونس وانا عرسي حددوه الشهر الجاي هذا جديدنا بس
انا: وانتي شن جو ايمن معاك
هدي: متعاركين ياخيتي هابا
انا: وعليش
هدي: عاريك الي ديما
انا: باهي خفي عالراجل اشويه راه رجالا يحبوش نكد تقعديش منكدتيها عليه ديما ديما
هدي: حي حي من الي تنصح
انا: هههههه خلاص احترمي روحك مزوجا ماتكلمينيش
هدي: هههههههه
فاطمه: باهي انتي شنو عيت عمك معاك كويسين وانسجمتي ولا لا
انا: اها والله عايله الحمد الله كويسا بكل
ومرتبطين بعضهم وجوهم مع بعضهم حلو وربي يكمل عليهم
هدي: هما اربع سلوفا عندك صاح وماعندكش صبيات افتكيتي منهن
انا: اها اربع شباب
فيصل هذا دكتور كبيير ومراتا اكويسا بكل شفتنها انتن وعند ابنيتين عسل
ويوسف وبعدها عندا منذر العريس هذا
كويس حتي هو وتحسنا حقاني يحبش الغلط ونوعيتا عصبي بكل ههههه عارفات سبع موبايلات مكسرهن
هدي: ههههههه مجنون
انا: والله اثنين بس لما اجوزت كسرهن وخمسه تانيات قالولي من قبل يعني كل شهر موبايل يشري
فاطمه: عصبي للدرجه هذي
انا: اها مسرع مايتعصب بس طيب
هدي: شد حيل مراتا الراجل العصبي
انا: ايوا وفي عصومي هذا اخر واااحد عرفات مش عسل حناطه بكل العيل هذا
هدي: سمح
انا: زي يوسف نوعيتا هذا عليش غالي عليا لان يجيب من يوسف واااجد اكثر واحد في لمحا كبيره منا وفوق من هذا حناطتا لما يجي هو تكمليها تضحكي وخلاص
اتحسيه قريب من قلب
ايوا هذوما هما وفي سيدا هيثم حتي هو كويس بكل
كأن مش عمهم كأن خو للعيال يعامل فيهم
وصاحب يوسف واااجد حتي يحكيلي عليه يوسف قالي كل شي نحصل فيه هو يحلا ليا ويوسف عيونا هيثم مقرب منا واااجد
فاطمه: مش مجوز
انا: لالا
هدي: ومش مصاحب
انا: لالا عندش فيه الجو هذا عاقل اتحسيه
هدي: باهي هما بات يوسف عند خو واحد
انا: لالا في جمال عندا بنتين رحاب ورحمه الي عرفتكن عليهن
فاطمه: اها عسولات هذكينا
انا: ايوا هذينا حتي هنا كويسات بكل وغاليات عليا
وامهن كويسا وعندهن خويين سفيان ونزار شباب حتي هما من جيل معتصم
وفي احلام هذي احسن وحده تكون عمة يوسف هذي الي حنتني عرفات طيبه بكل بكل مرأ ماشفتش زيها بس الدنيا ظلمتها
فاطمه: ياخيتي الطيب ديما في هالدنيا هو المظلوم
انا: حرام اطلقت اصغيره وعاشات مطلقا في مجتمع يرحمش المرأ المطلقه
هدي: ياناري
انا: وهي اكثر وحده كانت ديما جنبي من اول ماجيت وديما تنصح فيا
فاطمه: كلكم مع بعضكم عيشيين
انا: اها هذوما حكيتلك عليهم كلنا قاعدين مع بعضنا في فيلا وحده
هدي: مشاء الله
انا: وفي عما اخره ليوسف اسمها حليمه مجوزا وعندها اربع بنات
هدي: مجوزات بناتها
انا: وحده مجوزا بس
وباقيات مش عارف عمريش سألت عليهن
فاطمه: جيبا عكس ام يوسف عمتا هذي
هدي: اها ام يوسف اربع شباب وهذي جيبا اربع بنات
انا: اها 😒
هدي: كنك اتقولي فيها هكي
انا: اصلي ماحبيتهش لهيا لا بناتها
فاطمه: قصدك حقيره
انا: عاديه عمريش حكيت امعاها بس منغرا واااجد وشايفا روحها
هدي: تعدليش عليها انتي المهم يوسف وهلا وعمتك
فاطمه: صاح عمتك شن جوها معاك كويسا
انا: اها كويس وطيبه
فاطمه: حسيتها في العرس مش عارف كيف هكي زي الي مش عجبتيها
انا: لا بالعكس غير تلقيها كان رقيالها من شي حاجه
هدي: صاح كلنا لحظنها حتي مابتش اتصبيك اتعرفك ع ناس يعني انتي عروس جديده وكنتهم ومرات ولدها انشوف فيها مع سلفتك هذي اروي وتصبي مره مره اتعرف فيها ع طاولات
بس انتي حسيتها مش مهتما بيك
انا: لا عاديه والله
معش عرفت شن انقول نبيش نحكي عليها اول شي نبيش نشغلهم عليا وحاجه تانيه في الاخير هذي اتكون ام يوسف ونبيش نحكي عليها ولاني انحبا نبيش نحكي ع هلا حتي لو الي قدامي خواتي
بس زعلت وضايقتني ان عمتي اساساً ماتحبنيش وفي العرس مابتش اتعبرني بس انا مابيتش نحكي
