{ الحب الأعمي }
الحلقه 35
هيثم: الو شن جو
اميره: تمام كيف حالك انت ياخالو
هيثم: تمام وين قاعده في حوشك ولا حوش هلك
اميره: لا في حوش هلي
هيثم: باهي شنو الي سمعتا قالولي تبي تطلقي
اميره: قالها لكي يوسف
هيثم: اها يوسف عليش انتي قيلتيها لحد غيرا
اميره: لالا نبيش حد يسمعها كنت بس انا عارفا من زمان يوسف انت بذات يدسش عليك شي
هيثم: باهي اصلا هو حكالي وقالي انا الي انتملك الموضوع لان هو مش فاضي
اميره: ساكتا ومنصدما
هيثم: فأنتي قوليلي امتا تبي تطلقي وانا انديرلك الاجراءات والجو كلا ونحكو مع علاء
وبعدين انتي تريثي يا أميره وفكري وماتستعجليش علاء راجل كويس وكنك ع مشاكل ايصيرن في كل حوش
اميره: منصدما ومش مستوعبا كلام خالها هيثم لان صدمت ان يوسف فات موضوعها خلتها ماتركزش
اها باهي ان شاء الله انا تو بعد انفكر نكلمك ونقولك شن يصير
هيثم: خلاص معناها تم سلميلي ع امك
اميره: يوصل
هيثم: اوكي
~~~~~~~~~~~~~~~
هناء: من الي كنتي تحكي امعاه وكنك منصدمه
اميره: قعمزت ع سرير وحطت فون جنبها
اتصدقي ان يوسف حط موضوع طلاقي في يد خالي هيثم
هناء: كييف
اميره: يعني طلع منها شفتي كيف قعد يعامل فيا برود وجفاف وكأن عمرش في يوم عرفني ولا حبني لاشي
خززيه كذاب داير روحا يحبني وهو مسرع مانساني بالي سيبتا قبل مايسيبني كان حبني صاح راه ماحبش تو وقعد يعامل فيا كأن يعرفنيش
قهرني ربي يأخذا ان شاء الله
هناء: خلاص وانتي عليش قاهره روحك مش سيبتيه وزوجتي يا اميره ليش خطر عليك توا وتبي تطلقي
اميره: بالكي تحسبيني بنطلق علشان يوسف نبي نطلق لاني مش متريحا مع علاء ومن قبل يوسف مايزوجش كنت بنطلق بس كنت مترددا لان خايفا يوسف يشمت فيا
بس لما هو ازوج انا زدت انقهرت اكثر وتمنيت لو اطلقت قبلها كنت راه خذيتا
ع اقل كان يحبني داير روحا
بس توا شكلا نساني رسمي
هناء: خلاص معناها فوتيه وخليك في حياتك ومادمريهش وعطي للعلاء فرصه
اميره: لالا علاء معش طايقتا بكل المريض هذا من كل شي يشكي وكل شي يقول عليه لا انسان ممل فيهش اي نوع من جو
ويوسف وراه وراه وحنرد ليا كيف قبل مشكلة يوسف ان قلبا ابيض صاح يقسا عليك في وقتها ويعاملك بجفاف ويكرهك في روحك بس يرد كيف ماكان
وانا حسا ان مازال يحبني بس يكابر وحتي الحركه هذي دارها بالعاني زي الي يرد في ثارا مني
اكيييد هكي مستحيل يكوني يكرهني وحب الجاهلا المتخلفا الي وخذها صاح
هناء: ممكن صاح
امييره: مش ممكن اكييد هكي
حتي اول مابديت انطيح فيه تعبني وانا نجري وراه شهرين بيش طاح وتو بيش انردا ليا تبيلي وقت بس صدقيني حنردا وذكري كلامي هذا
هناء: عارفا مرات انحسك من كثر ماتحبي تملكي الحاجه انحس فيك مجنونه والله
اميره: هههههههه اصلي نحبش حاجه ليا غيري يأخذها مش هبلا كيفك
هناء: شن اندير الله غالب مش عطيني وجه
اميره: حاولي ياعبيطا كلا ان هو يقعد اصعب من يوسف مستحيل نوعيتا مسرع ميلين
راه اصعب واحد في عيال خالي ابراهيم هو يوسف طبعا بكل
وعندك منذر عصبيتا مخربا عليه كلا فيصل نوعيتا كويييس بكل
ومعتصم متاع بنات انتي بس حركي روحك وتحنطي وبيني روحك وتو يحس بيك مش تقعدي مدا وجهك وتقوليلي شن اندير كان مش عطيني وجه
ماهو حتي يوسف كان ديريلي هكي بس بغروره جبتا جبتا
هناء: مشكلتي مش كيفك انتي جريئه بكل وشخصيتك قويه انا انخاف اوقات ونقدرش
اميره: اتحبيه صاح
هناء: انموت فيه وكل مانشوفا يقعد قلبي يدق وخاطري نحكي امعاه
اميره: خلاص بعد اتحبيه حاولي امعاه وطيحيه تقدري اتجيبيه قتلك معتصم ساهل نوعيتا مسرع مايطيح
هناء: تو نشوف مع ان حاسا ان فيش امل
اميره: فكيني من العباطا ودروشا متاعك ونشطيلي روحك
اووووف البارد هذا يرن
هناء: علاء
اميره: ومن غيره عنديش نيه نحكي ونجاملا
هناء: حرام عليك راجلك
اميره: امتا نفتك منا ومن برودا
اسكتي تو نررد وامري لله
الووووو
