اميره: مسكين اكييد يوسف زعلان . يعني فيصل اروي حامل ومنذر الي ازوج بعدكم مراتا حامل وانا حامل
وهو الوحيد الي ولدا طاح وسببا اهمال منك انتي ولامبالاه
انا: خنقتني العبره . وماعرفتش شن نحكي . وحسيت روحي مخنوقا من كلامها وطريقة دوتها
طلعت وسيبت المطبخ وركبت للشقه فوق
احلام: كنك انتي فيش اتحسي اها كنك مع المرأ يامجنونه
اميره: كني ماقلت شي قلتالها الحق انا
احلام: اين حق هذا الي تحكي عليه انك تجرحي مشاعر الناس وتوجعيهم هذا عندك حق انك تأذي الناس وتهينيهم هذا عندك حق
كنك هكي انتي ليش انتي انسانه مؤذيه وغالي عليك اذيت غيرك
ليش اها حرام عليك ياويلك من ربي يا اميره
اميره: سكتت وطلعت من مطبخ وقعمزت في صاله وهيا رقايلها من دفاع احلام عليا
رحاب: والله مجنونه بنت هذي صدقتي فيها
احلام: اووووف. ربي يهديها وخلاص
رحاب: حرام شفتي حياه موقفها وكيف طلعت وجعتني بكل
احلام: حتي انا قهرتني ومشكله مابتش حتي اترد عليها بكلمه
رحاب: اها والله بيش تعرفي انها بنت ناس ومحترمه
احلام: تو نركب انشوفها
رحاب باهي انا خلاص نركب انشيل هذينا للعصومي كملتهن
احلام: وانتي رايحا اتقول ام للعصومي من امتا هالغلا هذا كلا الي نزل عليك فجأه علي معتصم
رحاب: ارتبكت. اها لاشي عادي ياعميمه كنك ولد سيدي وكيف خويا
اخلام: اها صدقتك . ساهل تو انتي بعدين عندي تقعميزا معاك غير توا مش فاضيا
كلا قصة ولد سيدك هذي تمشيش عليا ماشاب شعر راسي الا من هالحركات
وغمزتلها
وعدت احلام طلعت من مطبخ
وسيبت رحاب اتحط في عصير في سفره ومبتسمه
رحاب: والله انحبا مجنون خلاني ننجن وراه وكلهم يكتشفو حبي له الا هو منعمي مايشوفش فيا
وتنهدت ورفعت السفره وركبت بيها فوق للمعتصم
معتصم : كان مقعمز ع كنبا متكي ويبحت في جرح امتاعا
وفجأه خشت عليه هناء
معتصم: نط ونفجع. بسم الله
كنك خشا هدا اتقول ناقه هايجا
هناء: هههههه مسمطك . وقربت من صالون وقعمزت ع كنابه الي مقابله معتصم
معتصم: مستغرب . كنك
هناء: عارف وقت الي سمعت انك انضربت قبل متت
معتصم: ياساتر هههههه
هناء: هازي صاح وتضحك . بس والله بجد قبل ماتت حسيت لحظه ان قلبي بيوقف
معتصم: وعليش هذا كلا ان شاء الله
وجت رحاب بتخش للدار سمعت هناء تحكي صبت فم باب وقعدت تسمع فيهم
هناء: لاني انحبك
معتصم: بحت في هناء وهو منصدم
رحاب: حطت يدها علي فمها وكانت منصدما
هناء: كنك اتبحت فيا هكي
معتصم: يحكي ومتفلوج. هناااء اانا يعني انا قصدي يعني بجد صدمتيني
هناء: صدمتك لاني انحبك
معتصم: اها يعني انا مش عارف شن انقولك
هناء: تقوليش شي ونبيكش اتقولي شي نبيك تعطيني فرصه وتعطي لروحك فرصه انك اتحبني وماتقارنيش بأميره وبالي دراتا في يوسف لان انا مش كيف اميره والله
معتصم: هناء ياهناء اسمعيني. انا قرنش فيك بحد بس انا عمري مافكرت فيك غير انك بنت عمتي وبس مش اكثر ولا اقل ومش حنفكر فيك غير هكي وانا وحده من العايله مستحييل ناخذ
رحاب: انصدمت اكثر من كلام معتصم
فأنا بجد مش عارف شن انقولك
هناء:قطعت معتصم وخنقتها العبره.نبيكش اتقولي شي وانا كنت نبيك تعرف اني انحبك
.ونبيك تعرف ان انا هيا الي كنت انكلم فيك الفتره الي فاتت واعتبر اني ماقتلكش شي وانسا كل شي وانا اسفه
