{الحب الأعمي}
الحلقه 13
هديل : هييييي كنك تبكي انتي بتفضحي بينا
أميره : انتي عارفه ان اليوم زفت من زفت يوسف ياهديل يوسف
هديل: باهي وكان زفت يوسف مش حتي انتي ازوجتي كنك ياأميره شن صارلك انكلبتي ولا شنو
أميره: مش عارف كلما يخطر عليا ونذكر الايام الي بينا وكيف كان يحكيلي ويدلع فيا ويعامل فيا ننقهر
ان بيدير مع مرات هكي وبيعاملها هكي ونقعد انشوف فيه وفي معاملتا لها
يوسف نساني كان يحبني راه ماجوزش
هديل: وشن تبي انا خاطري نفهم يعني انتي الي سيبتيه بأرادتك وهكي بدون سبب وتو زعلانه لان بيجوز ماهو حتي انتي اجوزتي وعشتي حياتك وحس بشعورك الي تو حسيتي بيه كنك انانيه
أميره: ننكرش اني لما تعرفت ع يوسف كنت بس بنطيحا وكان عجبني بس ماحبيتش وانا تعودت ع كلام وع هدايا امتاعا وعالجو الي ايديرلي فيه
بس ماحبيتش ولما كنت انكلم في علاء وقالي بنجي نخطبك واكدلي عليها كنت نبي نفتك من يوسف ولما تعركنا لقيتها فرصه وسيبتا فيها وع اساس اني رقالي منا وتقدملي علاء وجوزت وعشت امعاه ومافكرتش في يوسف
بس لما يوسف قال نبي نجوز في شعور غريب جاني احساس غريب غرت وانقهرت نبيهش يكون لحد نبي حبا ليا انا بس
هديل: وااااااو ياأميره انتي انانيه بكل يعني انتي الي درتيه في يوسف ماوجعكش وتو غرتي وقعدتي تبيه وتبيه يقعد يتعذب حرام عليك خلاص فوتيه واشقي براجلك وبلاش غيرتك وانانيتك الزايده هذي
وصبي البسي هيا طولنا ع صاله
اميره: كيف نشوف ونتخايلا لما يخش ع مراتا وشن يقوللها وكيف ايدير امعها حسا بنار بحرقا هنا
هديل: اووووف استغفر الله . نار منك بيدك درتيها
لعبك ع حبلين حرقتي بيه روحك وعذبتي روحك بروحك
ومشكله لو نعرف انك من اول ماتعرفتي ع يوسف كنتي تلعبي عليه بس وماتبيهش راني وقفتك بس عرفتها متأخر ومشكله الحيوانه هناء كانت تعرف انك تلعبي وعيب انك تلعبي ع ولد خالك بس انانيتك عمت عيونك ياأميره فأشربي من كأس المر الي انتي صبيته بأيدك
وطلعت هديل تلبس وسيبت اميره تبكي ع سرير من غيرتها علي يوسف
هديل مواليد 90 تقرأ انجليزي وقريب اتخرج مخطوبه وهيا اكبر وحده في خواتها ادافع علي خواتها وتحمي فيهن وماتعطيش فيهن قدام حد وتساعدهن بس بعد يغلطن اتهزب فيهن وهيا تحبش الغلط وجعها موقف الي دراتا اختها أميره ليوسف بس في نفس الوقت ماتفرطش في اختها مهما اتكون غلطانه
أميره مواليد 92 تقرأ في علوم قسم نبات انسانه تحب نفسها واجد وماتفكرش في حد وغيورا بدرجه لاتوصف وانانيه بكل واتحب كل شي سمح يكون لها وبس وتحب تنشكر وتنحب هيا وكأنه يادنيا مافيك الا انا
انعجبت بيوسف بس كان مطنش ومايحبش يختلط بالبنات وكان مغرور ورافع خشما عليهن وأميره ماعجبهش هكي الي كانت حلوه واي شاب يحقها ينابشها ويلحقها وكانت تستمتع بالجو هذا
ولما لقت يوسف مش عاطي اي قيمه لجمالها انقهرت وحبت اتحده وتكسر خشما وحاولت امعها لعند ماحبها ودرات الي تبيه وكانت ع علاقه بعلاء واطيح في يوسف ولما علاء كان جدي معها وتقدملها تعركت مع يوسف وخلت العركه سبلا بيش اتسيب فيها يوسف
