{ الحب الأعمي }
الحلقه 66
معتصم: جا وهو يصفق . الله الله. عقل ان شاء الله
رحمه: تضحك توقعتش معتصم شافهن وشاف اهبالهن
رحاب: منصدما . وكان تلقا ارض تنشق وتزمطها ولايشوفها معتصم بالعباطا هذي 😳🙈
معتصم: صار انت تاني . وشكراً . وين ياهيفاء وهبي رايفنالك لكي وحشا . كان قتيلنا دايرا حفله رانا جينا حظرنها يابطه وغمزلها
رحاب: مزلطا ومنحرجا. أأأ ككنك . شن قتلك علي بطه
معتصم: يبحت في رحاب وعيونا يضحكن . وينك
رحاب: قلبها يدق . كانت امرايفا عليه ولها اسبوعين مش شيفتا . وتبحت فيه
وسارحا. وصوت دوبا طالع . قاعده
معتصم: نحسبكش هبلا . وضحك
رحاب: فطنت لروحها. وربعت ايديها سيبتا لكي العقل ياعاقل
رحمه: هييييي. عصومي وفتحت اعيونها
معتصم: بحت فيها . كنك
رحمه: حولت الكيس
معتصم: اها حولتا
رحمه: مبروك افتكيت منا
رحاب: بحتت فيه
معتصم: بحت في رحاب. شفتي ناس الي مهتما . مش انت تاني ورابع وخامس
رحمه: ههههههه
رحاب: كشخت . باهي وبعدين نضحك انا توا يعني
معتصم: بحت في رحاب من فوق لوطا وكشخ عليها وبحت في رحمه
باهي ياحيوانه انتي نبيك في موضوع
رحمه: شنو
معتصم: مش ناسي راه موضوع هذكي غير من حظك لهيت في روحي
رحمه: تخزرطت . باهي ان شاء الله
رحاب: امصبيا وتبحت في معتصم ومنصدما من لقطتا لها واستكرادا لها
معتصم: انا توا طالع بايت برا بكره انقعمز معاك
رحمه: خلاص باهي قلنا
معتصم: تي بشويه راه نضربك
رحمه: خههه سكنت اصلك
معتصم: حي علما انسيت نزار نركب نغير دبشي
وبحت في رحاب بنص عين . كملي ياهيفاء باقي حفلتك . عدا معتصم خش جوا
رحاب: خنقتها العبره .
رحمه: حي عليا شن بنقولا انا بكره عليك تدبيسا ياريتني ماطلعت
رحاب: تحكي وخنقتها عبره. شفتي كيف كان يحكي امعايا . ويكشخ ويعزق في كلام شفتي
رحمه: تو فكيني منا غابيا في حناطة معتصم ايتحنط
رحاب: لا مش حناطه هذي . نظرتا غريبه ليا مستحقرني
فعلا نستهلها لان انا اهملتا في مرضتا اسبوعين مش معدلا عليه ولا ديرتلا قيمه وهو مريض
ننقني حيوانه ياريتني ماسمعت كلامك ضيعتا مني
رحمه: ياااي علينا تو بتقلبها لنا مناحا . والله كذاب يحبك شوفي بس كيف كان يبحت فيك وعيونا يحكن واقسم بالله باين ان يحبك غير قهرتيه انتي بستكرادا لكي اسبوعين الي فاتن يردلك فيهن انتي حماره ماتشوفيش
بس عصومي في حاجه منعتا يعترف
رحاب: مازالت اتقولي عصومي. خلاص عصومي عدا .
وقعدت رحاب تبكي. ورحمه زرتها ضحكا لاعارفا اتسكت رحاب ولا تضحك علي اهبالها وبكاها ولا تبكي علي عصومي الي بكره بيحقق امعاها وهيا مش عارفا شن اتقولا
~~~~~~~~~~~~~~~~~~~
نزار: حطني هنا اوكي ننزل ونجيك. اهي سيارتا الحيوان مدرسا
وليد: هيا نرجا فيك
ونزل نزار وخش الفيلا وعدا شور فيلة سيدا ابراهيم
وخش عليهم .
نزار: سلام عليكم
ابراهيم وسالمه: وعليكم السلام
نزار: وين عصومي
سالمه: فوق في دار.
نزار: باهي . ركبلا نرجا فيه من بدري
ابراهيم: طالعين بيتين برا قالي
نزار: اها
ابراهيم:رد بالك منا مازالت صحتا بالهون راه غير هو مايتعندش بسلامتا
نزار:لا ما عليك فيه ياسيدي
