{ الحب الأعمي }
الحلقه 30
احلام: حياه
انا: نعم
احلام:شن بتلبسي
انا: والله ماني عارفا مازلت ماقررتش
احلام: هييي معقوله مازالتي المفروض اتقرري لان انتي بذات حتكون العين عليك في العرس هذا لان عروس جديده ومش اي عروس عروس الكابتن اخره ههههه
انا: ههههههه حي عليا . عارفا عنديش عالجو لبس واجد عمري مافكرت
ديما انجي هكي نلبس وقتي وخلاص بس في قفطان شريتا من قبرص بس مش هارف نلبسا هو ولا لا
احلام: لان قبل انتي كنتي شباب ناس تعدلش عليك
بس تو انتي مرات راجل ومازالتي عروس فحيكونو مدققين عليك في كل شي لبسك وحركاتك وتصرفاتك واسلوبك كل حاجه
بعدين نحنا هنا البنات مايصدقن ايجيهن عرس يقعدن قبلا بشهر يوتلا ويكرن من هالسوق وكوافيرات ومكياجات ودبش ويدورن ع قفاطين ويفصلن
وتلقيهن منكلبات
انا: هههههههه صاح حسيتهن كلهن حيسات
احلام: اها شوفي اروي من امتا تطلع للسوق وبنات جمال وحتي امهن
وبنات حليمه اختي
ماعدا انتي لقيتك مركحا ولاتطلعي لاشي قلت شكلها موتيا روحها وميه ميه
بس طلعت ماديرا شي
انا: ماهو قتلك مش مدققا سراحا
احلام: لا من يوم وغادي دققي اصلا قاعدا بين سالفات كلهن يلبسن ويفتلكن في اروحهن
وانا نبيكش تقعدي اقل منهن
شوفي كيف يجرن هنا ويشرن في هالدبش مابالك انتي الي سمحا مانقصك غير اشوية ستايل وتعزقيهن كلهن
انا: ان شاء الله
احلام: مش ان شاء الله وتفوتي
صبي شوفيلي دولابك ونبيلك قفطان حلو وكوافيره توا انا انشيلك لوحده انتعامل امعاها
هيا بسرعا نشطيلي روحك خلاص الزفا الخميس الجاي وانتي مازالتي
انا: ههههههه باهي تو نصبي
احلام: حياه انا ننصح فيك معتبرتك زي اختي وبنتي مابالك انتي مرات الغالي يوسف
انا: عارفا وغالي عليا نصائحك وكلامك وع كبدي كيف العسل
احلام: نجك ليا هيا عادي شوفي قفاطينك وقوليلي
انا: باهي تعالي اركبي امعايا شوفيهن
احلام: باهي هيا
وركبت انا واحلام للشقه
وكان يوسف طالع هو وشباب وعمتي وجدت يوسف ومرات سيد يوسف يهدرزن مع بعضهن ع عرس
واروي وفيصل طلعو للسوق ومعهم رحمة ورحاب
انا: باهي هذا شن رايك فيه
احلام: امممم هو حلو بس اتحسيه عادي مش امتاع عروس جديده بعد تقدمي تلبسيه
انا: هههههه حلوه بعد تقدمي
باهي هذا
احلام: اوووووو ايجنن بكل بكل
انا: هذا الي شريتا من قبرص بذات بعد يوسف قالي العرس قريب
احلام: ايجنن بكل ولونا احمر حيعكس ويخيل عليك
انا: اصلا هذا الي كنت مخططتلا هذا عليش ماعدلتش
احلام: لا يهبل باهي كندره وين الي بتلبسيها عليه
انا: سندل لونا ذهبي اهوا
احلام: خيال ايجنن بكل السندل
انا: حتي هو ركبت ع قفطان لان قلت حنلبس ذهب خلي السندل ذهبي
لان ديما احمر يلبسو امعاه اسود ولاابيض قلت نعكس ونغير
اخلام: لا فكره حلو طلعتي مش ساهلا تاريتك
انا: هههههه
احلام: احلا حاجه ان هو توب القفطان لفي شعرك فوق والبسي علية طاقمك الذهب متاع العرس
انا: آها حتي انا هذي الي بنديرها بيني وبينك نوعيتي نحبش الفخاما واجد
انحب الحاجه البسيطه لان اتبين المرأ ارقي واحلا
احلام: لان انتي نوعيت جمالك مايخيلش معها الحاجه الاوفر تبي حاجه سمبل تقعد تخيل عليك اكثر
واحسن حاجه انك فاهما الحاجه هذي
يعني يمشي مع شخصيتك
انا: شكلك خبره انحس فيك تفهمي في شخصيات وتحللي فيهن
احلام: ياحنه مش خريجة علم نفس نفهم في شخصية الشخص الي قدامي
انا: اها هذا عليش قوليلي هكي اصلا اوقات انحس فيك تعرفيني اكثر من روحي وفهما شخصيت كل واحد فالحوش
احلام: هههههه وانك عرفتي السر
انا: باهي خلاص هكي عرفنا يوم الزفا شن حنلبس
احلام: بالنسبه ليوم الحنه لان بنعدو ونحنو العروس فحتلبسي عربي امتاعك
انا: اها
احلام: خلاص وفتحه ويوم رمي لبس عادي يعني
انا: خلاص تمام معناها
احلام: وبالنسبه للكوافير انشيلك للكوافيره الي انتعامل امعاها
انا: ان شاء الله
احلام: خلاص هيا ننزلو حليمه تبي اتجي اليوم هيا وبنات قالتلي امبدري
