{ الحب الأعمي }
الحلقه 48
هيثم: مش لازم اتخيل بس انت عارف عنديش روح مع تهييج
معتصم: ابدأ يامعلم بس مادخلنيش بالدومان
هيثم: خذا دربوكا (الطبله) وحطها بين كرعيه وقعد يدربك
وبنات يصفقن ومعهن نزار وسفيان
احلام: الله وحد صمد ربي ماكيفا حد
شباب وبنات: توحد قول الله كبير توحد بيش العين اطير
وهيثم: يدربك
معتصم: مرا مرا يسيب في دومان ويصفق
نزار: يصفر
هيثم: ياسواق اجري ميه ماتخافش ع بتاريا👏👏👏👏
بنات: عيطن واااااااو
معتصم: ههههههه مقدمك ازح
هيثم: غير راك اتصدقها وتقلبنا في وحده من العقايب
مروه: ياسواق اجري ميتين ماتخافش ع عجلتين
معتصم: ارقدي يامروه راه انجي نضربك
بنات: ههههههههه
احلام: العيله مشوشا تشويش العيله تبي طرف حشيش👏👏👏
نزار: حي علمهن كنهن مع الحشيش هذينا 😳
هيثم: تي غني وخلاص ياراجل مدققش
رحمه: العيله هايما ياناس العيله ترقص ع كيياس
👏👏👏👏👏
احلام: الله وحد الله علينا ياعوينا راك اتضرينا
حي حي 👏👏👏👏👏
وقعدو يتعايطو ويصفقو ويصفرو
وهلبو من جنبنا وقعدن بنات يصفقن وينابشن فيا انا وهند
انا: ههههههههه عليك جو شيلين في حافله
منذر: حي ع طرشيق معقوله تي ناس اتحق فيهم
هند: والله جوهم سمح
يوسف: مش كيفكم حاليلنا رحلة عذابي ومنكديين علينا
ويقعد عصومي ينابش فينا بالحافله ويغنو وراه ويعيطو
ويحل هيثم روشن الحافله ويطلع يورينا دربوكه
منذر: حي علما منين جيبينها دربوكا
يوسف: هههههه لا معناها جو عالمي
انا: هههههه عنجد دربوكه من جابها عليك جو
يوسف: والله وفتنا ياحيوتا هالجو
انا: ههههه اها والله اخساره
منذر: تي شن حركات المعيلا هذينا معقوله هيثم داير روحا كبير وعاقل يدربكلهم
يوسف: وانت كنا رقالك شن فيها حافله تجري وماحد يحق فيهم وبعدين مشيين زردا رانا مش عزاء
وارخي روحك وانت اتقول شايب ديما معقد
هند: شن فيها يامنذر عادي خليهم ينبسطو ويغيرو جو
منذر: لالا مش عادي شن دربوكا ويدربكو حركات شلتاتا
يوسف: 😒 فوتوه هذا من يوما عقدا تمشي ع ارض
وعدا عصومي استجنا وقعد قدمنا
وهما جوا في الحافله شيلين ويدربكو ويتعايطو
هيثم: اسسسسس
خلاص خلونا تو ركاحي انغنو
كلهم: باهي هيا
هيثم: هااااي يااااا
كلهم: حي ياااااا
هيثم: ياخطمت من تالايا ابنيا
كلهم: ايوااااا
هيثم: كملو انتم الباقي ههههههههه
كلهم: هههههههه
نزار: تي وانا نرجا في باقي الاغنيه ازح
سفيان: حتي انا نرجا في عقابها
احلام: مسمطك
هيثم: تي مش حافظها
احلام: باهي هيا عصومي غنيلنا انت صوتك سمح وديما اتغني في مرسكاوي في حمام
كلهم : هههههههههه
هيثم: اها هيا غني وانا اندربكلك
وانتم صفقو بشويش
وانتي يارحمه بلاش تصفيق الهبل الي اتصفقي فيه رايحا اتقول شاب يصفق مش بنت
رحمه: هههههههههه باهي تو نحاول انصفق ركاحي
هيثم: هيا انت
معتصم: تي باهي شن انغني
هيثم: غني اي اغنيه غير ماتصدقش روحك بس
معتصم: ههههههه
رحاب: قعدت اتبحت في معتصم وقلبها يرقص اول مره تسمعا ايغني
معتصم: احم احم هز الشووووق حنايا الخاطر
كلهم: واااااااو حي
معتصم: حنايا الخاطر . خطر طيفك ياعيني خطر طيفك ياعيني ياعيني ماطر
خطرت انت مسحت ادمووووعي خطرت انت نورت اشمووووعي
كلهم: تمو يصفقو وهيثم يدربك بشويش ع لحن الاغنيه
معتصم: يالي حتي وانت امباعد يالي حتي وانت امباعد وين تخطر تهدأ الخواطر حبيبي تهدأ الخواطر حبيبي تهدأ الخواطر
كلهم: يعاودو في اغنيه ويصفقو
هز الشووووق حنايا الخاطر
معتصم: وين تخطر ياحبي اسنيني تزهاء عيني وتهدأ روحي ويروق حنيني ذكر ايامك ياهوااايا
من ايامك عيش من صغري رحلة عمري ونسيانك مايرود فكري وانت بعيد ولا ماعيا
يالي حتي وانت امباعد وين تخطر تهدأ الخواطر حبيبي تهدأ الخواطر حبيبي تهدأ الخواطر
