{ الحب الأعمي }
الحلقه 49
احلام : ههههههه عطكن الخير قتلتني
انا: كنكن
احلام: ههههههه ياحنه كنت بنخش للدار
ونسمع في امي جوا الحمام تسب وتلعن
رحمه وهديل: خههههههههه
انا: باهي
احلام: فهمتش كنها بحتت في دار لقيت هذينا الاثنين ميتات ضحك
قتلهن كنكن قاللي نسبقو ع حمام وفتحنه ع اجديده وخشينا عليها
انا: هييييي 🙊 ههههههههه
رحمه: ههههههه خلاص انا معش نقدر قعدت اتقوللنا ع بوكن وبو تربايتكن السودا يانوطارات
احلام: ههههههههههه شفتي بنت بنتها وبنت ولدها خشن عليها
انا: ههههههه والله اجديده عزيزه اضحك وكنها تصكرش الباب بالمفتاح
احلام: امي ديما هكي تحبش اتخاف اتسكرا باب بالمفتاح فتخلي فيه مسكر هكي وخلاص
انا: ههههه مش عارف العزايز كلهن هكي حتي امي انا ديما لما اتخش ماتسكرش بالمفتاح
وطلعت عزيزه من الحمام وبنات كرسن ورأ الباب وانا واحلام قعدت زرتنا الضحكا
عزيزه: خزيه لك تربايا مندعبات هكي بدون لايدقن ولا يشوفن من الي في الحمام خزيه عليك ظنوا
انا و احلام: هههههههههههه
~~~~~~~~~~~~~
فيصل: اوووبا اووووبا
منذر: كان ماسك ترتيل في يدا ويدغدغ فيها
وفيصل ينطر في تيماء في الهواء
اروي: فيصل
فيصل: نعم
اروي: تراه جيبهن انغيرلهن حسيتا صقع الجو
فيصل: هيا
وخذا فيصل تيماء في حضنا ومسك ترتيل من يدها
وخش بيهن مع اروي للدار يغيرلهن
اروي: هيت تيماء انغيرلها
فيصل: خلي ترتيل حبيبت بابا تو انا انغيرلها
اروي: لبسها التوتا هذي وعليها الجاكه هذي
فيصل: باهي
اروي: ااااه
فيصل: كنك
اروي: بكل اليوم من تقعميز في سياره تعبني
فيصل: شن اتحسي انتي توا
اروي: ظهري وحزامي يوجع فيا
فيصل: باهي غيري للتيماء وتمددي اشويه لازم تفردي جسمك
اروي: حتي انا تو ندير هكي
فيصل: اها لازم اتريحي
وبعدين خذيتي ادويتك
اروي: اها خذيتهن مازالن فيتامينات بس
فيصل: وعليش ماخذيتيهنش
اروي: نأخذ فيهن قبل مانرقد لاني
فيصل: اها باهي حتي انتي البسي حاجه دافيه ودفي روحك وتريحي اشويه
اروي: باهي
كنت نبي دار بنطلع جاكا نلبسها لان جو صقع اشويه
خشيت لقيت اروي وفيصل يغيرو للبنات
كان شكل فيصل وهو يغير للترتيل حلو وهو يساعد في اروي ويخاف عليها ومهتم بيها
انا: ازك ليا اتغيرولهن
اروي: اها حسيتا الجو صقع
انا: اها حتي انا هذا عليش خشيت نبي نأخذ جاكا
فيصل: صار فيها الزر هنا تحسبوها بنغازي امالا
الصقع هنا مايبصرش راه
انا: ههههه بكل الجو مصقع عندهم
فيصل: هنا لشتاء يخش عندهم من شهر 7 انظني
انا واروي : ههههههه
اروي: لا مش لدرجة
فيصل: معروف الشرق اول من يبدأ في شتاء تي مرات تمطر عليهم وفي بنغازي تمطرش
اروي: اها صاح هذي بابا ديما يقول فيها
فيصل: باهي خلاص هكي ترتيل كويس
اروي: ايوا
فيصل: باهي تو انطلعها امعايا وانتي كملي تيماء ولحقيها ليا وتريحي باهي
اروي: باهي باهي
فيصل: مش اتقولي باهي ونلقاك في مطبخ هنيلي روحك
اروي: والله حاظر
فيصل: حياه
انا: نعم
فيصل: افطنيلها والنبي وخليها تمدد لانها تعبت
انا: باهي ماعليك فيها
