{الحب الأعمي }
الحلقه 20
وعيت الصبح مفجوعا
بحتت جنبي ع سرير مالقيتش يوسف
نضت بحتت في دار مالقيتش صبيت ومالقيتش في حمام
خشيت الحمام غسلت وجهي وحكيت اسنوني وتوضيت
وطلعت صليت الصبح بحتت في ساعه لقيتها 9 بتوقيت قبرص
ضميت سرير
وشعلت تلفزيون وقعمزت نرجا في يوسف وكنت مشغوله عليه
~~~~~~~~~~~~~~
ابراهيم (بات يوسف : انا بروحي استغربت ياحاج وانفجعت لما قالتلي سالمه ان معتصم وهيثم مشيين بالسياره للطرابلس
ع اساس هيثم بيمشي بطياره وبروحا
علي ( جد يوسف: حتي انا تفجأت لما امك قالتها ليا قالتلي هيثم طلع الصبح ومعاه معتصم ومشيين مع بعضهم بالسياره
رنيت عليه قالي قاعد بعد سرت
ابراهيم: اها انا لما رنيت عليهم قالولي في راس لانوف طقيين
باهي ربي يوصلهم طيبين مش عارف شن خطرها عليهم بس
علي: والله ماني عارف لعيال هذوما بيكلبوني تو هيثم كبير مشكله وعاقل مرات انحسا مازال طفل يدير في حاجات غريبه
ابراهيم: كلا معتصم عارفا طايش العتب واللوم ع هيثم الي دير روحا صاحب عقل
علي: يوصلهم ربي طيبين ان شاء الله .تو الي صار صار .
ابراهيم : ان شاء الله
علي: كيف حال جماعة قبرص
ابراهيم: كويسين والله كلمنا يوسف اول ماوصل وامس احلام قالتلي كلمتهم
علي: باهي ربي يسعدهم . شن اتحس يوسف بدأ يلين مع بنت ولا لا
ابراهيم: والله ياحاج الي انشوف فيه ينزلو كم مره علينا كويسين ويحكو وهيا لبنيا مشاء الله عليها محترمه ومؤدبه وشكلها طيب
علي: لاشفتها مشاء الله تحسها هاديا بس الداهيه في ولدنا الي غامض زي ثعلب ماتعرف في شنو يفكر
ابراهيم: هههههه ننقنا صدقت من ناحية ان ثعلب فهو ثعلب ماتعرفا في شنو يفكر ولاشن ايخطط
علي: من زمان العيل هذا دونن ع خوتا وعيال سيدا ديما ساكت ومن تحت التحت ويدير الكارثه وكأن مش هو الي ديرها اتحق وجه اتقول بريئ ومش شورا بس هو ثعلب ومكار
ابراهيم: هههههههه. زعمك لمن طالع
علي: ليش يوسف دوونن ع خوتا وعيال سيدا غلاه زايد عندي ومانتحمل انشوف فيه شي
لان انحس فيه يشبهلي واااجد ايام ماكنت شاب في عمرا كنت هكي وزمان ديما متعب باتي يقعد يخبط فيا ع راسي ويقولي هذا في شنو يفكر الراس هذا
ابراهيم: هههههه صار كنت متعب جدي ياحاج
علي: شهاده لله كنت امتعبا . ومشكله انتم فيكمش واحد تعبني عندك هيثم اشويه مش واجد امتعبني بس احفادي هما الي متعبيني وردوها ليا
ابراهيم: وجت علي روسنا نحنا بعد ان ماتعبنكش عليش اعيالنا متعبينا
انا عندي منذر وفيصل الله تسامحهم
كلا يوسف ومعتصم بيشيبوني يوسف كساحت راس وعناد الي في راسا ايديرها يعني ايديرها لو كان شنو
ومعتصم طايش ومايعدل ع شي
علي: ربي يخليهم لكي كلهم تو يكبرو ويجوزو ويعقلو تو اتشوف بالنسبه معتصم يعتبر في فترة مراهقه مازال ويوسف غير مجروح بس من الي صارلا ومنقهر تو بعد جوزنه تو تشوف كيف يقعد ويعقل
ابراهيم: ربي يحفظهم ليا ويطوولنا في عمرك انت والحاجا
علي: امين يارب
