{ الحب الأعمي }
الحلقه 55
هيثم: مش عارف يالعبد بس مت.... عندي بكل شن اندير يارا مظلما قدامي
عصام: غير وسعلنا بالك تو تنحل تلقاه باتك رقيلا وماتعندش انت سايرا وفهما بشويش تو يفوتك
هيثم: تي نساير شنو . هذا بالنسبه له موضوع منتهي مافيهش امسايرا هذا موضوع مصيري يانقولا اها ونوافق ونتغلظ طول عمري في بنت يا نرفض ونريح روحي بس مشكله كان رفضت قالي اطلع من الحوش وسلم كل شي وانا غاضب عليك
عصام: تي واااو يارا كنا سيدي علي مسكر جد امها تي ليش غالي علي امهم يتحكمو في حياة الواحد ازح
هيثم: والله ماني عارف . تو بالله عليك قولي انا شن اندير تي حرت يارا وعقلي من كثر التفكير تن.... ومعش لقيت حل
نبيش يغضب عليا ونبيش انوافق نظلم روحي ونظلم البنت
عصام: باهي البنت عندهش راي ترفضك وتريح من نم هذا
هيثم: تي البنت خوالها بيجوزها سكار مايوعش بكل وصايع وعمامها متبرين منها
وجدها الله يرحما . كانت متكفل بيها ولان عارف شن بيصير فيها عدا حطها امانه في رقبت باتي وجت علي راس امي انا
عصام: ننقنا موضوع ياطيري . ومشكله في الحالتين انت مش حتريح
هيثم: تنهد . تي بكل شوفلك ليا كم يوم نفكر والله حتي نوم كويس مانرقد عقلي مشوش ومش عارف نصرف
قلت انجي نحكيلك بالك اتشور عليا شن اندير وتبقا شايف حاجه انا مش شايفها
عصام: والله من راي . تأخذها وخليها عندك
واجوز البنت الي تبيها
وهذي كيف ماقتلي مش باتك يبيها المهم قدام عينا خلاص حطها جنبا وانت عيشلك مع دراقتك الغرباويه
هيثم: باهي ياسيدي درت كيف ماقتلي باهي والبنت شن ذنبها مش نظلمها امعايا ولا لا
يعني شن اتكون مراتي وعلي ذمتي وانا مانبيهش ولا انطلقها وتعيش امعانا ولا شن الراي
عصام: تؤ تؤ ننقنا يارا بالجو هكي باتك شرمل امها وحسها تن.... عندي حتي انا
هيثم: قتلك من الاول مت.... لحكايا
عصام: عارف طربقلك كم يوم برا لبلاد ريح راسك واحسبها في عقلك كويس وفكر فيها وخوذ قرار واهو بالمره بالكي لما تباعد باتك يغير راي ويحس روحا غلط ويفكك منها بكل
هيثم: تي ماضحكنيش من الي يغير راي باتي تي احلم تي باتي وانا عارفا دبينا حطها في راسا معناها انسا يدير كيف مايبي واخبط راسك عدا انت في ساس
عصام: بلا عليك جبروت ياسي عندا
هيثم: امالا شنو تي الشايب نحلف عليه اتقول ظنيه هتلر
عصام: هههههه والله جديات جو هتلر يديرلكم فيه
هيثم: تنهد . باهي ياعبيد انا ماشي تبي شي
عصام: وين خليك
هيثم: لا خليني بنروح لحوش ونشوف قصه هذي
عصام: باهي شن بتقرر
هيثم: خلاص انا كيف ماقتلك قراري امسافر يبي ولا مايبيش وتو نفكر في الموضوع وربك يحلها من عندا وخلاص ماعندي ماندير
عصام: تم يامدير انت المهم طمني عليك وقولي شن يصير معاك
هيثم: ان شاء الله. تبي شي
عصام: لا سلامتك سلملنا عالكابتن وقولا قالك العبد تواضع ودورنا
هيثم: يوصل . هيا اوكي
عصام: اوكي
وركب هيثم في سياره وهو مروح شور الحوش رن علي يوسف
~~~~~~~~~~~~~~~~
