{ الحب الأعمي }
الحلقه 54
رحاب: 😳 رحمممه
رحمه: صبت وحطت صبعها علي فمها اسكتي وطي صوتك
رحاب: حي عليا يامجنونه شن درتي عليش هكي حرام عليك
خشي قدامي تو اطلعيه كلا
رحمه: تبكي والله ماني خاشا خليني معش بنعيش والله الوجع الي انحس بيه يقتل فيا في اليوم مية مره
رحاب: رحمه والله كان ماتخشي اترجعيه والله انقولها لهلي . وقعدت رحاب تبكي
الله يربحك خشي
رحمه: قتلك والله ماني خشا خطيني
رحاب: قعدت تمسك في رحمه وتخشش فيها الحمام
رحمه دفت رحاب وطلعت تجري لجنان
ودموعها ينزلن وتحس في روحها مرخيا ودواء بدأ يعطي في مفعوله
رحاب: طلعت تجري ورها مع جيت معتصم وخشتا من الفيلا بسياره ويشوف في رحمه تجري ورها رحاب
مشت رحمه لجنان من لورا وقعمزت علي كرسي الدرجاحا ومسكت بيديها
وكانت تبكي وجسمها كلا مرتخي وتحس في لسانها بدأ يثقل
رحاب: قعمزت علي ركبيها مقبلا رحمه
وتبكي الله يربحك ليش اديري هكي ليش بتنتحري حرام عليك كنا ايمانك ضعيف حتي بتموتي اتموتي كافره
وعلي سبت من بتموتي علشان واحد تافه جبان حقير مايستهلش ليش ضيعي في روحك وضيعي فينا وراك حدمرينا كلنا ليش مافكرتش الا في روحك بس حرام عليك
شن اندير انا بالاك وماما وبابا وخوتي والعيالا كلها
ليش يارحمه ليش وقعدت اتهز فيها
رحمه: دوبها تحكي كانت دهشا وتحسي في روحها تفقد توازنها وايديها وكرعيها مرتخيات
عذاب ربي اهون من عذابي هذا في نار في قلب ماتتوتصفش تنحس بس ومهما وصفتلك حرقتها مش حتحسي بيا
رحاب: تي صبي فكيني من كلام هذا مستحيل اتموتي قدامي وماندير شي
وقعدت اتصبي فيها مابتش
عدت رحاب تجري
ماشيا شور باتها بتقوله له
وهيا ماشيا لقت معتصم نازل وجاي شورهم كاين
مشتلا رحاب تجري ومسكت يدا وقعدت اتكر فيه وهيا وجها تبكي وبين عليه الخوف
معتصم: تي كنك بشويش كنك
رحاب: التفتت علي معتصم وجها دموع ينزلن
معتصم رحمه رحمه وخذا حبوب بتنتحر
وانا خشيت عليها لقيتها مسكا شيشة في يدها ومش عارفا كم حبه ومش عارفا كم مر علي وخذتهن لها
وتبيش اترجع خيفتها اتموت اجري يامعتصم
معتصم: حي علي امها لحماره
وعدا معتصم يجري شور رحمه ورحاب وراه
جا عند درجاحا
ورحمة مقعمزا وسندا ظهرها وتبحت فوق
معتصم: رحمه صبي امعايا انشيلك مستشفي
رحمه: هزت براسها . لالا
معتصم: تي لالا في عينك مجنون انتي تنتحري صبي
وقعد يكر فيها من يدها وهيا مش قادره تمشي ولا تقاوم
رفعها معتصم ومشا يجري بيها شور السياره
ورها رحاب
حطها معتصم في سياره
رحمه: يدوبك تحكي . مانبيش نمشي خليني انمووت ملييت من كل شي
معتصم: مش معدل علي كلام رحمه دار تأمينة متاع الباب وسكر بطمه وطبقا عليها عشان تفتحش
والتفت علي رحاب
