{ الحب الاعمي }
الحلقه 68
يوسف: باهي
هيثم: سمحا مش شينه وشخصيتها قويه واثقا من روحها
تي في دقيقه خلتني انحير قدامها ومعش عرفت مانحكي
يوسف: حي وعلي اساس محامي .
هيثم: والله انا كنت رسمها في بالي مش بالصوره هذي قلت اكييد بنت اصغيره وطيشا شكلها وماتعرفش تحكي حتي كلمتين علي بعضهن
بس طلعت عكس ماتصورت البنت عاقل وفوق من هذا تحكي بكل ثقه وثبات
يوسف: واعره يعني
هيثم: والله شكلها . بس مشكله انا حاير ومش عارف شن اندير يايوسف قاعد في دوامه مسخطا ومش فاهم شي
يوسف: ريت بنقولك . تغلطش غلطتي وعطي للبنت فرصه ولروحك فرصه وعيش يارا
وتقرب منها صدقني حتحبها راه الحب بالعشره ومواقف ومع الايام تلقا روحك متعلق بشخص هذا واتحبا
واسأل امجرب
هيثم: مشكلتي مش هنا . انا مشكلتي انت عارفني من يومي نحبش اني نأخذ بنت اصغر مني وهذي قريب 13 ولا 16سنه بيني وبينها
يعني لاتفكير ولا عقليتي ولا شخصيتي حتكون كيفها مش حنتفهمو ولا حتفهمني
حتي لو كانت عقلا مش عارف وحاجه اخره انا حاجه ننزر عليها اطير منها النيه ومعش انتقبلها دبينا انا في نفسي رفضها خلاص معش يجيني لها ميول
يوسف: يارا خلي كلام هذا ع جنب ياما قلتا وحكيتا وعاندت وعيطت من كثر مانقول في كلام هذا كرهت حياه حتي من قبل ما اتجي ونتعرف عليها . بس بعدها بالعشره وبعد ماقربتلها فهمتها وتعرفت عليها بديت انكبد وتو خلاص كيف مااتشوف فيا تي والله ما انتحمل تبعد ساعه عليا
نقعد اندور عليها ومرايفلها ونخلق في اعذار عشان انشوفها ونحكي امعاها
وعارف ماتقوليش صغيره تي والله لصغار هنا الي عقلات مامن كبيره هبلا ومطرشقه
وصدقني حتنسجم معاها
هيثم: تنهد. ونفخ اووووف. والله ان شاء الله مش عارف متمزط
يوسف: بحت انت تربكش روحك وحتي موضوع غرباويه فكر فيه . ماتظلمهش معاك وتظلم هذي معاك وتعلق في رقبتك مراتين راهن مسؤليتهن كبيره مش ساهلا ولازم تعدل بينتهن وماتنقصش في حق ولا وحده منهن لان هنا اثنين بيكونان صبايك ولهنا احقوق عليك فا من رأي تفكر وتعود احسباتك وعطي لروحك فرصه
هيثم: باهي عطيت لروحي فرصه . ومانسجمتش وماتقبلتهش الحل بعدها
انا يايوسف عمري في حياتي ماكان عندي وجيج بالبنات مش فضيلهن ومش ريقلهن اول مره في حياتي تجذبني بنت ونكبد هكي من نظره هيا إكرام
وبعد ماقررت وقلت انتوكلي ع الله ونخطلها نطزلي باتي في نص زي مسمار اشحا
بقصة البنت هذي . وبيني بينك علي اثر ما اني مزرور عليها ع اثر ما اني كرها ومش متقبلها بكل وفوق من هذا وجعتني بس مانحبش انجامل ونكذب عرفني راحل دغري وعنديش ع لف ودوران لكن ضميري يأنب فيا وفي نفس الوقت مش حنتريح امعاها حاس روحي في حاجه من نحيتها اسكرت وغمتلي منها مع ان مش ذنبها بس انحس فيها هيا الي لخبطت حياتي ودمرتها ليا
كان ماطلعتش هيا راني توا واخذ إكرام وعايش عادي وجو سمح
يوسف: يارا كل شي نصيب من ربك . مش شورها البنت هذا ربك هو الي كاتب هكي وعالعموم ان شاء الله خيير يامدير
انا راي عطيتا لكي وانت احسبها بس وفكر فيها
هيثم: حط ايديه علي وحها ومسح عليه . يستر الله .
يوسف: فكر فيها بالعقل واحسبها انت بس واشري راحت بالك وفكر فيها لقدام وبعدين ماتفكرش في وقت الحالي
فكر مع الايام شهور اسنين شن بيكون مصير
والي تلقاه مناسب لكي ديرا
هيثم: ان شاء الله خير .
يوسف: ان شاء الله . وطلع يوسف دخان وقعد يدخن
هيثم: حياه بيتا عند هلها اليوم
يوسف: نفخ الدخان. اها شلتها بيتا غادي عرس اختها الاسبوع هذا
هيثم: غريبه طلقتها هههههه
يوسف: ابتسم. مع اني نبيهش تمشي وخاطري تقعد . بس الله غالب مانبيش انكون اناني حتي هذوما هلها ولها فتره عليهم
هيثم: سبحان الله من قال انت الي قبل عرسك كيف تقعميزا هذي نحكيلك وانت مسكر راسك ومتبيش تقتنع . توا قعدت هكي
يوسف: ها شفت . ونفس شي حيصير معاك وخوذها مني . قتلك الحب بالعشرا ومعامله كويسا وتفاهم بين بعضكم
هيثم: باهي شن صار في اميره . اتصدق اني مامشيتلهش عارفها عيب بس بعد عرفتها دارت هكي رقاتها ليا
اصلا انا رقتها ليا من لقطة عرسها الي من قبل وزادت توا اخره معقول وصلت بيها الدرجه تركب لحياه وتفتنها
يوسف: تي مريضه مسكينه ربي يشفيها . مشكله تحسابها اول مشكله قريب ثالث مره هذي وحياه تمسك فيا وانا انفوت ونقول العايله بس ننقنا اخر مره وصلت عندي للمليون وظلمت قدامي ومعش حقيت شي غير وجه اميره وانا نخنق فيها بنقتلها
هذا عليش عديتالها وتحسبني ناسيها تو بس بنخليها انرد كيف ماهيا
وعندي معها كلام واجد ع حياه و لازم تسمعا مني
بنقوللها عند حياه خط احمر اتصبي وماتخطهيش وتمسي شعرا ولا تنزلي دمعه من عينها وتكون بسببك وربي تندفن في مكانها وتطربق الدنيا فوق راسها
هيثم: معاك حق مش لايم عليك ننقنها زودتها ونشهد بالله المره هذي غلطت غلطه كبيره وانا بروحي بنحكيلها
وتو نمشي بكره لاختي حليمه انشوفها وبالمره انشوف اميره ونحكيلها
يوسف: فوتها خليها بيني بينها موضوع هذا . لازم اميره تفهم انها طلعت من قلبي ومعش شايلها حتي من وطها وتخطأ الانانيه والحقاره الي ادير فيها
وتشقا بروحها وبرجالها
هيثم: لا وصلا لها وهزبها وخاليها تكبر عادي هذي وصلت اتفتن فيها يعني واضح عيمي عينك يتخرب قبل نحسبها عادي بس طلعت واضحا بتخربها
يوسف: وهذا الي بيصير حتي انا موصلها لها وكان فهمتش بالعقل انوريها لهبال
هيثم: هههههه بعدك بعد تنهبل انت زي ناقه ماتفهم حد
يوسف: هههههه . عليك تشبيه
