{ الحب الأعمي }
الحلقه 50
نزار: اسمع قتلك
معتصم: شنو
نزار: احم احم وقعد يكح
معتصم: تي كنك ازح راك اترجع عليا غادي يارا . ودفا من راسا وبعدا عليه
نزار:يكح ويضحك
معتصم:😒 بعد بتكح مش يالا وجهي كح غادي بعيد ربي موسعها
جا عند وجهي وكح
نزار: تي يامسخ شرقت قبل متت يالاك
معتصم: ان شاء الله حتي اتموت المهم كح بعيد عليا
بعدين كنك شن بتقول
نزار: بنسألك ع بنت الي يومتها رنت عليك عرفتها من
معتصم: لالا قالتلي انا جبت رقمك وخلاص ونعرفك كويس وانت عجبني والجو هذا
نزار: باهي
معتصم: هذا الباهي قعدت نحكي امعاه بجو تشفيط
بس امس واليوم مارنتش عليا
نزار: كنك ماتشوفهش باهي
معتصم: انت عارفني مش انا الي نجري ورأ البنات هنا الي يجرن ورأي
نزار:اوكي ومن الي يوزع في رقما عفريتك مثلا
معتصم: لا اوكي نعطي رقمي بس هيا الي اترن وانا صريح من بدايه انقوللها راه كسد لا متاع زيزا ولا متاع حب
وهيا اتوافق ويقعداً امعايا ورضيات ومشكله انقوللهن هكي ويكبداً
نزار: باهي هذي عرفتش قصتها شنو
معتصم: لا والله بس مافضيتلهش وماعنديش لها خلوق بيني وبينك
نزار: تي كنك من لما روحنا من المغرب حسيتك داير عقل
معتصم: مش عارف معش عندي جو للبنات ملييت يارا
نزار: غريبه وشن جد عليك كيف حبيت ولا كيف
معتصم: انقولك سر
نزار: قول اسرار عليا انا ياعصومي
معتصم: ولا انقولك خلاص
نزار: تي هيا فكني من حناطه شنو
معتصم: هههه تي انشفط عليك مافي لاسر لا اسرار غير عارفك نوعيتك فضولي قلت انكسد عليك
نزار: مثقل امك يارا
معتصم: اوكي تبي تغلط في سلوما نغلطو في فتحيه راه افطن لروحك
نزار: تي امي وامك واحد اغلط عادي
معتصم: ههههههه مسخ
نزار: تي سفيان وين
معتصم: مانيش عارف العيل هذا اكيد كارس في شي تركينه ويقرأ
نزار: ههههه تي انت سكنتلا سكنا كرهتا في أم لقرايا
معتصم: تي مزطني بكل رايح زي بنات من كثر مايقرأ تي شنو لمزاط هذا
نزار: والله حتي انا قتلا اطلع اشويه شملك هواء وازرد وسافر واطلع مع اصحابك راه العمر مش كلا قرايا ودره كبد
معتصم: مش عارف يارا تو فيصل قرأ طب بس مش كيف سفيان كان يطلع وداير جو لروحا بس سفيان كثر علي ماوصوه
نزار: نوعية سفيان خويا مجتهد زيدا عالزوم من هو وصغير هكي
معتصم: ننقنا ص......
نزار:هههههه بكل اخره
معتصم: حي علي اما بحت هناكي
نزار: التفت نزار .شنو
معتصم: ويضرب نزار زنقيرا علي رقبتا
ويصبي يجري خههههههه
نزار: صبا ورا معتصم يزر فيه
وتمو يجارو هما الاثنين ورا بعضهم ونزار يطبس ويأخذ في حيط ويطلق فيه في معتصم وبنات يبحتن فيهم وميتت ضحك عليهم
وكانت كذبه من معتصم لان كان بيقول حاجه للنزار بس سكت
~~~~~~~~~~~~~~~
هديل اتكلم في خطيبها
هديل: كنهم هضوما
بنات: ههههههه مش عارف
رحمه: مجنون عصومي انظر شن داير للنزار الي خلاه يجري وراه
مروه: ههههههه شكلهم يضحك
رحاب: اهو مسكا نزار
رحمه: حي عليه وحي ههههههه
مروه: باهي تو فكونا منهم الحانطين كملي بعدها شن صار يارحمه
رحمه: خلاص الي صار دزلي مسج وقالي نحنا مش نصيب لبعضنا وربي يسعدك ومعش لارد عليا ولا حكا امعايا
وخنقتها رحمه العبره
مروه:وااااو موعرها معقوله
رحاب: من الاول قتلها ان انتي وهو طريقكم مش وااحد لا العادات ولا التقاليد ولا المكان زي بعضنا هما في نهاية الغرب ونحنا في شرق يعني وين بيقعدو يعني بتعيش امعاه بتباعد علينا بيعيش هو امعانا بيتباعد ع هلا
وبداية المشوار يفترقو خير من نهايتا
هيا الي اتكون صعبه عليهم اكثر
هناء: بس هيا لها قريب سنه اتحبا ومتعرفا عليه يارحاب واعره مهما كان
رحاب: عرفتها واعره بس مع الايام صدقيني حتنسا توا جرحها مازال جديد بس
مروه وهناء: ربي يصبرك
رحمه: نزلن ادموعها ان شاء الله
رايفت عليه واااجد وعلي صوتا وعلي كلاما وعلي عرايكي امعاه وبصرتي وجونا رايفت علي كل شي رايفت ع احلامنا وع وعودنا للبعضنا الي ماتحققنش رايفت علي اسمي من فما كيف كان يقول فيه رايفت ع كلمة انحبك بختصار صعب ننساه وحيكون ديما علامة في قلبي صعب انها تنتسا
لان حبيتا من قلبي
مروه: ياروحي والله قطعتيلي قلبي .وقلبنا عليك المواجع في هالليل ياريت مافتحنا سيرة هالحب الي نكرها
رحاب: حلو الحب بس شين لما يفرق الي يحبو بعضهم
هناء: باهي ع سيرة الحب وبما انها ليلة اعترافات والجو هذا خلاني نعترفلكن حتي انا من انحب
بنات: قولي من
هناء: انا انحب معتصم
رحاب: انصدمت 😳 وكانت بالنسبه لها كلمة زي الرصاصه
مروه: معتصم من
هناء: معتصم ولد خالي ابراهيم
رحمه: بحتت في رحاب وتشوف في ملامح وجها لان هيا بروحا انصدمت
هناء: مش ينحب يابنات
رحمه: اتمشي في جو . اها عصومي كويس
مروه: ومن امتا ياحيوانه ماقتيليش خزيه
هناء:كنت انحبا بس مابيتش نحكي لحد بس خفت لكن بعد قعدت نحكي امعاه تأكدت من مشاعري اتجاها
رحاب: يدوبك تحكي وخنقتها العبره. كيف انتي تحكي امعاه
هناء: اها نحكي امعاه كل يوم بس هو يعرفش اني انا الي نحكي امعاه
مروه ورحمه: كيف
هناء: دايره شفره تانيه ونحكي امعاه بيها وعلي اساس بنت معجبا وهكي
مروه:وافرضي عرفك
هناء: نبي نحكي امعاه لعند انعلقا فيا ويوم الي يعرفني انقولا انا هناء بنت عمتك وانحبك
رحاب: وهو يحكي امعاك عادي ماسألكش شي
هناء: لالا يبصر ويشفط امعايا يومياً وجونا سمح غير امس واليوم ماكلمتش بس عرفات نفرح بعد نسمع صوتا
