{ الحب الأعمي }
الحلقه 63
انا: الووو
علي: صوتا كيف واعي . ايوا حياه
انا: وجعني كيف واعي من نوم وليل قلت تو نفجعا وخلاص . معليش يجدي امسجلا اسمك بأسمك اختي سمحني وعيتك
علي: لا عادي يابنيتي. ان شاء الله خير فيش حاجه
انا: لالا فيش شي وسمحني مش قصدي
علي: لا عادي
انا: تصبح علي خيير
علي: قدامك الخير
وسكرت من جدي علي وقالت انرن ع عصومي بس عصومي كيف داير عمليه قعدت انفكر بمن انرن
رنيت علي هيثم اخره
طووووط .طوووووط .طوووووط.طوو
هيثم: الو . صوتا راقد
انا: ايوا هيثم خيير
هيثم: نط قعمز ع سرير . حياه خير كنك
انا: هيثم سمحني رنا عليك توا بس . يوسف طالع ماشي لاميره في حوشها وخيفتا يدير مشكله
هيثم: شنو . باهي صكري صكري
وسكرت من هيثم وقعدت نبرم في دار
هيثم: ايرن علي يوسف مايردش عليه
قعد يرن يرن ويفصل الخط ويعود اخره قريب عشر مكالمات ويوسف مايردش
رن عليا هيثم اخره
هيثم: الو حياه انرن عليه ومايردش هو من امتا طالع
انا: مالش واجد يعني قريب هكي له ربع ساعه
هيثم: وشن صاير هو الي خلاه يطلع ويمشي الاميره
انا: هيا اميره جتني هنا وقعدت تحكي في كلام واجد ويوسف انفصل بعد ماقلتا له وقالي لازم نمشي نوقفها عند حدها
هيثم: تنهد. ونفخ . اوووووف . باهي خلاص .تو نطلع انشوف وان شاء الله غير انطق فيه
انا: باهي ياهيثم طمني والنبي
هيثم: ماشي اوكي
وسكرت من هيثم وانا نحرق وخايفا من الي يبي يصير كان كل الي مخوفني ان تو يحسبوني نبي انخرب العايله واني انبص ومكنتش نبي المشاكل هذينا يصيراً وهذا سبب الي منعني من اني نأخذ مفتاح ونمنع يوسف ان يمشي لاميره
مهما كان شن حيقولو عليا ومش نقصني عمتي تكرهني اكثر من قبل وتسمعني كلام يجرحني وانا ملييت معش نبي مشاكل من يوم مازوجت وانا نطلع من مشكله انخش في تانيه معش تريحت معش نظمت حياتي واستقريت تعبت بكل ونبي ينتهاء كل شي وانتريح
سكر هيثم مني ولبس سروال امريكي وجاكا فوق تيشرت امتاعا وخذا موبايل ومفاتيح السياره والحوش وطلع والع السياره وطلع يجري بيها من فيلا
~~~~~~~~~~~~~~~~~~~~
معتصم: كان متمدد ع سرير ويلعب بالموبايل امتاعا
نزار: من الي طالع في هالوقت ومستعجل
معتصم: والله علمي علمك بالك فيصل عند حالا ومكلمنا
نزار: ممكن
معتصم: ياخبر بفلوس بكره بلاش
نزار: باهي قولي شن الرهان الي تبيه مني
معتصم: تو تعرف بكره
نزار: والنبي فكني من رهناتك الواعره .اعطف عليا
معنصم: مادخلنيش بيك مش خبطت صدرك ورهانت تحمل مايجيك
نزار: باهي فيها تشحويرا هيا
معتصم: لالا حاجه انت ماتقبلهش وانا بنديرها لكي
نزار: مبردك حتي انا شن زرني ع رهان بس عليك مزاط انبصر راه وانت واخذ الموضوع بجديه
معتصم: وانا مانبصرش نوعيتي انت عارف
نزار: باهي فيش اتحمس في موبايل من بدري
معتصم: وانت شن دخل امك . بالك قاري فيا فاتحه وانا ماعنديش علم
نزار: نبي نحكيلك موضوع يا ص..... قبل وانت مطول لسانك
معتصم: شن الموضوع وانت هذا من امبدري منفخهن وتقولي في نفس الجمله لاحكيت لاسكتت ازح
نزار: ماهو مش عارف كيف انخش فيه خايف نحكيلك اتبك فيا ولا تهزبني
معتصم: قعمز ع سرير وقدم نزل من سرير وجا قعمز جنب نزار ع كنابه
شكلا موضوع خطير هذا احكي شنو
نزار: احم
معتصم: غير فكني من تحنحين وقول موضوعك شنو بسرعه ماتمزطنيش
نزار: في بنت عجبتني
معتصم: فنص اعيونا. اوووووو من المسكينه الي انت انعجبت بيها
نزار: ماهو هنا مشكله خايف انقولك من احتمال تبرك عليا
معتصم: تي احكي من
نزار: بس اسمع قولي انت انا حكيتلك بنأخذ رايك راه بس يعني انا مازال مكبدتش بس هكي عجبتني ولفتت انتباهي .
معتصم: تي زكري احكي باهي فكني من مقدمات وانت اتقول تحكي علي اشارة مرور لفتت انتباهي وقلتلي قف واستدر. احكي يارا
نزار: مروووه
معتصم: حط يدا ع صدرا . ااااه
نزار: كنك
معتصم: لامنغص صارلي. شكلا بارد واخذ . باهي مروه فيش غيرها
نزار: اها هيا بذات نفسها
معتصم: ومن امتا وكيف
نزار: تبي الحق
معتصم: مش قايل عما لانها كلمة مستفزا والحنطيين كلهم الي مافيهمش جو يقولو فيها. وانت احكي من امتا عليك اتمرخاي والغاز تحكي بأمهن
نزار: هههههه وسع اعصابك كنك شايط
معتصم: باهي تبي تحكي انت ولا انصبي انا
نزار: تي باهي يارا كنك مركب انت . تو نحكي اهدأ انت بس وقول هديت
معتصم: اتكا لورا . هديت ها
نزار: من لما مشينا للزردا لحظتها هكي فيها جو وسمحا وتختلف علي خواتها اتحسها هيا هديل يختلفن علي اميره وهناء كويسات اتحسهن
معتصم: باهي وانت كملتها ليا اتحسها وماتحسهش. بحت هيا من ناحيه تختلف فهيا تختلف بس يانزار هذي بنت عمتك ماعليهش لعب راه. يعني فكرت تحكي امعاها وبدير علاقه امعاها فبعدها تأخذها تجوزها مش تلعب عليها وتكسدلك كم يوم عليها وتسيبها
نزار: تي عارف يارا. وانا هذا الي امخوفني نبي نشوف جوها وطبعها شنو وخايف ننسجمش معاها نسيبها وتقعد قصه ويصيراً مشاكل مرات فا مش عارف حاير
معتصم: وخواتها انت عارفهن من وديما مرقياتها لكي انت راضي. وفكر في هلك مرات يعترضو عليها يعني فكر فيها من كل النواحي والجوانب ومتربطش معاك تو البنت هكي وبعد اتكبد عليك وتعلق بيك اتصير حاجه وتخيبلها ظنها يعني احسبها اكويس راه هذي ماعليهش لعب
نزار: فعلا صاح معاك الحق وانا هذا عليش حكيتلك قلت بالكي تعطيني حل وتقولي شن رايك
وانا هذي الي بنفكر فيها بس افرض مثلا ان صار كل شي وفكرت تمام والجو سلك يعني شن شيفها كويسا نأخذها عادي ولا لا
معتصم: كنها مروه بنت عمتك وبنت جذابه وصغيره ومازالت تكبر علي يدك ع اقل ومش كان خواتها غلطن انحطو اللوم حتي ع تانيات وكل حد طبيعتا وتفكيرا واسلوبا
وبعدين تبي الحق مانلومش عليهن اميره وهناء في الاخير بنات وفيهن قلوب حرام شن فيها كان حبن يعني وعبراًعلي حبهن
وهناء حبت واعترفت بحبها حاجه عاديه غير نحنا بس شيفينها غلط ومش من حقها يمكن لان تعودنا علي هكي ولا مجتمعنا هكي يفرض ان الشاب هو الي حلال عليه كل شي والبنت لازم اتكون متحفظا علي حاجات واجد بس في الاخير هيا حبت واعترفتلي وانا رفضتها وخلاص يعني مش معناها هكي ان هيا مش تمام ولا حتي مروه انا كل مافي موضوع موقف اختها لان اميره عندها الخبث هذا عليش
نزار: يعني انت رايك مناسبه ليا
معتصم: ليا لا كبده
نزار: تي نحكي جديات يارا ماهو تو كنت تعطي في نصائح ومشاء الله عليك كنك مسرع ماتنقلب ازح
معتصم: ماهو انت نفختهن ليا ساعه نرطم وقتلك ماتقرنهش بخواتها مرات تطلع كويسه لكن انت حمار طبعاً بارك في راسك
نزار: باهي ريحتني قبل كنت حاير
معتصم: باهي خلاص توا وجهك . يتحنحلي من امبدري علشان موضوع كيف هذا وانا نحسبا موضوع سمح وفيه جو طلع تافه كيفا خزيه
نزار: هههههههه انا ريتك سكتت
معتصم: باهي شكلك مش نواي ترقد انت اليوم ولا كيف الساعه 3 وانا الزح الدواء الي يعطو فيه ليا فيه نسبة منوم مش عارف امتا نحولها النم هذي ونتريح مليت بنطلع يارا
نزار: توا ياكذاب لكي يومين بس اصبر وتحمل تو تحولها اقريب ان اشاء الله ولحق عليه لطلوع
معتصم: ان شاء الله .وصبا بيرقد ع سرير
نزار: العب عالرسايل الي يجنك وين شكلا جماعا يشلطو ع خاص
معتصم: لا عهدك بيه عهد الخاص . هذينا اشعارات نزلت صورتي وانا في العنايه الي مصورها ليا وليد يعلقو عليها قاعدين
نزار: طبعا شباب مافيش كلهن بنات صاح
معتصم: شن اتحق فيا . بالعكس شباب واجدين يعلقو
نزار: ننقنا جديات في مستشفي لجنينا لوطا امتلت يومتها كلها شباب والله في وحدين ماعرفتهم
معتصم: والله بارك الله فيهم . ماقصروش انصبيلهم في الافراح
نزار: ان شاء الله . تبيني انساعدك في حاجه
معتصم: لالا غير ادمدر بس . وطي صوت بلاستيشن وطفية الضي نحبش نرقد وضي والع
نزار: قولي روح بالمره وخلاص
معتصم: قلتها امبدري بس مافهمتهش انت
نزار: ههههه تصبح ع خيير
معتصم: قدامك الخيير
